default_image

11 months ago

July 26, 2023

मेस्सी चम्कँदा मायमी नकआउट चरणमा

373 views

0 Bookmark

एजेन्सी – अर्जेन्टिनी सुपरस्टार लिओनेल मेस्सीले उत्कृष्ट प्रदर्शन गर्दा इन्टर मायमी एटलान्टा युनाइटेडलाई पराजित गर्दै लिग्स कप २०२३ को नकआउट चरणमा प्रवेश गरेको छ ।

मंगलबार सम्पन्न खेलमा मायमीले ४-० को जित हासिल गर्दै साउथ समूह ३ को विजेता बनेको हो । मायमीको जितमा पहिलो पटक सुरुवाती रोजाइमा खेलेका फरवार्ड मेस्सीले २ गोल र १ असिस्ट प्रदान गरे । उनले पहिलो हाफमै २ गोल गरेका थिए ।

यस जितसँगै मायमी समूह विजेताको रुपमा लिग्स कपको राउन्ड अफ ३२ मा प्रवेश गरेको छ । मायमीको २ खेलमा ६ अंक छ । अब समूहको अन्तिम खेलमा क्रुज अजुल र एटलान्टा युनाइटेडले उपविजेता बन्दै अर्को चरण पुग्न प्रयास गर्नेछन् ।

खेलको आठौँ मिनेटमा मेस्सीले गोलको खाता खोले । सर्जियो बुस्केट्सको लामो पासलाई पेनाल्टी क्षेत्र भित्र लग्दै गरेको प्रहार पोस्टमा लागेर फर्कियो । रिबाउन्डमा मेस्सीले पुन:विपक्षी खेलाडीभन्दा अघि पुगेर सहज फिनिस गरे ।

२२ औं मिनेटमा मेस्सीले अग्रता दोब्बर पारे । उनले आफैं मिडफिल्डबाट सुरु गरेको मुभलाई फिनिस गरेका थिए । रोबर्ट टेलरको लो क्रसलाई मेस्सीले गोलमा परिणत गरेका थिए ।

४४ औं मिनेटमा टेलरले मायमीलाई ३-० ले अघि बढाए । मेस्सीको पासमा बेन्जामिन क्रेसान्सीले दिएको फ्लिकमा टेलरले सुन्दर भलीमार्फत गोल गरेका थिए । ५४ औं मिनेटमा मेस्सीको पासमा टेलरले व्यक्तिगत दोस्रो गोल गरे ।

८४ औं मिनेटमा एटलान्टाले सान्त्वना गोल फर्काउने अवसर पाएको थियो । क्रिस्टोफर मकेभीले पेनाल्टी क्षेत्रभित्र फल गर्दै रातो कार्ड पाएपछि रेफ्रीले पेनाल्टी दिएका थिए । तर अर्जेन्टिनी मिडफिल्डर थियागो अल्माडाको प्रहार गोलरक्षक ड्रेक क्यालेन्डरले जोगाए ।

कस्तो प्रतियोगिता होल लिग्स कप ?

अमेरिकी र क्यानडाका टोलीले खेल्ने मेजर लिग सकर र मेक्सिकोको लिगा एमएक्सको ४७ टोलीले यस प्रतियोगितामा प्रतिस्पर्धा गर्दछन् ।

त्यसमध्य अमेरिकाको च्याम्पियन लस एन्जेलस एफसी र मेक्सिको पचुकाले प्रतियोगिताको नकआउट चरण पुग्न बाइ पाएका छन् । एक महिना चल्ने यस प्रतियोगिताको फाइनल अगष्ट १९ मा हुनेछ ।

सहभागी ४७ मध्य ४५ टोलीलाई ३-३ टोलीको १५ समूहमा विभाजन गरिएको छ । हरेक समूहबाट शीर्ष २ टोलीले नकआउट चरणमा स्थान बनाउनेछन् । यी ३० टोली र नकआउट चरणमा बाइ पाएका टोली समेटेर राउन्ड अफ ३२ मा प्रतिस्पर्धा गर्नेछन् ।

