काठमडाौं (हाम्रो खेलकुद) – थ्री स्टार क्लब र चर्च ब्वाइज युनाइटेडले सहिद स्मारक ‘ए’ डिभिजन लिगमा बराबरी खेल्दै अंक बाँडेका छन् ।

च्यासल रंगशालामा सोमबार भएको खेलमा थ्री स्टार र चर्च ब्वाइजले गोलरहित बराबरी खेल्दै अंक बाँडेका हुन् । खेलमा चर्च ब्वाइजले पकड जमाएपनि थ्री स्टारको बलियो रक्षापङ्ति तोड्न नसक्दा बराबरीमा रोकिन पुग्यो । थ्री स्टारले रक्षात्मक रणनीति अपनाएर चर्चसँग अंक खोस्न सफल भयो ।

खेलको चौथो मिनेटान गगनदीप सिहंको पेनाल्टी बक्स बाहिरको प्रहारलाई थ्री स्टारका गोलरक्षक मोहम्मद ताहाले डाइभ दिदै बचाउँदा चर्च ब्वाइज अग्रता लिनबाट चुक्यो ।

२४औं मिनेटमा एरिक विष्टको फ्रिकिकलाई थ्री स्टारका गोलरक्षक ताहाले पञ्च गर्दै बचाए । ३६औं मिनेटमा आषिश चौधरीको प्रहार पहिलो बार च्याप्दै थोरैले बाहिरिदा चर्च ब्वाइज अग्रता लिनबाट चुक्यो । पिटर सेगुनको गलत पासलाई आशिषले नियन्त्रणमा लिएपनि फिनिस गर्न सकेन ।

४१औं मिनेटमा बेम्पाहको प्रहारमा पुनः गोलरक्षक ताह नै बाधक बने । पहिलो हाफको इन्ज्युरी समयको थप गरिएको पहलिो मिनेटमा आशिष चौधरीको प्रहारलाई पिटर सेगुनले ब्लक गर्दै थ्री स्टारको संकट टारे । लगत्तै कर्नरमा कप्तान अनन्त तामाङले हेडरलाई भेट्न सकेन ।

दोस्रो हाफमा दुवै टोलीबाट उल्लेख्य आक्रमण हुन सकेन । ७६औं मिनेटमा मिलन राईको प्रहारलाई गोलरक्षक ताहाले पञ्च गर्दै बचाए । ८९औं मिनेटमा दिपेश गुरुङको पेनाल्टी बक्सबाहिरको फ्रिकिक क्रसबारबाट थोरै बाहिरिदा थ्री स्टारले अग्रता लिन सकेन ।

यस बराबरीसँगै दुवै टोलीको मिान ९ खेलबाट १५ अंक पुगेको छ । चर्च ब्वाइज १५ अंक जोडेर तेस्रो स्थानमा उक्लदा गोल अन्तरमा पछि रहेको थ्री स्टार छैटौं स्थानमा छ । समान १५ अंक नै रहेको मनाङ चौथो तथा संकटा पाँचौं स्थानमा छ ।