default_image

1 year ago

March 21, 2023

हालान्ड नर्वेको टोलीबाट बाहिरिए

115 views

0 Bookmark

एजेन्सी – इंग्लिस क्लब म्यानचेस्टर सिटीका फरवार्ड एर्लिङ ब्राउट हालान्ड नर्वेको युरो कप छनोट २०२४ को टोलीबाट बाहिरिएका छन् । ग्रोइन चोटका कारण हालान्ड नर्वेको टोलीबाट बाहिरिएका हुन् ।

चोट बोकेर नर्वेको टोलीबाट बाहिरिएसँगै २२ वर्षीय हालान्डले यसै साता हुने युरो कप छनोटका दुई खेल गुमाउने छन् । नर्वेले यसै साता समूह ‘ए’ को खेलमा स्पेन र जर्जियाविरुद्ध खेल्दैछ ।

शनिबार एफए कपको क्वाटरफाइनलमा सिटीले बर्नलीलाई ६–० ले हराउँदा हालान्डले ह्याट्रिक पूरा गरेका थिए । उक्त खेलमा नै उनले ग्रोइनमा समस्या भोगेका थिए ।

‘एर्लिङलाई टोलीमा समेटेपनि उनले प्रशिक्षणमा असहज महसुस गरेपछि उनलाई टोलीबाट बाहिर राखिएको नर्वेका प्रशिक्षक स्टेल सोल्बाकेनले बताएका छन् । नर्वे राष्ट्रिय टोलीका डाक्टर ओला स्यान्डले हिजो र आजको परीक्षणपछि उनले यो साता खेल्न नसक्ने पुष्टि भएको बताएको छ ।

१९ वर्षको उमेरमा सन् २०१९ सेप्टेम्वरमा नर्वेका लागि डेब्यु गरेका हालान्डले नर्वेका लागि २३ क्याप जित्दा २१ गोल गरिसकेका छन् । हालान्डले यो सिजन सिटीका लागि ३७ खेलमा ४२ गोल गरिसकेका छन् । जसमा यस महिनाको सुरुमा च्याम्पियन्स लिगमा जर्मन क्लब आरबी लाइप्जिगलाई ७–० ले हराउँदा उनको ५ गोल समेत समावेश छ ।

पेप गुआर्डीओलाले म्यानचेस्टर टिी इंग्लिस प्रिमियर लिगको दोस्रो स्थानमा रहेको छ । सिटी एक खेल बढी खेलेको आर्सनलसँग ८ अंकले पछि छ ।

सिटीले १ अप्रिलमा घरेलु मैदानमा लिभरपुलसँग खेल्दैछ । सिटीले क्वाटरफाइनलमा जर्मन महारथी बायर्न म्युनिख र अर्काे महिना वेम्वलीमा एफए कपको सेमिफाइनलमा सेफिल्ड युनाइटेडसँग खेल्दैछ ।

May 19, 2024

प्रिमियर लिग विजेताको छिनोफानो आज

एजेन्सी – इंग्लिश प्रिमियर लिग २०२३/२४ सिजनको विजेताको टुंगो आज लाग्दैछ । पछिल्लो तीन सिजनको विजेता म्यानचेस्टर सिटी र आर्सनल मध्य एक टोलीले आज लिग उपाधि उचाल्ने छ । लिग लिडर सिटीले आज ८:४५ बजे वेस्ट ह्यामसँग अन्तिम खेल खेल्दैछ । सोही समयमा दोस्रो स्थानमा रहेको आर्सनलले एभर्टनसँग खेल्दैछ । सिटीले आफु अनुकुल नतिजा निकाल्न […]

May 18, 2024

काठमाडौंलाई गोदावरी मेयर कप फुटबल उपाधि

ललितपुर (हाम्रो खेलकुद) – काठमाडौं महानगरपालिकाले गोदावरी प्रथम उपत्यकाब्यापी अन्तर पालिका मेयर कप फुटबल प्रतियोगिताको उपाधि जितेको छ । प्रस्तावित गोदावरी बहुउदेश्यीय रंगशालाको झ्यालुन्टार मैदानमा शनिबार भएको फाइनलमा चन्द्रागिरी नगरपालिकालाई २–१ गोल अन्तरले हराउँदै काठमाडौं च्याम्पियन बनेको हो । काठमाडौंका लागि अखिलेष कार्की र दीपेश श्रेष्ठले गोल गरे । उपाधिका साथ काठमाडौंले ५ लाख रुपैयाँ […]

May 18, 2024

पूर्वेली रातो दुर्गादेवी श्रेष्ठ स्मृति भेट्रान्सको फाइनलमा

हिमाल खरेल, बिर्तामोडआयोजक पूर्वेली युवा क्लब रातो बिर्तामोडमा जारी स्वर्गीय दुर्गादेवी श्रेष्ठ स्मृति भेट्रान्स फुटबल प्रतियोगिताको फाइनलमा प्रवेश गरेको छ । बिर्तामोडको डोमालाल राजवंशी रंगशालामा आज भएको अन्तिम सेमिफाइनल खेलमा मोरङको विराट मेगा भेट्रान्स एफसीलाई ५–० ले पराजित गर्दै आयोजक रातो उपाधिनजिक पुगेको हो । जितसँगै आयोजक पूर्वेलीका दुवै टिम फाइनलमा पुगेका छन् । दुवै […]

Success

Thank you for your time.