default_image

10 months ago

June 5, 2023

बेन्जेमाको गोलमा रियल हारबाट जोगियो

एजेन्सी – स्पेनिस महारथी रियल म्याड्रिडका लागि अन्तिम खेल खेलिरहेका फ्रान्सेली फरवार्ड करिम बेन्जेमाको गोलमा रियल हारबाट जोगिएको छ । रियलले यो सिजनको ला लिगाको अन्तिम खेलमा एथलेटिको बिल्वाओसँग १–१ गोलको बराबरी खेलेको हो । सान्टियागो बर्नबेउमा आइतबार राति भएको खेलमा बिल्वाओका ओइहान सानसेटले गोल गर्दा रियलका कप्तान करिम बेन्जेमाले बराबरी गोल फर्काए । खेलको […]

108 views

0 Bookmark

एजेन्सी – स्पेनिस महारथी रियल म्याड्रिडका लागि अन्तिम खेल खेलिरहेका फ्रान्सेली फरवार्ड करिम बेन्जेमाको गोलमा रियल हारबाट जोगिएको छ ।

रियलले यो सिजनको ला लिगाको अन्तिम खेलमा एथलेटिको बिल्वाओसँग १–१ गोलको बराबरी खेलेको हो । सान्टियागो बर्नबेउमा आइतबार राति भएको खेलमा बिल्वाओका ओइहान सानसेटले गोल गर्दा रियलका कप्तान करिम बेन्जेमाले बराबरी गोल फर्काए ।

खेलको १०औं मिनेटमा नै मिकेल भेस्गाले पेनाल्टी चुकाउँदा बिल्वाओ अग्रता लिनबाट चुक्यो । कर्नरबाट आएको बल टोनी क्रुसको हातमा लाग्न पुगेपछि रेफ्रीले बिल्वाओलाई पेनाल्टी प्रदान गरेको थियो । भेस्गाको पेनाल्टीलाई रियलका गोलरक्षक थिवाउट कोर्टुवाले डाइभ दिदै बचाए ।

४९औं मिनेटमा ओइहान सानसेटले गोल गरेपछि रियल खेलमा १–० ले पछि पर्यो । ७२औं मिनेटमा बेन्जेमाले पेनाल्टीमा गोल गर्दै खेललाई १–१ गोलको बराबरीमा ल्याए ।

पेनाल्टी बक्समा युरी वरचिचेले एडर मिलिसाओलाई फउल गरेपछि प्राप्त पेनाल्टीमा बेन्जेमा चुकेनन् । त्यसपछि थप गोल निस्कन नसक्दा खेल बराबरीमा सकियो ।

खेलको अन्त्यसँगै यो सिजन क्लब छाड्ने तयारीमा रहेको बेन्जेमासँगै मार्काे एसेन्सियो र मारियानो डियाजलाई बिदाई गरिएको छ । ३५ वर्षीय बेन्जेमा रियलको सर्वाधिक गोलकर्ताको सुचीमा दोस्रो स्थानमा रहेका छन् ।

रियलले आइतबारै बेन्जेमाको बर्नाबेउमा १४ वर्षको बसाई समाप्त भएको पुष्टि गरेको छ । उनी साउदी अरेबियामा जाने सम्भावना छ । बेन्जेमाले रियलबाट पाँच च्याम्पियन्स लिग र चार ला लिगा जितेका छन् । बेन्जेमाले १४ सिजनमा रियलका लागि ६४८ खेलमा ३५४ गोल र १६५ असिस्ट प्रदान गरेका छन् । उनले रियलबाट २५ उपाधि जितेका छन् ।

फ्रान्सेली फरवार्ड बेन्जेमाले ७४ मिनेटसम्म मैदान बिताएका थिए । उनलाई लुका मोड्रिचले प्रतिस्थापन गरेका थिए । मैदान छाड्दै गर्दा बेन्जेमालाई समर्थकले सानदार बिदाई गरेका थिए ।

यस्तै ८ सिजन रियलमा बिताएका मार्को एसेन्सियोले पनि रियलले बिदाई गरेको छ । ५८औं मिनेटमा मैदान छिरेका एसेन्सियोलाई इन्ज्युरी समयको थप गरिएको दोस्रो मिनेटमा पुनः परिवर्तन गरिएको थियो ।

क्लबसँग आपसी समझदारीमा सम्झौता रद्ध गरेका इडेन हाजार्डलाई भने प्रशिक्षक कार्लाे एन्सेलोटीले अन्तिम खेलमा पनि मौका प्रदान गरेनन् ।

यस बराबरीसँगै रियल ३८ खेलबाट ७८ अंक जोडेर दोस्रो स्थानमा रह्यो । बिल्वाओ ५१ अंक जोडेर आठौं स्थानमा रह्यो ।

March 28, 2024

सुरेश थापा क्षेत्री स्मृति फुटबलमा बाहुनडाँगी विजयी

हिमाल खरेल , मेचीनगर बाहुनडाँगी युवा क्लबले कार्गिल सहिद सुरेश थापा क्षेत्री स्मृति दोस्रो जेसीज नकआउट फुटबल प्रतियोगितामा विजयी सुरुवात गरेको छ । मेचीनगर ४ स्थित सरस्वती माविको खेल मैदानमा आज भएको उद्घाटन खेलमा कचनकवल फुटबल क्लबविरुद्ध २–० को सहज जित निकाल्दै बाहुनडाँगी विजयी भएको हो । जितसँगै बाहुनडाँगी सेमिफाइनलमा प्रवेश गरेको छ । बाहुनडाँगीका […]

March 28, 2024

फुटबल टोली स्वदेश फर्कियो

काठमाडौं (हाम्रो खेलकुद)- राष्ट्रिय फुटबल टोली बहराइनबाट बिहीबार स्वदेश आइपुगेको‌ छ फिफा विश्वकप २०२६ तथा एएफसी एसियन कप २०२७ को छनोटअन्तर्गत बहराइनसँग २ खेल खेलेर नेपाली टोली स्वदेश फर्किएको हो। समूह ‘एच’ मा रहेको नेपाली टोलीले ‘होम एन्ड अवे’ दुवै खेल बहराइनमा खेलेको थियो । पहिलो खेलमा ५–० गोलले पराजित नेपाली टोली बहराइनसँगको‌ मंगलबारको ३–० […]

March 27, 2024

स्लोभेनियासँग पोर्चुगल स्तब्ध

एजेन्सी– अन्तर्राष्ट्रिय मैत्रीपूर्ण खेलमा पोर्चुगल स्लोभेनियासँग स्तब्ध बनेको छ । नौं मिनेटको अन्तरालमा दुई गोल बेहोरेपछि पोर्चुगल घरेलु टोली स्लोभेनियासँग २–० ले स्तब्ध बनेको हो । घरेलु टोली स्लोभेनियाको जितमा एडम नेज्दा सेरिन र टिमी एल्सनेकले गोल गरे । गोल खेलको अन्त्यतिर ९ मिनेटको अन्तरमा भएको थियो । स्लोभेनियामा मंगलबार राति भएको खेलमा पाहुना टोली […]

Success

Thank you for your time.