काठमाडौं (हाम्रो खेलकुद) – भोजपुर नगरपालिकाको मुख्य प्रायोजन तथा भोजपुर जिल्ला फुटबल संघको आयोजनामा छैटौं अन्तर्राष्ट्रिय आमन्त्रण मेयर भोजपुर गोल्डकप फुटबल प्रतियोगिता आयोजना हुने भएको छ ।
छैटौं अन्तर्राष्ट्रिय आमन्त्रण मेयर भोजपुर गोल्डकप चैत्र १० देखि १६ गतेसम्म हुने भोजपुर जिल्ला फुटबल संघले जनाएको छ । १० देखि १३ गतेसम्म क्वाटरफाइनल, १४ र १५ गते सेमिफाइनल तथा १६ गते फाइनल हुनेछ ।
प्रतियोगितामा आयोजक भोजपुर जिल्ला फुटबल संघ, भारतका युकेएफसी र क्यामरुनका एभिनियर एफसीसहित एनबीवाईसी सप्तरी, गोर्खा ब्वाइज रुपन्देही, डाँगीहाट युथ क्लब मोरङ, भगवती स्पोर्टस् क्लब खोटाङ र बसाहा क्लब उदयपुर सहभागी हुने आयोजकले जनाएका छन् ।
प्रतियोगिताका विजेताले नगद ५ लाखसहित ट्रफी, मेडल तथा प्रमाणपत्र पाउने छन् । उपविजेताले तीन लाखसहित ट्रफी, मेडल तथा प्रमाणपत्र पाउने छन् ।
