default_image

1 year ago

March 31, 2023

खप्तड गोल्ड कप – उपाधि जित्नेमा मनाङ र थ्री स्टार दुबै आशावादी

203 views

0 Bookmark

धनगढी (हाम्रो खेलकुद) – छैटौं संस्करणको मुख्यमन्त्री सुदूरपश्चिम खप्तड गोल्डकप अन्तराष्ट्रिय फुटबल प्रतियोगितामा फाइनल पुगेका दुबै ए डिभिजन टोलीले मनाङ मर्स्याङ्दी क्लब र थ्री स्टार क्लबले उपाधि जित्ने दाबी गरेका छन् ।

प्रि म्याच कार्यक्रममा शुक्रबार दुवै टोलीका कप्तानले उपाधि जित्ने विश्वास व्यक्त गरेका छन् । फाइनल धनगढी रंगशालामा हुनेछ । थ्री स्टारका कप्तान विक्रम लामाले मिडफिल्डर दिपेश गुरुङको अनुपस्थितीले क्लबको प्रर्दशनमा असर नपर्ने बताए । दिपेशले सेमिफाईनलमा रातो कार्डको सामना गर्नु परेको थियो । जसका कारण उनले फाइनल खेल्न पाउने छैनन् ।

विक्रमले आफुहरुसँग सन्तुलित टोली रहेको उल्लेख गर्दै उपाधिमा आफ्नो स्वभाविक दाबी रहने बताए । फाइनल खेलमा आफ्नो भूमिकाबारे बोल्दै उनले भने, ‘भोलीको रणनीति अनुसार मेरो भूमिका हुनेछ । प्रशिक्षक मेघराज केसीले जुन भुमिकामा खेलाउँनु हुनेछ म तयार छु ।’

विक्रमले रिकभरी समय कम भएकाले फिटनेसमा असर पारेको बताए । तर फाइनल खेलका लागि टोली मानसिक रुपमा तयार रहेको उनले बताए । ‘एन्फाले खेल तालिकालाई ब्यवस्थित बनाएको भए मोफसलमा फुटबल कार्यक्रम गरिरहेका आयोजकले गरेको मेहनतले फुटबलमा राम्रो योगदान गर्ने थियो ’ उनले भने, ‘तेस्रो पटक खप्तड गोल्डकपको फाईनल खेल्दै गर्दा पहिलो पटक उपाधि जित्न चाहन्छौं । मोफसलको गोल्डकपले टिमलाई सेट हुन अवसर दिएको छ ।’

मनाङका कप्तान जीवन गुरुङले खप्तड गोल्डकपको उपाधि रक्षा गर्न आफुहरु तयार रहेको बताए । टिमको अवस्थाबारे जानकारी दिदै उनले भने, ‘विदेशी फरवार्ड कोफी तिमोती कुवडु भोली खेल्नेछन् । विदेशी खेलाडीमा डियाग उत्कृष्ट छन् । उनको प्रर्दशनले टिमलाई धेरै सहज भएको छ । मनाङ जस्तो क्लबलाई नेतृत्व गर्न पाउँदा गर्व महशुश गरेको छु । तेस्रो पटक खप्तड गोल्डकपको उपाधि जित्ने पक्का हो ।’

सुदूरपश्चिम ११ स्पोर्ट्स क्लबको आयोजनामा चैत ९ गते सुरु भएको प्रतियोगिताको विजेताले उपाधि सहित २१ लाख रुपैयाँ र दोस्रो टोलीले १० लाख रुपैयाँ हात पार्नेछन् । विधागततर्फ उत्कृष्ट खेलाडीलाई जनही १५ हजार र म्यान अफ दि म्याचलाई १० हजार रुपैयाँ प्राप्त गर्नेछन् । प्रतियोगिताको सर्वोत्कृष्ट खेलाडीले १ लाख रुपैयाँ नगद प्राप्त गर्नेछन् ।

प्रतियोगितामा ‘ए’ डिभिजन ६ टीम, दुई विदेशी टिम, मोससलको बागमती युथ क्लब र आयोजक क्लव गरी १० टोलीको सहभागी थिए । सुदूरपश्चिम प्रदेश सरकार मुख्य प्रबद्र्धक रहेको यस प्रतियोगिताको समापन प्रदेश सरकारका भौतिक पूर्वाधार मन्त्री प्रकाश देउवाले गर्ने कार्यक्रम रहेको आयोजक क्लब अध्यक्ष सुरेश हमालले बताएका छन् ।

June 12, 2024

यु-२० साफ: उद्दघाटन खेलमा नेपालले श्रीलंकाविरुद्ध खेल्ने

काठमाडौं (हाम्रो खेलकुद) – नेपालमा आउँदो अगस्ट १६ देखि २८ सम्म हुने साफ यु-२० पुरुष च्याम्पियनसिपको उद्दघाटन खेलमा नेपालले श्रीलंकाविरुद्ध खेल्ने भएको छ । दक्षिण एसियाली फुटबल महासंघ (साफ) ले बुधवार सार्वजनिक गरेको तालिकामा नेपालले उद्दघाटन खेलमा श्रीलंका विरुद्ध खेल्ने भएको हो । समूह ए मा रहेको नेपालले दोस्रो खेल पाकिस्तान विरुद्ध अगस्ट १९ मा […]

June 12, 2024

बागमतीलाई सि डिभिजन लिग उपाधि

काठमाडौं (हाम्रो खेलकुद) – बागमती युथ क्लबले सहिद स्मारक सि डिभिजन लिग उपाधि जितेको छ । एन्फा कम्प्लेक्स सातदोबाटोमा भएको अन्तिम खेलमा पुल्चोक स्पोर्ट्स क्लब विरुद्ध गोलरहित बराबरी सँगै बागमतीको उपाधि पक्का भएको हो । लिगको अन्तिम दिनमा बागमती र आरसी ३२ फुटबल एकेडेमी उपाधिका लागि प्रतिस्पर्धा गरिरहेका थिए । तर आरसी ३२ ले उपाधि […]

June 12, 2024

सि डिभिजनको उपाधि छिनोफानो आज

काठमाडौं (हाम्रो खेलकुद) – सहिद स्मारक सि डिभिजन लिगको उपाधि जित्ने टोलीको टुंगो आज लाग्दै छ । लिग सिजनको अन्तिम दिन आज बागमती युथ क्लब र आरसी ३२ फुटबल एकेडेमी मध्य एक टोलीले उपाधि जित्ने पक्का हुने छ । आज दिनको ३ बजे दुवै उपाधि दावेदार टोली मैदान उत्रिने छन् । एन्फा कम्प्लेक्स सातदोबाटोमा बागमतीले […]

Success

Thank you for your time.