मड्रिड (एजेन्सी) – कोपा डेल रेको अन्तिम १६को पहिलो लेगमा रियल मड्रिडले सेभिल्लामाथि ३-० को अग्रता कायम गर्न सफल भएको छ । हामेज रोड्रिग्वेजको दुइ गोल र राफेल भरानको १ गोलले मड्रिडले आफ्नो हार बिनाको यात्रा ३८ खेलमा पुर्याउदै २०१७ को पहिलो खेलमा सुखद सुरुआत गरेको हो ।
पहिलो हाफको ११ मिनेटमा २० यार्डबाटको रोड्रिग्वेजको प्रहारले जाली चुमे पछि मड्रिडले अग्रता पाएको थियो । त्यसपछि खेल सुरु भएको आधा घण्टामा क्रुसको कर्नरमा हेडरमार्फत बललाई दिशा दिएपछि मड्रिडको अग्रता दोब्बर भएको थियो ।
लुका मोड्रिचलाई मरिनोले आफ्नै बक्समा फल गरेपछि पाएको पेनाल्टिलाई गोलमा परिणत गर्दै रोड्रिग्वेजले पहिलो हाल्फ सकिनु अगाडि मड्रिडलाई तेस्रो गोल दिलाए । क्रिस्टियानो रोनाल्डो बेगर उत्रेको मड्रिडले दोस्रो हाफमा कुनै गोल गर्न सकेन भने पाहुना टोली सेभिल्लाले पनि घरेलु टोलिमाथि कुनै दबाब सिर्जना गरनसक्दा खेल ३-०मा अन्त्य भयो ।
