मड्रिड (एजेन्सी) – ग्रानाडालाई ला लिगामा शनिबार ५-० ले हराउँदै रियल मड्रिडले अपराजित यात्रा ३९ खेलमा पुर्याउदै बार्सिलोनाको कीर्तिमानसँग बराबरी गरेको छ । गत सिजन बार्सिलोनाको ३९ खेलको अपराजित यात्रा मड्रिडसँगको २-१ को हार पछि टुंङिएको थियो ।
इसकोले दुइ गोल, करिम बेन्जेमा, क्रिस्टियानो रोनाल्डो र कासेमेरोले १-१ गोल गर्दै ग्रानाडाबिरुद्ध फरसजिलो जित हासिल गरेको थियो । जितपय मड्रिड अंक तालिकामा ६ अंकको अग्रता जोगाउन सफल भएको छ । मड्रिडले पहिलो हाफमा ४ गोल गरेको थियो भने दोस्रो हाफमा कासेमेरोले १ गोल थपेका थिए ।
सबै प्रतियोगिता गरि ३९ खेलमा अपराजित रहेको मड्रिडले बिहीबार कोपा डेल रेको दोस्रो लेगमा सेभिलाविरुद्ध पराजय रोके आफ्नो नाममा कीर्तिमान बनाउनेछ ।
