इटहरी (हाम्रो खेलकुद)– त्रिभुवन आर्मी फुटबल क्लब १३ औ अन्तराष्ट्रिय आमन्त्रण कन्ट्रोल इटहरी गोल्ड कप फुटबल प्रतियोगिताको सेमिफाइनलमा पुगेको छ । रोलिङ क्लब झापालाई मंगलबार ४–१ ले हराउँदै आर्मी इटहरी गोल्ड कपको अन्तिम चारमा प्रवेश गरेको हो ।

आर्मीको जितमा दीपक गुरुङ, जिलेस्पीजंग कार्की, सुदिल राई र पदम तामाङले बगोल गरे । रोलिङका डेडी वाम्बाले गोल गरे । आर्मीले तेस्रो मिनेटमा नै दीपकको गोलबाट अग्रता लियो । डिबक्स नजिकबाट दीपकले गरेको फ्रिकिक प्रहार गोलमा परिण तभएको थियो । पहिलो हाफको इन्जुरी समयमा कप्तान जिलेस्पीले गोल गर्दै अन्तर दोब्बर पारे । युद्ध शाहीको पासलाई जिलेस्पती गोल गरेका थिए ।

६२ औं मिनेटमा दिनेश हेन्जनको पासमा सुदिल गोल गरे । ६४औं मिनेटमा रोलिङका वाम्बाले पेनाल्टीमार्फत गोल फर्काए । विमल पाण्डेले पेनाल्टी बक्स भित्र ह्यान्ड गरेपछि रोलिङले पेनाल्टी पाएको थियो । पदमले इन्जुरी समयमा गोल गरे । आर्मीले बिहीबार चर्च ब्वाइज युनाइटेड क्लबसँग सेमिफाइनलमा प्रतिस्पर्धा गर्नेछ ।

आर्मीका जिलेस्पीजंग कार्की खेलेको म्यान अफ दी म्याच घोषित भए । होटल तथा पर्यटन व्यवसायी संघ सुनसरीका अध्यक्ष तेज बहादुर पुरी र सि बी कलेजका बोर्ड डाइरेक्टर देशबन्धु कार्कीले जेलेस्पीलाई १० हजार हस्तान्तरण गरे ।

प्रतियोगितामा बुधबार मछिन्द्र फुटबल क्लब र सगरमाथा युथ क्लब सुन्दर हरैचा मोरङबीच पहिलो सेमिफाइनल खेल हुनेछ । प्रतियोगिताको विजेताले १० लाख र दोस्रो हुने टोलीले ५ लाख रुपैयाँ प्राप्त गर्नेछ ।