default_image

1 year ago

April 25, 2023

चर्च ब्वाइजलाई हराउँदै आर्मी तेस्रो स्थानमा उक्लियाे

125 views

0 Bookmark

काठमाडौं (हाम्रो खेलकुद) – चर्च ब्वाइज युनाइटेडलाइ पराजित गर्दै विभागीय त्रिभुवन आर्मी फुटबल क्लब सहिद स्मारक ‘ए’ डिभिजन लिगमा तेस्रो स्थानमा उक्लिएको छ ।

आर्मीले चर्च ब्वाइजलाई १–० ले पराजित गर्दै तेस्रो स्थानमा उक्लन सफल भएको हो । आर्मीको जितमा पहिलो हाफमा जिलेस्पी जंग कार्कीले गरेको गोल नै निर्णायक बन्यो । उनले १२औं मिनेटमा एकल प्रयासमा गोल गर्न सफल भएका थिए ।

खेलको नवौं मिनेटमा जोसपे बेम्पाको प्रहारलाई आर्मीका गोलरक्षक विकेश कुथुले उत्कृष्ट बचाउ गरे । १२औं मिनेटमा जिलेस्पी जंग कार्कीले गोल गर्दै आर्मीलाई १–० को अग्रता दिलाए ।

कप्तान विवेक पौडेलको पासलाई सुशिल शाहबाट खोस्दै जिलेस्पीले सविन खड्कालाई बिट गर्दै सुन्दर फिनिस गरे । २४औं मिनेटमा आशिष चौधरीको प्रहार पहिलो बार च्याप्दै बाहिरिदा चर्च ब्वाइज बराबरीबाट चुक्यो ।

२७औं मिनेटमा नवयुग श्रेष्ठ वान भर्सेस वानको अवस्थामा चुक्दा आर्मी अग्रता दोब्बर पार्नबाट चुक्यो । दिनेश हेन्जनको पासमा नवयुगले अफसाइड बिट ट्याप गर्दै बल अघि बढाएर गरेको प्रहारलाई चर्चका गोलरक्षक प्रिसोले दोस्रो प्रयासमा नियन्त्रणमा लिन सफल भए ।

४३औं मिनेटमा डिफेन्डर युद्ध शाही र गोलरक्षक विकेश कुथुबीच तालमेल नमिल्दा बेम्पाको प्रहारले विकेशले ब्लकसँगै क्लियर गरेपनि विकु राईले खाली पोस्टमा गरेको प्रहार थोरै बाहिरिदा चर्च बराबरीबाट चुक्यो ।

५१औं मिनेटमा आशिष चौधरीको क्रसमा रन्जित सिंह पान्द्रेको प्रहार आर्मीका डिफेन्डरले ब्लक गर्दा फर्किएको बललाई बेम्पाले प्रहार गरेपनि सदुपयोग हुन सकेन । ६१औं मिनेटमा कप्तान भरत खवासको प्रहार बाहिरियो ।

६९औं मिनेटमा सुवास गुरुङको प्रहारलाई आर्मीका गोलरक्षक विकेश कुथुले उत्कृष्ट बचाउँ गर्दा चर्च बराबरीबाट चुक्यो । ८०औं मिनेटमा जिलेस्पीको प्रहार सदुपयोग भएन । त्यसपछि थप गोल निस्कन नसक्दा आर्मी विजयी हुन सफल भयो ।

चर्चले भने लगातार दोस्रो हार बेहोर्न पुग्यो । सुरुवाती १० खेलसम्म अपराजित रहेको चर्च ११औं चरणमा जावलाखेल युथ क्लबसँग १–० ले पराजित भएको थियो ।

यस जितसँगै तेस्रो स्थानमा उक्लिएको आर्मीको १२ खेलबाट १९ अंक पुगेको छ । पराजित चर्च ब्वाइज चौथो स्थानमा झरेको छ । चर्चको १२ खेलबाट १८ अंक छ ।

June 25, 2024

नाचो र जोसेलुले रियल म्याड्रिड छाड्ने

एजेन्सी – स्पेनिस क्लब रियल म्याड्रिडका कप्तान तथा डिफेन्डर नाचो फर्नान्डेस र फरवार्ड जोसेलु माटाले यो सिजनको अन्त्यसँगै क्लब छाड्ने भएका छन् । सान्टियागो बर्नाबेउमा सम्झौताको अवधि सकिएसँगै युरो २०२४ मा स्पेनको प्रतिनिधित्व गरिरहेका नाँचोले नयाँ चुनौती पछ्याउने निर्णय गरेका छन् । उनी साउदी प्रो लिग क्लब अल कादासियामा सामेल हुने सम्भावना रहेको छ । […]

June 25, 2024

ब्राजिल र कोस्टारिकाको बराबरी

एजेन्सी – उपाधि दावेदार ब्राजिलले कोपा अमेरिका २०२४ अन्तर्गत आफ्नो पहिलो खेलमा कोस्टारिकासँग बराबरी खेलेको छ । अमेरिकाको लस एन्जेलसस्थित सोफाइ रंगशालामा सम्पन्न खेल गोलरहित बराबरीमा टुंगिदा दुवै टोलीले १-१ अंक हात पारे । ब्राजिलले खेलमा एकपक्षीय आक्रमण गरेपनि आवश्यक गोल भने गर्न सकेन । ब्राजिलले पहिलो हाफमा मार्किन्हसको प्रयासमा बललाई पोस्टभित्र पठाएपनि रेफ्रीले भीएआरको […]

June 25, 2024

इटाली नाटकीय ढंगले युरो कपको अन्तिम १६मा

एजेन्सी – अन्तिम मिनेटमा बराबरी गोल गर्दै साविक विजेता इटाली युरो कप २०२४ को अन्तिम १६ मा प्रवेश गरेको छ । इन्ज्युरी समयको अन्तिम समयमा एक गोलले पछि परेको अवस्थामा गोल गरेर क्रोएसिया विरुद्ध १-१ को बराबरी खेल्दै इटाली नकआउट चरणमा पुगेको हो । ५५औं मिनेटमा लुका मोड्रिचको गोलमा क्रोएसियाले अग्रता लिएको थियो । त्यसअघि […]

Success

Thank you for your time.