काठमाडौं (हाम्रो खेलकुद)–रेडियो नेपाल आठौं मिडिया कप फुटबल प्रतियोगिताको सेमिफाइनलमा पुगेको छ । त्रिपुरेश्वरस्थित दशरथ रंगशालामा समूह ‘बी’ को लिगमा बिहीबार रेडियो नेपालले अन्नपूर्ण पोष्टसंग गोलरहित बराबरी खेलेको थियो ।
तीन टोली रहेको समूहबाट गोलअन्तरका आधारमा रेडियो नेपाल सेमिफाइनलमा पुगेको हो । त्यो समूहबाट इमेज च्यानल विजेता बन्दै सेमिफाइनलमा पुगिसकेको छ । यसअघिको लिग खेलमा इमेजले अन्नपूर्णलाई ३–० तथा रेडियो नेपाललाई ४–२ गोलले हराएको थियो । अन्नपूर्णका गोलरक्षक सरोज वैजु बिहीबारको खेलमा ‘म्यान अफ द म्याच’ चुनिए । प्रतियोगितामा शुक्रबार समूह ‘ए’ को लिग खेलमा एपी वान टेलिभिजन र नेपाल टेलिभिजन (एनटिभी) तथा साविक विजेता कान्तिपुर मिडिया ग्रुप र एभिन्युजबीच प्रतिस्पर्धा हुनेछ ।
