default_image

1 year ago

April 26, 2023

शीर्षस्थानको जावलाखेललाई रेलिगेसन क्षेत्रको शेर्पाले हरायो

128 views

0 Bookmark

काठमाडौं (हाम्रो खेलकुद) – सहिद स्मारक ए डिभिजन लिगको शीर्ष स्थानमा रहेको जावलाखेल युथ क्लबलाई रेलिगेसन क्षेत्रमा रहेको हिमालयन शेर्पा क्लबले हराएको छ । दशरथ रंगशालामा बुधबार भएको खेलमा शेर्पाले जावलाखेललाई २-१ ले पराजित गरेको हो ।

शेर्पाको जितमा केन्याका फरवार्ड पिस्तोने मुताम्बाले दुई गोल गरे । दोस्रो हाफमा एन्कोटो मासोअबीले गोल गरेपनि जावलाखेलले नतिजा बदल्न सकेन । यस जितसँगै १३ अंक जोडेको शेर्पा लिगको १३ औं स्थानमै अवस्थित छ । तर टोलीले ११ औं स्थानको न्यु रोड टिम (एनआरटी) र १२ औं स्थानको एफसी खुमलटारसँग अंक बराबरी भने गरेको छ । जावलाखेल हारका बाबजुद १२ खेलमा २३ अंकका साथ शीर्षस्थानमा छ । दोस्रो स्थानको थ्री स्टारको २२ अंक छ ।

खेलको दशौं मिनेटमा मुताम्बाले सुरुवाती गोल गरेका थिए । उनले कर्नरमा आएको बललाई गोलमा परिणत गरेका थिए । १९ औं मिनेटमा मुताम्बाले नै अग्रता दोब्बर पारे । खामिर गिल्शान कान्दांग्वाले दिएको पासलाई नियन्त्रणमा लिँदै उनले पेनाल्टी क्षेत्र बाहिरबाट दोस्रो टचमा गरेको प्रहार गोलमा परिणत भएको थियो ।

दोस्रो हाफको ७२ औं मिनेटमा मासोअबीले गोल गर्दै खेलमा फर्कने संकेत दिए । उनले समिराज थोकरसँग वन टु पास खेल्दै आएको अन्तिम क्रसलाई पहिलो टचमै गोलमा परिणत गरे । इन्ज्युरी समयमा सिमान्त थापाको क्रसमा हिसुब थपलियाको हेडर पोस्टभन्दा थोरै माथिबाट बाहिरिंदा जावलाखेल अंक जोड्नबाट बन्चित भयो ।

यसअघि बुधबार नै रंगशालामा थ्री स्टार र संकटाको खेल गोलरहित बराबरीमा सकिएको थियो । उता च्यासल मैदानमा भने सातदोबाटो युवा क्लबले संकटा क्लबलाई ४-० ले हरायो ।

लिगको अंक तालिका, खेल तालिका, पुरानो नतिजा, सर्वाधिक गोलकर्ता, सर्वाधिक असिस्ट, क्लिन सिट लगायत सम्पूर्ण जानकारीका लागि यहाँ थिच्नुहोस ।

June 21, 2024

अर्जेन्टिनाको विजयी सुरुवात

एजेन्सी – साविक विजेता अर्जेन्टिनाले २०२४ संस्करणको कोपा अमेरिकामा विजयी सुरुवात गरेको छ । एटलान्टामा भएको उद्दघाटन खेलमा अर्जेन्टिनाले क्यानडा माथि २-० को जित दर्ता गरेको हो । अर्जेन्टिनाका लागि स्ट्राइकरद्वय जुलियन अल्भारेज र लौतारो मार्टिनेजले समान १-१ गोल गरे । पहिलो हाफमा खेलमा नियन्त्रण काम भएतापनि दोस्रो हाफमा अर्जेन्टिनाले सुधारिएको प्रदर्शन गरेको थियो । […]

June 21, 2024

इटालीलाई हराउँदै स्पेन अन्तिम १६ मा

एजेन्सी – इटाली माथि जित हात पार्दै स्पेन यूरो कप २०२४ को अन्तिम १६ मा प्रवेश गरेको छ । बिहीबार राति सम्पन्न खेलमा स्पेनले इटाली माथि १-० को जित निकालेको हो । स्पेनको एकमात्र गोल दोस्रो हाफको सुरुवातमा आत्मघाती गोल रूपमा आएको थियो । खेलको ५५औं मिनेटमा निको विलियम्सको क्रसमा इटालियन डिफेन्डर रिकार्डो कालाफियोरीलाई लागेर […]

June 21, 2024

इङ्ल्यान्डले डेनमार्कसँग अंक बाँड्यो

एजेन्सी – युरो कप २०२४ को आफ्नो दोस्रो खेलमा उपाधि दाबेदार इङ्ल्यान्डले डेनमार्क विरुद्ध अंक बाँडेको छ । फ्रांकफर्ट एरिनामा भएको खेलमा इङ्ल्यान्डले डेनमार्क विरुद्ध १-१ को बराबरी खेल्दै अंक बाँडेको हो । पहिलो खेलमा सर्बिया विरुद्ध १-० को झिनो अन्तरको जित हासिल गरेको इङ्ल्यान्डले डेनमार्क विरुद्ध लिएको अग्रता बचाउन सकेन । १८औं मिनेटमा कप्तान […]

Success

Thank you for your time.