default_image

1 year ago

April 22, 2023

चेन्चोको गोलमा मछिन्द्रको जित

103 views

0 Bookmark

काठमाडौं (हाम्रो खेलकुद) – भुटानिज फरवार्ड चेन्चो ग्याल्सेनले सहिद स्मारक ‘ए’ डिभिजन लिगमा पहिलो गोल गरेपछि मछिन्द्र फुटबल क्लबले फ्रेन्ड्स क्लबलाई पराजित गरेको छ ।

च्यासल रंगशालामा मछिन्द्रले १० खेलाडीमा समेटिएको फ्रेन्ड्सलाई २–१ ले पराजित गरेको हो । मछिन्द्रको लागि अर्काे गोल देवेन्द्र तामाङले गर्दा फ्रेन्ड्सका रफिक अमिनुले एक गोल फर्काए ।

प्रतिस्पर्धात्मक खेलको ४४औं मिनेटमा चेन्चोले गोल गर्दै मछिन्द्रलाई पहिलो हाफमा १–० को अग्रता दिलाए । निसेन सुब्बाको क्रसलाई नियन्त्रणमा लिदै एखरोरबेक उक्तमोभलाई नटमेग गर्दै गरेको प्रहारले जाली चुमेको थियो । उनले लिगमा ६ खेल खेल्दा पहिलो गोल गर्न सफल भएका हुन् ।

६३औं मिनेटमा देवेन्द्र तामाङले गोल गर्दै मछिन्द्रको अग्रता दोब्बर पारे । चेन्चोको फ्रिकिक क्लियर हुन नसकेपछि देवेन्द्रले नियन्त्रणमा लिदै गोल गर्न सफल भए । ७६औं मिनेटमा रफिक अमिनुले गोल गर्दै खेललाई २–१ को स्थितिमा ल्याए । ७७औं मिनेटमा फ्रेन्ड्स १० खेलाडीमा समेटिन पुग्यो ।

अभिषेक गुरुङलाई अनावश्यक फउल गरेपछि रेफ्रीले अमित तामाङलाई रातो कार्ड देखाउँदै मैदान बाहिर पठाएपछि फ्रेन्ड्स १० खेलाडीमा समेटिन पुग्यो । त्यसपछि थप गोल निस्कन नसक्दा मछिन्द्र विजयी हुन सफल भयो ।

यस जितसँगै मछिन्द्रको ११ खेलबाट १६ अंक पुगेको छ । पराजित फ्रेन्ड्स ११ खेलबाट ११ अंक जोडेर १२औं स्थानमा छ ।

May 26, 2024

पिएसजी फ्रेन्च कप च्याम्पियन

एजेन्सी – फ्रेन्च कपको उपाधि जित्दै फरवार्ड केलियन एमबाप्पेले आफ्नाे पेरिस सेन्ट जर्मेन (पिएसजी) बसाईकाे सुखद् अन्त्य गरेका छन्। पिएसजीले शनिबार लियोनमाथि २–१ को जित निकाल्दै उपाधि जित्न सफल भएको हो । पिएसजीका लागि आफ्नाे अन्तिम खेलमा भने एमबाप्पेले गाेल गर्न सकेनन् । पिएसजीका लागि अन्तिम खेल खेलिरहेका केलियन एमबाप्पेले उपाधिसहित क्लबबाट सुखद बिदाई लिएका […]

May 26, 2024

म्यानचेस्टर युनाइटेडलाई‌ एफए कप

एजेन्सी – म्यानचेस्टर युनाइटेडले एफए‌ कपको उपाधि जितेको छ। म्यानचेस्टर सिटीलाई‌ शनिबार २-१ ले हराउँदै युनाइटेडले उपाधि जितेको हो। गत वर्ष युनाइटेडलाई‌ २-१ ले नै हराउँदै सिटीले उपाधि जितेको थियो। युनाइटेडलाई‌ शनिबार जित दिलाउन अलेहान्द्रो ग्रानाचो र कोबी माइनोले गोल गरे। सिटीका जेरेमी डोकुले एक गोल फर्काए । खेलको ३० औं मिनेटमा ग्रानाचोले युनाइटेडलाई अग्रता […]

May 25, 2024

अञ्जनलाई स्पोर्ट्स कम्पनी ३६१ को साथ

काठमाडौं (हाम्रो खेलकुद) – नेपाली राष्ट्रिय फुटबल टोलीका सदस्य अञ्जन विष्टलाई चाइनिज स्पोर्ट्स पोशाक ब्रान्ड कम्पनी ३६१ डिग्रीले प्रायोजन गरेको छ । नेपालको लागि स्पोर्ट्स ब्रान्ड ३६१ का आधिकारिक विक्रेताका प्रमुख कार्यकारी अधिकृत (सिइओ) सरोज कार्की र अञ्जनबीच शनिबार सम्झौतामा हस्ताक्षर गरेका थिए । सम्झौता तीन बर्ष रहने बताइएको छ । कम्पनीले अञ्जनलाई तीन वर्षसम्म […]

Success

Thank you for your time.