default_image

11 months ago

August 28, 2023

राष्ट्रिय टोलीका ४ पूर्व कप्तानले मनाङमा मैत्रीपूर्ण फुटबल खेल्ने

2787 views

0 Bookmark

काठमाडौं (हाम्रो खेलकुद) – राष्ट्रिय फुटबल टोलीका ४ पूर्व कप्तानले बायोकोष नेपाल र ऐन्ट फाउन्डेसनले यसै महिना संयुक्त रुपमा मनाङमा आयोजना गर्ने मैत्रीपूर्ण फुटबल खेल्ने भएका छन् ।

मनाङका विभिन्न स्थानमा याक र हिउँ चितुवाको संरक्षणका लागि आयोजना हुने मैत्रीपूर्ण फुटबलमा पूर्व कप्तान उपेन्द्रमान सिंह, हरि खड्का, अनिल गुरुङ र महिला टोलीकी पूर्व कप्तान निरु थापाले खेल्ने आइतबार पर्यटन बोर्डमा आयोजित पत्रकार सम्मेलनमा बायोकोष नेपालका प्रमुख पारस विक्रम सिंह जानकारी दिए ।

स्थानिय युवाहरुलाई हिउँ चितुवा लगायतका वन्यजन्तुहरुको संरक्षणमा लागिरहन प्रेरित गर्ने, मानव र वन्य जन्तुबीच सहअस्तित्व कायम गर्ने, जलवायु परिवर्तनले हिमाली क्षेत्रमा पारिरहेको असरको बारेमा जानकारी दिने तथा पर्यापर्यटन प्रबर्धनमा प्रोत्साहन गर्ने उदेश्यहरुका साथ मैत्रीपूर्ण फुटबल आयोजना गर्न लागिएको बताइएको छ ।

मनाङ जिल्लाको तिमाङ, पिसाङ र मुङजीमा रहेको मैदानमा भदौ २५ देखि २७ गतेसम्म मैत्रीपूर्ण फुटबल हुनेछ । सेलिब्रेटी टिम हिमालयन स्नो लेपर्डले स्थानिय खेलाडीको टिम कान्जिसरा याक, पिसाङ याक र मनाङ याकसँग खेल्नेछ । तिमाङमा भदौ २५ गते, पिसाङमा २६ गते र मुङजी त्र्राकामा भदौ २७ गते मैत्रीपूर्ण खेल हुनेछ ।

स्पो लेपर्डबाट पूर्व कप्तान सिंह, खड्का, गुरुङ, थापासहित, अस्मिता रन्पाल, सिता तामाङ रहनेछन् । सोही टोलीबाट प्रशान्त ताम्राकार, आंचल शर्मा, त्रिचु राइ, नरेन खड्का, आर्यन अधिकारी, जेम्स प्रधान, मिस नेपाल वल्ड सृचा प्रधान, मिस्टर नेपाल समरपन कार्की, मिस युनिभर्स नेपाल सोफिया भुजेल, प्रिस्का उदास, मिस्टर नेपाल रनरअप निमेष कपाली खेल्ने बताइएको छ ।

बायोकोष नेपालका प्रमुख सिंहले हिउँ चितुवाबाट हुने पिडा मनाङका स्थानीय बासिन्दालाई मात्रै थाहा हुने बताए । ‘बाहिरबाट हेर्दा हिउँ चितुवा देख्दा एकदमै रमाईलो लाग्छ । तर हिउँ चितुवाले याकका बच्चा मारिदिन्छ । याक बचाउने स्थानीयलाई मात्रै यसको पिडा थाहा हुन्छ, उनले भने,‘ हिउँ चितुवाले एकैपटक १ सय ३३ भेडा बाख्रा समेत मारेको छ । त्यो दुःख देखेपछि मात्रै थाहा हुन्छ । हिउँ चितुवाको बारे स्थानीयलाई धेरै राम्रोसँग जानकारी छ।’

सिंहले यस्ता खाले कार्यक्रमले मनाङको पर्यटनलाई राम्रो टेवा पुग्ने विश्वास व्यक्त गरे । पछिल्लो एक दशकदेखि हिमालयन कस्तुरी मृग, हिउँ चितुवाको बारेमा अनुसन्धान गर्दै आएका सिंहले भने, ‘याक र हिउँ चितुवा दुबै संरक्षण गर्न यो राम्रो कार्यकम हो ।’

पूर्व कप्तान अनिल गुरुङले मनाङमा गएर फुटबल खेल्ने इच्छा पूरा हुने भएकोले एकदमै उत्साहित रहेको बताएका छन् । ‘म पहिला मनाङ मस्याङ्दी क्लबबाट फुटबल खेल्दा मनाङमा गएर फुटबल खेल्ने इच्छा थियो ,’ मनाङका पूर्व कप्तान समेत रहेका उनले थपे,‘ अब त्यो पूरा हुँदैछ । त्यहाँका स्थानीयसँग गएर फुटबल खेल्न एकदमै उत्साहित छु ।’

स्थानीय समेत रहेका नमस्ते नेपालका निर्देशक विनोद गुरुङले मनाङबासीले मैत्रीपूर्ण फुटबललाई एउटा पर्वको रुपमा लिएको बताए ।

July 24, 2024

सेल्टिकले म्यानचेस्टर सिटीलाई हरायो

एजेन्सी – प्रि-सिजन खेलहरुका लागि अमेरिका पुगेको इंग्लिश क्लब म्यानचेस्टर सिटी स्कटिस क्लब सेल्टिकसँग पराजित भएको छ । च्यपेल हिल शहरमा भएको खेलमा म्यानचेस्टर सिटी ४-३ ले पराजित भएको हो । सेल्टिकले पहिलो हाफमा नै ३-१ को अग्रता लिएको थियो । निकोलस-गेरिट कुह्नले १३औं मिनेटमा सेल्टिकलाई अग्रता दिलाएका थिए । ३३औं मिनेटमा सिटीका ओस्कार बबले […]

July 24, 2024

नेपालमा संचालित ‘रोड टु टोटेनहम’ अवैध

सुबास हुमागाईं, काठमाडौं भारतीय क्लब किकस्टार्ट फुटबल क्लबले स्थानीय क्लब र संस्थासँग मिलेर इंग्लिस प्रिमियर लिगको क्लब टोटेनहम हट्सपर सम्म पुर्याउने भन्दै नेपालमा आयोजना गरेको ‘रोड टु टोटेनहम’ कार्यक्रम अवैध भएको पाइएको छ । किकस्टार्टले नेपालको बी डिभिजन क्लब श्री भगवती क्लब टोखा र भकुन्डो एनपी नामक संस्थासँग मिलेर ‘रोड टु टोटेनहम’ नामक कार्यक्रम दुई […]

July 22, 2024

मछिन्द्र र सातदोबाटोको बराबरी, संकटा र चर्च ब्वाइजले पनि अंक बाँडे

काठमाडौं (हाम्रो खेलकुद) – ललित स्मृति यु-१८ लिग अन्तर्गत सोमबार भएका दुवै खेल बराबरीमा सकिएका छन् । दुवै खेल १-१ को बराबरीमा सकिएको हुन् । एन्फा कम्प्लेक्स सातदोबाटोमा भएको दिनको पहिलो खेलमा मछिन्द्र एफसी र सातदोबाटो युथ क्लबले बराबरी खेले । ६३औं मिनेटमा रोनिक राना मगरको गोलमा लिएको अग्रता पश्चात ७९औं मिनेटमा आदेश लामाले गोल […]

Success

Thank you for your time.