7 years ago
January 4, 2017
लन्डन (एजेन्सी)– अन्तिम २० मिनेटमा तीन गोल फर्काएपछि आर्सनल गए राती प्रिमियर लिगमा हारबाट जोगिएको छ । उपाधि दौडमा रहेको आर्सनलले बोर्नमाउथसँग ३–३ को बराबरी खेलेको हो । बोर्नमाउथले १५ मिनेटमै १–० को अग्रता लिएको थियो भने रायन फ्रसेरले दोस्रो हाफको १३ औ मिनेटमा अर्को गोल थपेका थिए । ७० औं मिनेटमा एलेक्स सान्चेजले हेडमार्फत […]
लन्डन (एजेन्सी)– अन्तिम २० मिनेटमा तीन गोल फर्काएपछि आर्सनल गए राती प्रिमियर लिगमा हारबाट जोगिएको छ । उपाधि दौडमा रहेको आर्सनलले बोर्नमाउथसँग ३–३ को बराबरी खेलेको हो ।
बोर्नमाउथले १५ मिनेटमै १–० को अग्रता लिएको थियो भने रायन फ्रसेरले दोस्रो हाफको १३ औ मिनेटमा अर्को गोल थपेका थिए । ७० औं मिनेटमा एलेक्स सान्चेजले हेडमार्फत गोल गर्दै आर्सनललाई खेलमा फर्काउने प्रयास गरेका थिए भने त्यसको पाँच मिनेटपछि परिवर्तित खेलाडी लुकास पेरेजले भलीमा गोल गर्दै गोलअन्तरलाई ३–२ मा पुर्याएका थिए ।
८३ औं मिनेटमा आरोन रामसेलाई फाउल हान्दा सिमोन फ्रेन्सिसले रातो कार्ड पाएपछि बोर्नमाउथ १० खेलाडी सिमित भएको थियो । एक खेलाडी कम भएको फाइदा उठाउन आर्सनल सफल पनि भयो । लगातार दबाब दिएको आर्सनलका लागि इन्जुरी समयको दोस्रो मिनेटमा ओलिभर जिर्राउडले बराबरी गोल फर्काए र टोलीको सम्भावित हारलाई टारे । चार्लिन डानियल्सको गोलमा बोर्नमाउथले १५ औं मिनेटमा अग्रता लिएको थियो भने कालुम विल्सनले २० औं मिनेटमा पेनाल्टीमार्फत गोल गर्दै अन्तरलाई दोब्बर पारेका थिए ।
प्रिमियर लिगका अन्य दुई खेलमा स्वान्सी सिटीले क्रिस्टल प्यालेसलाई २–१ ले र स्टोक सिटीले वाटफोर्डलाई २–० ले हराएको छ । खेल सकिनु दुई मिनेटअघि एन्जेल रानगेलको गोलमा स्वान्सी विजयी भएको थियो त्यसअघि अलफि माउसनको गोलबाट ४२ औं मिनेटमा स्वान्सीले अग्रता लिएको थियो भने ८३ औं मिनेटमा क्रिस्टल प्यालेसका विलफ्रान्इड जाहाले बराबरी गोल फर्काएका थिए । पहिलो हाफमा रायन स्वक्रस र पिचर क्रचले दोस्रो हाफमा गोल गरेपछि स्टोक विजयी भएको थियो ।
चौथो स्थानमा रहेको आर्सनल शीर्षस्थानका चेल्सी भन्दा अझै ८ अंकले पछाडी छ । आर्सनलले २० खेलमा ४१ अंक जोडेको छ भने एक खेल कम खेलेको चेल्सीको ४९ अंक छ । दोस्रो स्थानको लिभरपुलको ४४ र तेस्रो स्थानको म्यानचेस्टर सिटीको ४२ अंक छ । २५ अंकसहित बोर्नमाउथ नवौं स्थानमा छ । अंक तालिकामा स्टोक ११ औं र स्वान्सी पुछारबाट दोस्रो (१९ औं) स्थानमा छ ।
April 24, 2024
एजेन्सी – आर्सनलले इंग्लिस प्रिमियर लिगमा ३ अंकको स्पष्ट अग्रता लिएको छ। चेल्सीलाई मंगलबार ५-० ले हराउँदै आर्सनलले दोस्रो स्थानको लिभरपुललाई ३ अंकले पछि छाडेको छ । आर्सनलको ७७ अंक छ । लिभरपुलले एक खेल कम खेलेको छ भने २ खेल कम खेलेको तेस्रो स्थानको म्यानचेस्टर सिटी ७३ अंक छ।एफए कपको सेमिफाइनलमा सिटी सँग पराजित […]
April 23, 2024
सुर्खेत (हाम्रो खेलकुद) – लुम्बिनी प्रदेशले महिला लिग छनोटमा पहिलो जित हासिल गरेको छ । उत्कृष्ट पूनरागमन गर्दै लुम्बिनीले मंगलबार बागमती प्रदेशलाई ३–१ को नतिजामा माथ दिएको हो । सर्खेतस्थित कर्णाली प्रदेश रंगशालामा भएको खेलमा पहिलो अग्रता बागमतीले बनायो। २४औं मिनेटमा सुमित्रा तामाङको गोलमा बागमती अगाडि लागेको थियो । तर यो अग्रता खेलको ४०औं मिनेटमा […]
April 23, 2024
हिमाल खरेल, मेचीनगरझापाको बुद्धशान्तिमा शनिबार सुरु हुने तेस्रो आदर्श च्यालेन्ज कप फुटबल प्रतियोगिताको खेल तालिका सार्वजनिक भएको छ । खेल मैदान बुद्ध आदर्श माविको सभाहलमा आज भएको पत्रकार सम्मेलनमा खेल तालिका सार्वजनिक भएको हो । खेल तालिकाअनुसार उद्घाटन खेलमा आयोजक आदर्श युवा क्लबले दमकको ध्रुवतारा स्पोर्टिङ क्लबको सामना गर्नेछ । त्यस्तै, दोस्रो खेल आइतबार बिर्तामोड […]