1 year ago
May 24, 2023
एजेन्सी – पोर्चुगिज भेट्रान फरवार्ड क्रिष्टियानो रोनाल्डोको निर्णायक गोलमा अल नासरले साउदी प्रिमियर लिगमा पूनरागमन जित निकालेको छ ।
अल नासरले घरेलु मैदानमा २–० ले पछि परेको स्थिति उल्ट्याएर अल सवावमाथि ३–२ को पूनरागमन जित निकालेको हो । अल नासरको पूनरागमन जितमा एन्डरसन टालिस्का, अब्दुलरहमान घारिव र रोनाल्डोले गोल गरे । अल सवावका क्रिष्टिएन गुएन्काले दुवै गोल गरेपनि हार टरेन ।
अल अवाल पार्क किङ सावद युनिभर्सिटी रियादमा मंगलबार राति भएको खेलको २५औं मिनेटमा क्रिष्टिएन गुएन्काले पेनाल्टीले गोल गरेपछि अल नासर खेलमा पछि परेको थियो ।
४०औं मिनेटमा गुएन्काले सान्टी मिनाको पासमा व्यक्तिगत र टोलीका लागि दोस्रो गोल गरेपछि अल नासर खेलमा २–० ले पछि परेको थियो । दुई गोलले पछि परेको अल नासरले त्यसपछि उत्कृष्ट प्रदर्शन गर्दै खेललाई आफ्नो पक्षमा पार्न सफल भयो ।
४४औं मिनेटमा एन्डरसन टालिस्काले अली अल हसनको पासमा गोल गर्दै खेललाई २–१ को स्थितिमा ल्याउँदै अल नासरलाई खेलमा फर्काउने संकेत दिए । ५१औं मिनेटमा अब्दुलरहमान घारिवले अली अल हसनकै पासमा गोल गर्दै खेललाई २–२ गोलको बराबरीमा ल्याए ।
५९औं मिनेटमा रोनाल्डोले गोल गर्दै खेललाई अल नासरलाई ३–२ को अग्रता दिलाए । उनले लुइज गुस्ताभोको पासमा गोल गर्न सफल भएका थिए । त्यसपछि थप गोल निस्कन नसक्दा अल नासर पूनरागमन जित निकाल्न सफल भयो ।
यस जितसँगै अल नासरको उपाधि जित्ने सम्भावना जीवितै बनेको छ । दोस्रो स्थानमा रहेको अल नासरको २८ खेलबाट ६३ अंक छ । समान खेलबाटै शीर्षस्थानमा रहेको अल इतिहादको ६६ अंक छ ।
साउदी प्रिमियर लिगमा अब दुई राउन्डको खेल बाँकी रहँदा अल इतिहादसँगै अल नासरको उपाधि जित्ने सम्भावना जीवित छ । अल इतिहादलाई उपाधि जित्न एक जितको खाँचो रहँदा अल नासरलाई आफ्नो खेलमा जित निकाल्नुका साथै अल इतिहादले अंक गुमाउनु पर्नेछ ।
July 26, 2024
काठमाडौं (हाम्रो खेलकुद) – एएफसी च्यालेन्ज लिग प्लेअफको तयारी गरिरहेको अपि पावर चर्च ब्वाइज युनाइटेडले मैत्रीपूर्ण खेलमा त्रिभुवन आर्मी फुटबल क्लबलाई पराजित गरेको छ । अर्को साताबाट भारतमा सुरु हुने डुरान्ड कपको तयारी गरिरहेको आर्मीको भद्रकाली स्थित मुख्यालयको फुटबल मैदानमा खेलिएको खेलमा पाहुना टोली ३-२ ले विजयी रह्यो । चर्च ब्वाइजका लागि फरवार्ड अन्जनले दुई […]
July 26, 2024
सुशिल पन्त क्षेत्री,चितवन सेन्ट्रल कलेज चितवन जिल्ला ए डिभिजन लिग फुटबलमा शुक्रबार सौराहा युवा समाज र पानस युवा क्लब विजयी भएका छन् । शारदानगरको मैदानमा पहिलो खेलमा सौराहाले गीतानगर ब्वाइजलाई ३-१ ले हरायो । खेलमा सौराहालाई जिताउन सुशील घलानले ३५ औं र ५२ औं मिनेटमा गोल गरे । यस्तै लक्की गायकले २७ औं मिनेटमा गोल […]
July 26, 2024
काठमाडौं (हाम्रो खेलकुद) – ललित स्मृति यु-१८ लिग अन्तर्गत शुक्रवार भएका खेलमा सातदोबाटो युथ क्लब र नेपाल पुलिस क्लब विजयी भएका छन् । एन्फा कम्प्लेक्स सातदोबाटमा भएको दिनको पहिलो खेलमा सातदोबाटोले मनाङ मर्स्याङ्दी क्लब माथि २-० को जित दर्ता गरेको हो । सातदोबाटोका लागि सोनाम छिरिङ गुरुङ र प्रज्वल कार्कीले समान १-१ गोल गरे । […]