default_image

9 months ago

June 9, 2023

व्यवसायिक खेल जीवनबाट पुलिसका जुमानु र भोलाको सन्यास

काठमाडौं (हाम्रो खेलकुद) – घरेलु फुटबलका सफल दुई खेलाडी नेपाल पुलिस क्लबका फरवार्ड जुमानु राई र मिडफिल्डर भोला सिलवालले व्यवसायिक खेल जीवनबाट सन्यास लिएका छन् । जुमानुले दुई दशक भन्दा लामो समय र भोलाले झण्डै २ दशक पुलिसबाट व्यवासयिक फुटबल खेले । च्यासल मैदानमा सातदोबाटो युथ क्लबलाई शुक्रबार १–० ले हराएसँगै तेस्रो स्थानमा यसपटक लिगको […]

241 views

0 Bookmark

काठमाडौं (हाम्रो खेलकुद) – घरेलु फुटबलका सफल दुई खेलाडी नेपाल पुलिस क्लबका फरवार्ड जुमानु राई र मिडफिल्डर भोला सिलवालले व्यवसायिक खेल जीवनबाट सन्यास लिएका छन् । जुमानुले दुई दशक भन्दा लामो समय र भोलाले झण्डै २ दशक पुलिसबाट व्यवासयिक फुटबल खेले ।

च्यासल मैदानमा सातदोबाटो युथ क्लबलाई शुक्रबार १–० ले हराएसँगै तेस्रो स्थानमा यसपटक लिगको अन्त्य गरेको छ । उपाधि विजेता चर्च ब्वाइज युनाइटेड क्लबले ४८ र दोस्रो स्थानको मछिन्द्र क्लबले ४२ अंक जोड्दा पुलिसको खातामा ४१ अंक रहेको छ ।

सहिद स्मारक ए डिभिजन लिगमा पुलिसको अन्तिम खेलसँगै जुमानु र आफूले सन्यास लिएको भोलाले बताए । पुलिसले लिग उपाधिमा ह्याट्रिक गर्दाका महत्वपूर्ण सदस्य रहेका जुमानु र भोलाले फुटबलबाटसँगै अलग हुने निर्णय गरेका छन् । पुलिसले विराटकृष्ण श्रेष्ठको प्रशिक्षणमा २०६३, २०६६/६७ र २०६८ मा लिग जित्दै ह्याट्रिक गरेको थियो । कुनै समय दुवै राष्ट्रिय फुटबलका पनि महत्वपूर्ण सदस्य थिए ।

जुमानु र भोला दुवैले खेल्न छाडेपनि फुटबलबाट भने अलग नहुने बताएका छन् । ‘२१ वर्ष पुलिसबाट खेले । आजबाट बुट थन्क्याउने निर्णइमा पुगे । म आफ्नो खेल जीवनलाई सफल मान्छु । मलाई कुनै गुनासो छैन,’ जुमानुले भने,‘ पुलिसमा भएकै कारण यति लामो समय खेल्न सके र आफ्नोतर्फबाट क्लबलाई केहि योगदान गर्न सके भन्ने ठानेको छु ।’

राष्ट्रिय टोली सन् २००६ देखि २०१५ सम्म खेल्दा ५० भन्दा बढी खेल खेलेका जमानुले ११ गोल गरेका थिए । उनले आउने दिनमा प्रशिक्षणमा जुटेर पुलिसका लागि खेलाडी तयार पार्ने आफ्नो सपना रहेको बताए । ‘यसपटक लिगमा हामीलाई गाह्रो भयो । ५ जना विदेशी ल्याएपछि तेस्रो स्थान प्राप्त गर्यौं, उनले थपे,‘ आउने दिनमा पुलिसले आफ्नै खेलाडी तयार पार्न आश्यक छ । ’ यसपटकको लिगमा जुमानुले २ खेलमा मात्र खेले ।

यसपटक ३ खेलमा मात्र खेलेका भोलाले पनि प्रशिक्षणमै जुट्ने योजना रहेको सुनाए । ‘ झण्डै १९ वर्ष पुलिसबाट खेले । मलाई भोला सिलवाल भनेर पुलिसले नै चिनाएको हो । यदि म पुलिसमा हुने थिएन भने गुमनाम हुन सक्थे,’ भोलाले भने,‘ मलाई क्लबले मौका दियो र मैले पनि आफ्नोतर्फबाट हर सम्भव दिने प्रयास गरे । आफ्नो खेल जीवनबाट म खुसी छु । अब क्लबकै प्रशिक्षण टोलीमा बसेर काम गर्ने इच्छा छ । ’ सन् २००८ देखि २०१६ सम्म राष्ट्रिय टोलीबाट खेलेका भोलाले २ गोल गरेका थिए ।

February 25, 2024

एनआरटी केपी ओली कपको सेमिफाइनलमा

काठमाडौं (हाम्रो खेलकुद) – न्यू रोड टिम (एनआरटी) राष्ट्रिय युवा संघद्वारा आयोजित केपी ओली कपको सेमिफाइनलमा प्रवेश गरेको छ । सातदोबाटोस्थित एन्फा कम्प्लेक्स आइतबार भएको पहिलो खेलमा थ्री स्टार क्लब माथि १-० को जित निकाल्दै एनआरटी अन्तिम चारमा प्रवेश गरेको हो । एनआरटीको जितमा विवेक गुरुङले एकमात्र गोल गरे । खेलमा धेरै अवसरहरु सिर्जना नभएपनि […]

February 25, 2024

बार्सिलोनाको सानदार जित

एजेन्सी – स्पेनिश क्लब बार्सिलोनाको गएराती सम्पन्न लालिगा अन्तर्गतको खेलमा सानदार जित हात पारेको छ । बार्सिलोनाले गेटाफे माथि ४-० को फराकिलो जित निकालेको हो । धेरै समयपछि खेलमा उत्कृष्ट प्रदर्शन गरेको बार्सिलोनाले चार गोल गर्न पुग्यो । खेलको २०औं मिनेटमा राफिन्हाले गोल गर्दै खेलमा बार्सिलोनालाई अग्रता दिलाएका थिए । जुल्स कुन्डेले आफ्नै हाफबाट खेलेको […]

February 25, 2024

म्यानचेस्टर सिटी र आर्सनलको‌ जित

एजेन्सी – इंग्लिस प्रिमियर लिगमा उपाधि दौडमा रहेका म्यानचेस्टर सिटी र आर्सनल शनिबार विजयी भएका छन् । सिटीले फिल फोडेनको गोलमा बर्नमाउथलाई १-० ले पराजित गरेको छ । उनले २४ औं मिनेटमा गोल गरे । आर्सनलले न्युकासल युनाइटेडलाई ४-१ ले पराजित गर्यो । स्भेन बुटमनले १८औं मिनेटमा आत्मघाती गोल गरेपछि आर्सनलले अग्रता लियो। काइ हाभार्टले […]

Success

Thank you for your time.