एजेन्सी – लन्डन क्लब चेल्सी र मर्सिसाइड क्लब एभर्टनले इंग्लिस प्रिमियर लिगमा बराबरी खेल्दं अंक बाँडेका छन् ।घरेलु मैदानमा चेल्सीले खेलमा दुईपटक अग्रता लिएरपनि त्यसलाई जोगाउन नसक्दा एभर्टनसँग २–२ गोलको बराबरी खेल्दै अंक बाड्न बाध्य बनेको हो ।

स्टामफोर्ड ब्रिजमा शनिबार राति भएको खेलमा चेल्सीका जोआओ फेलिक्स र काई हाभर्टजले गोल गर्दा एभर्टनका अब्दुलाए डोउकाउरे र इलिस सिम्सले गोल गरे । सबै चार गोल दोस्रो हाफमा नै भएको थियो ।

५२औं मिनेटमा फेलिक्सले गोल गर्दै चेल्सीलाई १–० को अग्रता दिलाए । ६९औं मिनेटमा अब्दुलाए डोउकाउरेले गोल गर्दै खेललाई १–१ गोलको बराबरीमा ल्याए ।

७६औं मिनेटमा काई हाभर्टजले पेनाल्टीमा गोल गर्दै चेल्सीलाई पुनः २–१ को अग्रता दिलाए । तर, त्यो अग्रतालाई चेल्सीले जोगाउन सकेन ।

निर्धारित समयको खेल सकिन एक मिनेट बाँकी रहँदा परिवर्तित खेलाडी इलिस सिम्सले गोल गर्दै चेल्सीलाई जितबाट वञ्चित गराए । इलिस ७९औं मिनेटमा इड्रिसा गाना गुआएको स्थानमा मैदान छिरेका थिए ।

यस बराबरीसँगै चेल्सी २७ खेलबाट ३८ अंक जोडेर १०औं स्थानमा छ । एर्भटन २८ खेलबाट २६ अंक जोडेर १५औं स्थानमा छ ।

अन्य नतिजा
वल्भ्सविरुद्ध लिड्स (२–४)
एस्टन भिल्लाविरुद्ध बर्नमाउथ (३–०)
ब्रेन्टफर्डविरुद्ध लेस्टर (१–१)
साउथह्याम्टनविरुद्ध टोटेनहम (३–३)