default_image

1 year ago

April 1, 2023

एन्फा कार्यसमितिको आपतकालिन बैठक सुरु, असन्तुष्ट पक्ष अनुपस्थित

194 views

0 Bookmark

काठमाडौं (हाम्रो खेलकुद)– अखिल नेपाल फुटबल संघ (एन्फा) कार्यसमितिको आपतकालिन बैठक सातदोबाटोस्थित एन्फा मुख्यालयमा सुरु भएको छ । तीन उपाध्यक्षसहितको असन्तुष्ट पक्ष भने आपतकालिन बैठकमा उपस्थित छैन ।

फाइल तस्बिर

एन्फा महासचिव किरण राईले शनिबार बिहान ९ः०० बजे एन्फा कम्प्लेक्समा कार्यसमितिको आपकालिन बैठकमा उपस्थित हुन पदाधिकारी तथा सदस्यहरुलाई बिहीबार पत्र काटेका थिए । बैठकमा कोरम नपुग्ने देखिएपछि एन्फाले शनिबार बिहान जुमबाट पनि बैठकमा सहभागी हुन सक्ने भन्दै लिंक पठाएको थियो । तर, असन्तुष्ट पक्ष भने जुममा पनि सहभागी नभएको बताइएको छ ।

एन्फा महासचिव किरण राईले आफू एन्फा बैठकमा रहेको र बैठकमा ११ जनाको उपस्थिति रहेको बताएका छन् । उनले भने, ‘हामी ११ जना बैठकमा छौं । त्यसमा दुई जना सदस्य सरिला श्रेष्ठ र अनिल मल्ल जुमबाट जोडिनु भएको छ ।’

फागुन १७ गते भएको पछिल्लो बैठक पनि विवादित बनेको थियो । असन्तुष्ट पक्षले महासचिव राई र कोषाध्यक्ष रविन्द्र जोशीलाई बर्खास्त गर्ने मागलाई एजेन्डामा समावेश गर्नुपर्ने माग राखेपछि विवाद भएको थियो । बर्खास्तसहित असन्तुष्ट पक्षका ५ बुदाँलाई बैठकको एजेन्डामा समावेश गर्न एन्फा अध्यक्ष पंकजविक्रम नेम्बाङ तयार नभएपनि आफूहरुले बैठक बहिष्कार गरेको असुन्तुष्ट पक्षले बताउँदै आएको छ ।

जसका कारण तीन उपाध्यक्ष विराटजंग शाही, दीर्घबहादुर (कुमार) केसी, दीपक खतिवडासहितले बैठक बष्हिकार गरेका थिए । त्यसका वावजुद पनि कोरम पुगेको भन्दै एन्फा कार्यसमितिको निर्णय सार्वजनिक भएको थियो । असन्तुष्ट पक्षले त्यसलाई आफूहरुले स्वीकार नगरेको बताउँदै आएको छ ।
त्यसकैको निरन्तरताका रुपमा त्यसलाई बैधानिकता दिनका लागि बैठक डोकेको आशंकामा आफूहरु बैठकमा उपस्थित नभएको उपाध्यक्ष केसीले बताएका छन् । ‘विना एजेन्डा आपकालिन बैठक भनिएको छ । अघिल्लो बैठककलाई हामीले अवैधानिक भनेका छौं,’ उनले भने, ‘त्यसैलाई बैधानिकता दिने प्रयासमा यो बैठक बस्न लागेको हामीलाई आशंका छ । हामी उपस्थित नभएपछि अहिले जुम बैठक भनिएको छ । हामी त्यसमा पनि जोडिएनौं । ’

तीन उपाध्यक्ष शाही, केसी, खतिवडा तथा सदस्यहरु भोजराज शाही, पेमा डोल्मा लामा, रविन्द्र चन्द, रमेश व्यन्जनकार, महेन्द्र क्षेत्री, मनीष जोशी र रुपेश अधिकारी बैठकमा सहभागी नरहेको बताइएको छ ।

July 25, 2024

एएफसी प्लेअफ खेलमा केल्मीको बल प्रयोग हुने

काठमाडौं (हाम्रो खेलकुद) – नेपालको लिग च्याम्पियन अपि पावर चर्च ब्वाइज युनाइटेडले यसै महिनाको अन्त्यमा खेल्ने एएफसी च्यालेन्ज लिगको प्लेअफ खेलमा केल्मीको बल प्रयोग हुने भएको छ । नेपालको लागि केल्मीको आधिकारिक विक्रेता कामारु ट्रेडिङले चर्च ब्वाइजलाई प्रतियोगिता र प्रशिक्षणका लागि आवश्यक म्य्च बल उपलब्ध गराउने भएको हो । केल्मी र एएफसीबीच सन् २०२१ देखि […]

July 25, 2024

करिब दुई घण्टापछि गोल रद्द गर्दा अर्जेन्टिना पराजित

एजेन्सी – गोल गरेको करिब २ घण्टापछि गोल रद्द भएपछि पेरिस ओलम्पिकमा पुरुष फुटबलको आफ्नो पहिलो खेलमा अर्जेन्टिना पराजित भएको छ । अर्जेन्टिना मोरोक्कोसँग २-१ ले पराजित भएको हो । सोफियान रहिमीले पहिलो हाफको अन्त्यमा र ४९औं मिनेटमा गोल गर्दै मोरक्कोलाई खेलमा २ गोलको अग्रता दिलाएका थिए । ६८औं मिनेटमा जिउकियानो सिमिओनेले अर्जेन्टिनाका लागि एक […]

July 24, 2024

बंगलादेशले भुटानलाई हरायो

काठमाडौं (हाम्रो खेलकुद) – अन्तर्राष्ट्रिय मैत्रीपूर्ण खेलमा बंगलादेशको महिला राष्ट्रिय फुटबल टोलीले भुटानलाई फराकिलो अन्तरले पराजित गरेको छ । भुटानमा भएको खेलमा घरेलु टोलीले पहिलो हाफमा अग्रता लिएपनि दोस्रो हाफमा सम्हालिन नसक्दा ५-१ को हार बेहोर्नु पर्यो । १३ औं मिनेटमा पेमा छोडेनले भुटानलाई अग्रता दिलाएकी थिइन् । तर दोस्रो हाफमा बंगलादेशले ५ गोल फर्काउँदै […]

Success

Thank you for your time.