काठमाडौं (हाम्रो खेलकुद) – रौतहटको चन्द्रपुर नगरपालिकाले नेपाली महिला राष्ट्रिय फुटबल टोलीबाट खेल्ने आफ्नो नगरपालिकाभित्रका खेलाडीलाई नगदसहित सम्मान गरेका छन् ।
नगरपालिकाले शनिबार राष्ट्रिय टिमबाट खेल्ने आफ्नो नगरभित्रका ८ खेलाडीलाई जनही १५ हजार रुपैया, दोसल्ल र सम्मानपत्रले सम्मानित गरेको हो ।
नगरपालिकाले खेलाडीहरू नगरपालिकाको शानको रूपमा रहेको भन्दै रेनुका नगरकोटे, रश्मी कुमारी घिसिङ, समिक्षा घिमिरे, अनिता केसी, अञ्जना रानामगर, पुनम जर्घामगर, निशा थोकर र मञ्जली कुमारी योञ्जनलाई सम्मान गरेको हो ।
गत भदौमा घरेलु मैदानमै भएको साफ महिला च्याम्पियनशिपमा नेपाली टिमले फाइनलसम्मको यात्रा तय गर्दा रौतहटका सात खेलाडीले टिमको प्रतिनिधित्व गरेका थिए । त्यसबेला टिमको कप्तानसमेत रहेकी रेनुका भने चोटका कारण टिमबाट बाहिर थिईन् ।
महिला फुटबलका लागि उर्वर भुमीको रूपमा रहदै आएको रौतहटको चन्द्रपुर नगरपालिकाका दर्जनौ खेलाडीले राष्ट्रिय टिमबाट खेलिसकेका छ्न् ।
