धनगढी (हाम्रो खेलकुद) – प्रथम अन्तराष्ट्रिय आमन्त्रित सुदुरपश्चिम खप्तड गोल्डकपको बिहीबारको उद्घाटन खेलमा भारतको पञ्जाब फुटवल क्लब विजयी भएको छ । धनगढी रंगशालामा नेपालगज ११ लाई ३–२ ले हराउँदै पञ्जाव दोस्रो चरणमा पुगेको छ ।
पञ्जाबका लक्कीले २ र रिमीले १ गोल गरे । नेपागंजका लागि विक्रम सिंह ठकुरीले एक गोल गरे भने एक गोल आत्मघाती उपहार पायो । खेलको म्यान अफ द म्याच पञ्जाबका गोलरक्षक गु्रजित सिंह भए । सुदुरपश्चिम फुटवल क्लबको आयोजनामा भएको गोल्डकपको उद्घाटन सांसद पुष्करनाथ ओझाले गरेका थिए ।
माघ १ गतेसम्म चल्ने गोल्डकपमा नेपालका ए डिभिजन, भारत तथा भुटानको १/१ गरी १२ टोलीको सहभागिता रहेको आयोजक समितीका संयोजक सुरेश हमालले जानकारी दिए । गोल्डकप विजेताले रु ५ लाख रुपैयाँ र दोस्रो हुने खेलाडीले २ लाख ५० हजार रुपैयाँ प्राप्त गर्नेछ । प्रतियोगिताको उत्कृष्ट खेलाडीले यमाहा मोटरसाईकल पुरस्कार वापत पाउनेछ ।
सुदुरपश्चिम खप्तड गोल्डकपमा शुक्रबार
वेष्ट काठमाण्डौविरुद्ध डुक स्टार भुटान
