2 years ago
May 5, 2023
काठमाडौं (हाम्रो खेलकुद) – क्यामरुनी फरवार्ड स्टेफन समिर विनोङको ह्याट्रिक सहयोगमा एफसी खुमलटारले सहिद स्मारक ‘ए’ डिभिजन लिगको शीर्षस्थानमा जावलाखेल युथ क्लबमाथि सानदार जित दर्ता गरेको छ ।
खुमलटारले शीर्षस्थानको जावलाखेलमाथि ४–२ को सानदार जित दर्ता गरेको हो । खुमलटारको जितमा स्टेफनले ह्याट्रिक पूरा गर्दा मेसुके ओलोमोउले एक गोल थपे । जावलाखेलका विनोद केसीले एक गोल गर्दा एक गोल उपहार पाएको थियो ।
सातदोबाटोस्थित एन्फा कम्प्लेक्समा शुक्रबार भएको खेलको २०औं मिनेटमा स्टेफनको गोलबाट खुमलटारले १–० को अग्रता लिन सफल भएको थियो । मेसुकेको पासलाई स्टेफनले नियन्त्रणमा लिदै एक डिफेन्डरलाई बिट गर्दै गोल गर्न सफल भएका थिए ।
४३औं मिनेटमा रोहित सुब्बाले आत्मघाती गोल गरेपछि खेल १–१ गोलको बराबरीमा पुग्यो । कर्नरबाट आएको बलमा घम्साघम्सीबीचबाट एनकोटो मसोएबीको प्रहार रोहित सुब्बालाई लाग्दै गोलमा परिणत भएको थियो ।
पहिलो हाफको इन्ज्युरी समयको थप गरिएको तेस्रो मिनेटमा स्टेफनले व्यक्तिगत र टोलीका लागि दोस्रो गोल गर्दै खुमलटारलाई पहिलो हाफमा २–१ को अग्रता दिलाए । राजीव लोप्चनको क्रस पासलाई नियन्त्रणमा लिदै स्टेफनले एक डिफेन्डरलाई बिट गर्दै पहिलो बार च्याप्दै गोल गर्न सफल भएका थिए ।
५१औं मिनेटमा स्टेफनले ह्याट्रिक पूरा गर्दा खुमलटार ३–१ ले अघि बढ्यो । जारी लिगमा स्टेफन ह्याट्रिक गर्ने दोस्रो खेलाडी बनेका छन् । यसअघि मछिन्द्रका ओलावाले ओलाडिपो अफिजले ह्याट्रिक पूरा गरेका थिए । मेसुकेको क्रस पासलाई उनले अघि बढ्दै वान टचमा गोल गर्न सफल भएका थिए ।
इन्ज्युरी समयको थप गरिएको तेस्रो मिनेटमा विनोल केसीले गोल गर्दै खेललाई ३–२ को स्थितिमा ल्याए । फ्रिकिकबाट आएको बललाई एनकोटोले हेडरमार्फत मिलाइदिएको हेडर पासलाई विपिन कँडेलको प्रहारलाई विनोले फाइनल टच दिए ।
इन्ज्युरी समयको थप गरिएको छैटौं मिनेटमा मेसुकेले गोल गर्दै खुमलटारलाई ४–२ को सानदार जित दिलाए । यस जितसँगै खुमलटार १५ खेलबाट १७ अंक जोडेर ११औं स्थानमा उक्लिएको छ ।
पराजित जावलाखेलले शीर्षस्थानमा आफ्नो अग्रता बढाउने अवसर गुमाउँदा १५ खेलबाट २४ अंक जोडेर शीर्षस्थानमा यथावत् छ ।
May 17, 2025
ललितपुर (हाम्रो खेलकुद)- काठमाडौं महानगरपालिकाले लगातार दोस्रो पटक उपत्यकाव्यापी अन्तरपालिका खुला गोदावरी मेयर कप फुटबलको उपाधि जितेको छ । गोदावरी–१० टाहाखेलस्थित निर्माणाधीन गोदावरी बहुउद्देश्यीय रंगशालाको झ्यालुन्टार मैदानमा भएको फाइनलमा आयोजक गोदावरी नगरपालिकालाई सडन डेथमा काठमाडौंले उपाधि जितेको हो । निर्धारित ९० मिनेटमा गोलरहित बराबरी टाइब्रेकरमा ५-५ को बराबरीपछि सडनडेथमा काठमाडौंले बाजी मारेको थियो। काठमाडौं समग्रमा […]
May 17, 2025
एजेन्सी – चेल्सी र एस्टन भिल्ला इंग्लिस प्रिमियर लिगमा शुक्रवार विजयी भएका छन्। चेल्सीले म्यानचेस्टर युनाइटेडलाई १-० र भिल्लाले टोटेनहमलाई २-० ले हराएको हो। मार्क कुकुरेल्लाले चेल्सीलाई युइएफए च्याम्पियन्स लिग छनोटको आशा जीवित राख्न मद्दत गरे। कुकुरेल्लाले ७१औं मिनेटमा हेडरमार्फत गोल गरेका हुन् । यो जितले एन्जो मारेस्काको टोली तालिकाको चौथो स्थानमा पुग्यो । पहिलो […]
May 16, 2025
काठमाडौं (हाम्रो खेलकुद) – अखिल नेपाल फुटबल संघ (एन्फा) ले थाइल्याण्डविरुद्धको आगामी दुई मैत्रीपूर्ण खेलको लागि दोस्रो चरणमा ३१ खेलाडी छनोट गरेका छन् । मुख्य प्रशिक्षक राजेन्द्र तामाङले झन्डै दुई साताको प्रशिक्षणपछि ४८ खेलाडीबाट दोस्रो चरणमा ३१ खेलाडी छनोट गरेका हुन् । दोस्रो चरणमा १७ खेलाडीले स्थान बनाउन सकेनन् । कोपिला खड्का, सबित्रा किशन, सजनी […]