मेस्सी सम्मिलित इन्टर मायमी दक्षिण ३ समूहमा रहेको छ । यो समूहमा मेक्सिकोको क्रुज अजुल र अमेरिकाको एटलान्टा युनाइटेड एफसी रहेका छन् ।

सन् २०१९ देखि सुरु भएको यस प्रतियोगिताको पहिलो उपाधि मेक्सिकोको क्रुज अजुलले जितेको थियो । सन् २०२० मा कोभिड संक्रमणका कारण हुन नसकेको प्रतियोगिता २०२१ मा मेक्सिकोकै क्लब लिओनले जितेको थियो । सन् २०२२ मा सम्भव नहुँदा यसपटक भने सबै टोली सहभागी हुँदैछन् ।

लिग्स कपको शीर्ष ३ मा पर्ने टोलीले कन्काकाफ च्याम्पियन्स कपमा छनोट हुनेछ । यो प्रतियोगिता उत्तर, मध्य र क्यारेबियन क्षेत्रको शीर्ष क्लब प्रतियोगिता हो । युरोपमा हुने युरोपेली च्याम्पियन्स लिगजस्तै मेजर लिग सकरका क्लबले यस प्रतियोगितामा प्रतिस्पर्धा गर्छन् ।

सन् २०२० देखि आधिकारिक रुपमा प्रतिस्पर्धामा उत्रिएको मायमीलाई पहिलो उपाधि दिलाउने अवसर पनि मेस्सीसामु छ । अर्जेन्टिना र बार्सिलोनामा सँगै काम गरेका प्रशिक्षक जेरार्डो मार्टिनोसँग मेस्सीलाई नयाँ इतिहास रच्ने अवसर रहेको छ ।

June 16, 2024

स्पेन र इटालीको जित

एजेन्सी – युरो कप २०२४ को समूह ‘बी’ मा स्पेन र इटाली विजयी भएका छन् । शनिबार भएका दुई अलग खेलमा स्पेन र इटलीले जित हासिल गरेका हुन् । स्पेनले बलियो मानिएको क्रोएसिया लाई ३-० को सहज अन्तरले हरायो । पहिलो हाफमा नै ३ गोल गरेपछि क्रोएसिया खेलमा फर्कन सकेन । २९औं मिनेटमा कप्तान अल्भारो […]

June 15, 2024

स्विट्जरल्यान्डको विजयी सुरुवात

एजेन्सी – स्विट्जरल्यान्डले युरो कप २०२४ मा विजयी सुरुवात गरेको छ । शनिबार साँझ भएको पहिलो खेलमा स्विट्जरल्यान्डले हंगेरीलाई ३-१ ले पराजित गरेको हो । खेलको १२औं मिनेटमा नै क्वाडवो डुवाहले गोल गर्दै स्विट्जरल्यान्डलाई अग्रता दिलाएका थिए । माइकल एविसरले दिएको थ्रु-पासमा बक्स भित्रबाट उनले राम्रो फिनिश गरेका थिए । ४५औं मिनेटमा एविसरले गोल गर्दै […]

June 15, 2024

जर्मनीको सानदार सुरुवात

एजेन्सी – उपाधि दावेदार तथा आयोजक जर्मनीले युरो कप २०२४ को सानदार सुरुवात गरेको छ । स्कटल्यान्डलाई ५–१ ले पराजित गर्दै जर्मनीले सानदार सुरुवात गरेको हो । सबै छ गोल जर्मनीका खेलाडीले गरेका थिए । १० खेलाडीमा समेटिएको स्कटल्यान्डविरुद्ध जर्मनीको सानदार जितमा पाँच खेलाडी फ्लोरिएन रिट्ज, जमल मुसिएला, काई हार्भटज, निकलस फुलक्रग र एम्री क्यानले […]

Success

Thank you for your time.