default_image

11 months ago

June 22, 2023

इलाम र खोटाङ मुख्यमन्त्री कपको सेमिफाइनलमा

235 views

0 Bookmark

हिमाल खरेल,ओखलढुंगा
इलाम र खोटाङ कोशी प्रदेश मुख्यमन्त्री कप नकआउट फुटबल प्रतियोगिताको सेमिफाइनलमा प्रवेश गरेका छन् ।प्रदेश खेलकुद विकास बोर्ड कोशी प्रदेशको आयोजनामा ओखलढुंगाको सिद्धिचरण नगरपालिकास्थित सगरमाथा जनता माविको खेलमैदानमा जारी प्रतियोगितामा बिहीबार तेस्रो क्वार्टर फाइनल खेलमा धनकुटालाई हराउँदै इलाम अन्तिम चारमा पुगेको हो ।

खेलको सुरुवातमै इलामले धनकुटाविरुद्ध अग्रता लिएको थियो । खेल तेस्रो मिनेटमा इलामका अर्जुन गुरुङले गोल गर्दै अग्रता दिलाएका हुन् । त्यस्तै, खेलको ४८ औँ मिनेटमा इलामका विनोद धमलाले अर्को गोल थप्दै स्थिति २–० को गोल अन्तरमा पुर्याएका थिए । विनोद खेलको म्यान अफ दी म्याच घोषित भए र उनलाई बोर्डका सदस्य सचिव हंशराज वाग्ले र स्थानीय समाजसेवी मेखबहादुर खड्काले ४ हजार रुपैयाँ र मेडल प्रदान गरे ।

आजै सम्पन्न अन्तिम क्वार्टर फाइनल खेलमा सुनसरीलाई टाइब्रेकरमा हराउँदै खोटङ सेमिफाइनलमा पुगेको हो । निर्धारित समयमा खेल १–१ को बराबरीमा सकिएपछि खेल टाइब्रेकरमा धकेलिएको थियो । खेलको औँ मिनेटमा खोटाङका विशाल राईले गोल गर्दै सुरुवाती अग्रता दिलाएका थिए । तर, ५२ औँ मिनेटमा सुनसरीका निर्मल भूजेलले गोल गर्दै खेल १–१ को बराबरीमा ल्याएका थिए ।

टाइब्रेकरमा खोटाङ भाग्यमानी सावित भयो । खोटाङका गोलकिपर किरण राईले घाइते भएर पनि उत्कृष्ट बचाउ गरेका थिए । टाइब्रेकरमा खोटाङले ५–४ गोल अन्तरले जित्यो । खोटाङका गोलकिपर किरण म्यान अफ दी म्याच भए र उनलाई बोर्डका सदस्य सचिव हंशराज वाग्ले र स्थानीय समाजसेवी शंकर कटवालले ४ हजार रुपैयाँ र मेडल प्रदान गरे ।

इलामले फाइनल प्रवेशका लागि ओखलढुंगासँगको भेट पक्का गरेको छ । त्यस्तै, खोटाङले सेमिफाइनलमा खेल संखुवासभासँग खेल्नेछ । दुवै सेमिफाइनल खेल शुक्रबार हुनेछ । प्रतियोगिताको विजेताले उपाधिसहित २ लाख र दोस्रो हुने टोलीले १ लाख रुपैयाँ प्राप्त गर्नेछ । प्रतियोगिताको उत्कृष्ट गोलकिपर, डिफेन्डर, मिडफिल्डर, फरवार्ड, प्रशिक्षक र उच्च गोलकर्ताले समान ५ हजार रुपैयाँ प्राप्त गर्नेछन् ।

May 26, 2024

पिएसजी फ्रेन्च कप च्याम्पियन

एजेन्सी – फ्रेन्च कपको उपाधि जित्दै फरवार्ड केलियन एमबाप्पेले आफ्नाे पेरिस सेन्ट जर्मेन (पिएसजी) बसाईकाे सुखद् अन्त्य गरेका छन्। पिएसजीले शनिबार लियोनमाथि २–१ को जित निकाल्दै उपाधि जित्न सफल भएको हो । पिएसजीका लागि आफ्नाे अन्तिम खेलमा भने एमबाप्पेले गाेल गर्न सकेनन् । पिएसजीका लागि अन्तिम खेल खेलिरहेका केलियन एमबाप्पेले उपाधिसहित क्लबबाट सुखद बिदाई लिएका […]

May 26, 2024

म्यानचेस्टर युनाइटेडलाई‌ एफए कप

एजेन्सी – म्यानचेस्टर युनाइटेडले एफए‌ कपको उपाधि जितेको छ। म्यानचेस्टर सिटीलाई‌ शनिबार २-१ ले हराउँदै युनाइटेडले उपाधि जितेको हो। गत वर्ष युनाइटेडलाई‌ २-१ ले नै हराउँदै सिटीले उपाधि जितेको थियो। युनाइटेडलाई‌ शनिबार जित दिलाउन अलेहान्द्रो ग्रानाचो र कोबी माइनोले गोल गरे। सिटीका जेरेमी डोकुले एक गोल फर्काए । खेलको ३० औं मिनेटमा ग्रानाचोले युनाइटेडलाई अग्रता […]

May 25, 2024

अञ्जनलाई स्पोर्ट्स कम्पनी ३६१ को साथ

काठमाडौं (हाम्रो खेलकुद) – नेपाली राष्ट्रिय फुटबल टोलीका सदस्य अञ्जन विष्टलाई चाइनिज स्पोर्ट्स पोशाक ब्रान्ड कम्पनी ३६१ डिग्रीले प्रायोजन गरेको छ । नेपालको लागि स्पोर्ट्स ब्रान्ड ३६१ का आधिकारिक विक्रेताका प्रमुख कार्यकारी अधिकृत (सिइओ) सरोज कार्की र अञ्जनबीच शनिबार सम्झौतामा हस्ताक्षर गरेका थिए । सम्झौता तीन बर्ष रहने बताइएको छ । कम्पनीले अञ्जनलाई तीन वर्षसम्म […]

Success

Thank you for your time.