default_image

1 year ago

May 3, 2023

रियल म्याड्रिड स्तब्ध

185 views

0 Bookmark

एजेन्सी – स्पेनिस ला लिगामा रियल म्याड्रिड रियल सोसिडाडसँग स्तब्ध बनेको छ । १० खेलाडीमा समेटिएको रियल घरेलु टोली रियल सोसिडाडसँग २–० ले स्तब्ध बनेको हो ।

रियललाई स्तब्ध पार्न रियलकै पुर्व खेलाडी ताकेफुसा कुवो र एन्डर ब्यारेनेटक्सियाले गोल गरे । दुवै गोल दोस्रो हाफमा भएको थियो ।

रियाले एरिना स्पेनमा मंगलबार राति भएको खेलमा रियल आफ्नो मुख्य खेलाडी कप्तान करिम बेन्जेमा, भिनिसियस जुनियर, मिडफिल्डर लुका मोड्रिक र सेन्टर ब्याक डेभिड अलाबाविना नै मैदान उत्रदा टोलीले दवाव खेपेको थियो ।

पहिलो हाफमा दुवै टोलीले केही अवसर सिर्जना गरेपनि सदुपयोग हुन सकेन । ४७औं मिनेटमा कुवोले आफ्नै पुर्व क्लबविरुद्ध गोल गर्दै सोसिडाडलाई १–० को अग्रता दिलाए । एडर मिलिसाओको ब्याक पासलाई गोलरक्षक थिवाउट कोर्टुवाले नियन्त्रणमा लिने प्रयास गरेपनि असफल हुँदा नजिकै रहेका कुवोले सहजै जाली चुमाए ।

६१औं मिनेटमा रियल १० खेलाडीमा सेमटिन पुग्यो । ९ मिनेटको अन्तरमा दोहोरो पहेलो कार्डसहित रातो कार्ड खाँदै डिफेन्डर ड्यानी कार्भाजल मैदानबाट बाहिरिएपछि रियल थप समस्यामा पर्यो ।

त्यसपछि ८५औं मिनेटमा परिवर्तित खेलाडी एन्डर ब्यारेनेटक्सियाले गोल गर्दै रियललाई २–० ले स्तब्ध पारे । ७४औं मिनेटमा पहिलो गोलकर्ता कुवोको स्थानमा मैदान छिरेका एन्डरले डेभिड सिल्भाको पासमा गरेको प्रहार पहिलो बार च्याप्दै गोलमा परिणत भएको थियो ।

यस हारले रियल म्याड्रिडको स्पेनिस ला लिगाको उपाधि पुनः जित्ने सम्भावना पातलिएको छ । यो हारले कार्लो एन्सेलोटीको टोली बार्सिलोनासँग १४ अंकले पछि परेको छ ।

अब ला लिगामा पाँच खेल मात्र बाँकी छ । रियलको ३३ खेलबाट ६८ अंक छ । शीर्षस्थानको बार्सिलोनाको ३३ खेलबाट ८२ अंक छ । रियललाई हराएको रियल सोसिडाड ३३ खेलबाट ६१ अंक जोडेर चौथो स्थानमा यथावत छ ।

मंगलबार राति नै बार्सिलोनाले जोर्डी अल्बाको गोलमा १० खेलाडीमा समेटिएको ओसासुनालाई १–० ले पराजित गर्दै उपाधि यात्रालाई थप मजवुत बनाएको छ ।

ला लिगाको उपाधि पहुँचबाट लगभग टाढिएको रियलले अब ६ मेमा कोपा डेल रेको फाइनलमा ओसासुना र त्यसको तीन दिनपछि च्याम्पियन्स लिगको सेमिफाइनलमा इंग्लिस क्लब म्यानचेस्टर सिटीसँग प्रतिस्पर्धा गर्दैछ ।

यस्तै अल्मेरियासँग २–१ ले पराजित भएसँगै इल्चे रेलिगेसनमा परेको छ ।

May 19, 2024

प्रिमियर लिग विजेताको छिनोफानो आज

एजेन्सी – इंग्लिश प्रिमियर लिग २०२३/२४ सिजनको विजेताको टुंगो आज लाग्दैछ । पछिल्लो तीन सिजनको विजेता म्यानचेस्टर सिटी र आर्सनल मध्य एक टोलीले आज लिग उपाधि उचाल्ने छ । लिग लिडर सिटीले आज ८:४५ बजे वेस्ट ह्यामसँग अन्तिम खेल खेल्दैछ । सोही समयमा दोस्रो स्थानमा रहेको आर्सनलले एभर्टनसँग खेल्दैछ । सिटीले आफु अनुकुल नतिजा निकाल्न […]

May 18, 2024

काठमाडौंलाई गोदावरी मेयर कप फुटबल उपाधि

ललितपुर (हाम्रो खेलकुद) – काठमाडौं महानगरपालिकाले गोदावरी प्रथम उपत्यकाब्यापी अन्तर पालिका मेयर कप फुटबल प्रतियोगिताको उपाधि जितेको छ । प्रस्तावित गोदावरी बहुउदेश्यीय रंगशालाको झ्यालुन्टार मैदानमा शनिबार भएको फाइनलमा चन्द्रागिरी नगरपालिकालाई २–१ गोल अन्तरले हराउँदै काठमाडौं च्याम्पियन बनेको हो । काठमाडौंका लागि अखिलेष कार्की र दीपेश श्रेष्ठले गोल गरे । उपाधिका साथ काठमाडौंले ५ लाख रुपैयाँ […]

May 18, 2024

पूर्वेली रातो दुर्गादेवी श्रेष्ठ स्मृति भेट्रान्सको फाइनलमा

हिमाल खरेल, बिर्तामोडआयोजक पूर्वेली युवा क्लब रातो बिर्तामोडमा जारी स्वर्गीय दुर्गादेवी श्रेष्ठ स्मृति भेट्रान्स फुटबल प्रतियोगिताको फाइनलमा प्रवेश गरेको छ । बिर्तामोडको डोमालाल राजवंशी रंगशालामा आज भएको अन्तिम सेमिफाइनल खेलमा मोरङको विराट मेगा भेट्रान्स एफसीलाई ५–० ले पराजित गर्दै आयोजक रातो उपाधिनजिक पुगेको हो । जितसँगै आयोजक पूर्वेलीका दुवै टिम फाइनलमा पुगेका छन् । दुवै […]

Success

Thank you for your time.