11 months ago
June 9, 2023
काठमाडौं (हाम्रो खेलकुद) – सहिद स्मारक ए डिभिजन लिग २०७९ अन्तर्गत अन्तिम चरणको खेलमा आज ४ खेल हुँदैछन् । २६ औं चरणमा आइपुग्दा लिगबाट रेलिगेसनमा पर्ने टोलीको भने अझै टुंगो लागेको छैन । आज दिउँसो ३ बजे हुने दुई खेलले अर्को सिजन तल्लो श्रेणीमा खेल्ने टोलीको टुंगो लगाउने सम्भावना छ । नतिजा अनुसार आज नै […]
काठमाडौं (हाम्रो खेलकुद) – सहिद स्मारक ए डिभिजन लिग २०७९ अन्तर्गत अन्तिम चरणको खेलमा आज ४ खेल हुँदैछन् । २६ औं चरणमा आइपुग्दा लिगबाट रेलिगेसनमा पर्ने टोलीको भने अझै टुंगो लागेको छैन ।
आज दिउँसो ३ बजे हुने दुई खेलले अर्को सिजन तल्लो श्रेणीमा खेल्ने टोलीको टुंगो लगाउने सम्भावना छ । नतिजा अनुसार आज नै झर्ने दुवै टोली छिनोफानो हुन सक्छ । हाल रेलिगेसनबाट बच्ने संघर्षमा ४ टोलीको नाम रहेको छ ।
११ औं स्थानको फ्रेन्ड्सको ३० अंक र १२ औं स्थानमा रहेको थ्री स्टार क्लबको २९ अंक छ । पुछारको दुई स्थानमा रहेका फ्रेन्ड्स र खुमलटारको समान २७-२७ अंक रहेको छ ।
दिउँसो ३ बजे एन्फा कम्पलेक्सको मैदानमा चर्च ब्वाइज युनाइटेड र फुटबल क्लब खुमलटार बीच प्रतिस्पर्धा हुनेछ । उक्त खेलमा चर्च ब्वाइजले जित हासिल गरे खुमलटार रेलिगेसनमा पर्नेछ ।
त्यस्तै सोही समय दशरथ रंगशालामा फ्रेन्ड्स क्लब र नेपाल एपिएफ क्लबबीच प्रतिस्पर्धा हुनेछ । उक्त खेलमा एपिएफले जित दर्ता गरे फ्रेन्ड्स रेलिगेसनमा पर्नेछ । तर यदि खेलमा फ्रेन्ड्स विजयी भएको अवस्थामा भने लिगको छिनोफानो हेड टु हेड नतिजाले लिनुपर्ने हुन्छ । यस्तोमा रेलिगेसनको समीकरण शनिबारसम्म लम्बनेछ ।
आज ३ बजे च्यासल मैदानमा सातदोबाटो र नेपाल पुलिस क्लब खेल्नेछन् । उक्त खेल तेस्रो स्थानको प्रतिस्पर्धाका लागि महत्त्वपूर्ण रहेको छ । त्यस्तै साँझ ६ बजे आर्मी र शेर्पाबीच पनि अंक तालिकाको माथिल्लो भागमा उक्लन प्रतिस्पर्धा हुनेछ ।
शनिबार साँझ ५:३० बजे थ्री स्टार र जावलाखेल भिड्नेछन् । आजको खेलको नतिजाले भोलीको खेल कतिको महत्त्वपूर्ण हुन्छ भन्ने प्रष्ट हुनेछ । आज फ्रेन्ड्स र खुमलटार दुवै पराजित भए थ्री स्टार रेलिगेसनबाट जोगिनेछ । तर दुई मध्य कुनै एक टोलीले पनि जित हासिल गरे अन्तिम खेलमा थ्री स्टारले हार टार्नुपर्ने समिकरण बन्नेछ ।
April 26, 2024
सुर्खेत (हाम्रो खेलकुद)- कोशी प्रदेशले महिला लिग छनोटमा लगातार चौथो जित निकालेको छ। कोशीले विजय यात्रालाई निरन्तरता दिने क्रममा शुक्रबार लुम्बिनी प्रदेशलाई ३-० ले हरायो। कर्णाली प्रदेश रंगशालामा भएको खेलमा कोशीलाई जित दिलाउन मनिका तुम्रोकले २ र सन्जुमाया तामाङले १ गोल गरिन्। सन्जुमायाले २३ औं मिनेटमा गोल गरिन् । मनिकाले ३९ र ५७ औं मिनेटमा […]
April 26, 2024
एजेन्सी- म्यानचेस्टर सिटीले इंग्लिस प्रिमियर लिगमा बिहीबार जित निकालेपछि उपाधि दौड रोमाञ्चक बनेको छ । ब्राइटनलाई ४-० ले हराएपछि सिटी लिभरपुललाई पछि पार्दै अंक तालिकाको दोस्रो स्थानमा उक्लेको छ।सिटीको जितमा लाई फिल फोडेनले २ , केभिन डी ब्रुएने र जुलियन अल्भारेजले समान १ गोल गरे। ब्राइटनको मैदानमा सिटीका लागि केइल वाल्करको पासमा ब्रुएनेले १७ औं […]
April 25, 2024
विराटनगर (हाम्रो खेलकुद) – घरेलु टोली पेमा युवा क्लब विराटनगर चौंथो संस्करणको मिल्स गोल्डकप फुटबल प्रतियोगिताको फाइनलमा पुगेको छ । विराटनगर जुटमिलको खेलमैदानमा बिहीबार भएको दोस्रो सेमिफाइनलमा कोशी प्रदेश प्रहरी कार्यालय रानी विराटनगरलाई ३–१ गोलले हराउँदै पेमा अन्तिम दुईमा पुगेको हो । पेमाले शनिबार हुने फाइनलमा सशस्त्र प्रहरी बल (एपीएफ) पकली, सुनसरीसँग प्रतिस्पर्धा गर्नेछ । […]