default_image

10 months ago

August 22, 2023

आर्सनलको कठिन जित

647 views

0 Bookmark

एजेन्सी – इंग्लिस प्रिमियर लिग अन्तर्गत सोमबार राति सम्पन्न एकमात्र खेलमा आर्सनलले क्रिस्टल प्यालेस लाई १-० ले पराजित गरेको छ ।

सङ्घर्षपूर्ण जित निकाल्ने क्रममा आर्सनलका लागि कप्तान मार्टिन ओडेगार्डले खेलको एकमात्र गोल गरेका थिए । खेलको ६७औं मिनेटमा ताकेहिरो टोमियासु रातो कार्ड खाँदै मैदानबाट बाहिरिएपछि आर्सनल १० खेलाडीमा सीमित भएको थियो । उनले दोहोरो पहेँलो कार्ड पाउँदा आर्सनलले दोस्रो हाफको अधिकांश समय १० जनाले खेल्न बाध्य भएको थियो ।

ओडेगार्डले खेलको ५४औं मिनेटमा पेनाल्टी मार्फत गोल गरेर आर्सनललाई अग्रता दिलाएका थिए । अन्त्यमा त्यही गोल जितका लागि पर्याप्त बन्न पुग्यो ।

क्रिस्टल प्यालेसका गोलरक्षक स्याम जोनस्टोनले आर्सनलका स्ट्राइकर एडि एनकेटियामाथि पेनाल्टी बक्सभित्र फाउल गरेपछि आर्सनलले पेनाल्टी पाएको थियो । र पेनाल्टीमा कप्तान ओडेगार्डले कुनै गल्ति गरेनन् ।

खेलमा दुवै टिमले गोल गर्ने अवसरहरू पाएका थिए तर त्यो अवसरहरूको सदुपयोग भने गर्न सकेनन् । खेलको दोस्रो मिनेटमै आर्सनलका बुकायो साकाको प्रहार प्यालेस डिफेन्डरलाई लागेर बाहिरियो । २९औं मिनेटमा बूकायो साकाको पासमा ऐनकेटियाको प्रहार गोल्पोस्टमा लाग्न पुग्यो ।

३६औं मिनेटमा ऐनकेटियाले सुनौलो अवसर खेर फाले । डेकलन राइसको पासमा ऐनकेटियाले बललाई गोल्पोस्टको दिशा देखाउन सकेनन् । ४२औं मिनेटमा ओडेगार्डको प्रहार जोनस्टोनले सुन्दर बचाउ गरे । ५५औं मिनेटमा प्यालेसका आन्द्रे आयुले पाएको अवसरमा सटलाई गोलको दिशा देखाउन सकेनन् ।

८६औं मिनेटमा मिचेलको क्रसमा एडुवार्डको हेडर पोस्टभन्दा केही टाढाबाट बाहिरिएपछि प्यालेसले बराबरी गर्ने मौका खेरा फालेको थियो । दुई चरणको खेल सकिँदा सम्म आर्सनलले दुई जित सहित छ अंक जोडेको छ भने दुई खेलमा एक जित र एक हार सहित क्रिस्टल प्यालेसले तीन अंक बटुलेको छ ।

June 14, 2024

दोस्रो चरणमा २५ खेलाडी छनोट

काठमाडौं (हाम्रो खेलकुद)– अखिल नेपाल फुटबल संघ (एन्फा) ले नेपाली महिला राष्ट्रिय फुटबल टोलीका लागि दोस्रो चरणमा २५ खेलाडी छनोट गरेका छन् । मुख्य प्रशिक्षक राजेन्द्र तामाङले प्रारम्भिक चरणमा रहेका ३० खेलाडीबाट ५ खेलाडी कटौती गर्दै दोस्रो चरणमा २५ खेलाडी छनोट गरेका हुन् । प्रशिक्षणबाट सुशीला कुमारी चौधरी, सबिना चौधरी, गंगा गुरुङ, ममता पुन र […]

June 14, 2024

एपिएफले एएफसी महिला च्याम्पियन्स लिग खेल्ने

काठमाडौं (हाम्रो खेलकुद) – विभागीय नेपाल एपिएफ क्लबले अगस्टमा हुने एएफसी महिला च्याम्पियन्स लिगमा सहभागिता जनाउने भएको छ । राष्ट्रिय महिला लिग २०२२ च्याम्पियन्स एपिएफले एएफसी महिला च्याम्पियन्स लिगको प्रारम्भिक चरणका लागि नेपालको प्रतिनिधित्व गर्न लागेको हो । एएफसी महिला च्याम्पियन्स लिगमा एपिएफसहित २२ टोलीले खेल्ने एसियन फुटबल महासंघ (एएफसी) ले जनाएको छ । एएफसीका […]

June 14, 2024

युरो कपको उद्घाटनमा जर्मनी र स्कटल्याण्ड भिड्दै, डिस होमले प्रत्यक्ष प्रसारण गर्ने

एजेन्सी – युइएफए युरो २०२४ आजदेखि जर्मनीमा सुरु हुँदैछ । आयोजक र तीन पटकको च्याम्पियन जर्मनीले शुक्रबार म्युनिखमा हुने उद्घाटन खेलमा स्कटल्याण्डको सामना गर्दैछ । म्युनिख फुटबल एरिनामा समूह ए अन्तर्गतको सो खेल शनिबार नेपाली समय अनुसार दिउँसो १२:४५ बजे सुरु हुनेछ । २४ शीर्ष युरोपियन टोलीहरू छ समूहमा विभाजित रहेका छन् । फाइनल जुलाई […]

Success

Thank you for your time.