default_image

11 months ago

September 2, 2023

कप्तान सनको ह्याट्रिकमा टोटेनहमको फराकिलो जित

733 views

0 Bookmark

एजेन्सी – दक्षिण कोरियाका कप्तान सन ह्युङ मिनको ह्याट्रिकमा इंग्लिस प्रिमियर लिग अन्तर्गत शनिबार साँझ भएका खेलमा टोटेनहम हट्सपरले बर्नलीको मैदानमा फराकिलो जित दर्ता गरेको छ ।

कप्तान सनको ह्याट्रिकमा टोटनहमले बर्नलीलाई ५–२ ले हराएको हो । बर्नलीको घरेलु मैदान टर्फ मुरमा भएको खेलमा घरेलु टोलीले चौथो मिनेटमा लिल फोस्टरको गोलबाट अग्रता लिएको थियो । तर पछि परेको अवस्थाबाट स्पर्सले पुनरागमन जित हासिल गर्न सफल भयो ।

१६औं मिनेटमा सनले मनोर सोलोमनको पासमा बराबरी गरेका थिए । पहिलो हाफको अन्तिम मिनेटमा क्रिस्टियन रोमेरोले गोल गर्दै स्पर्सलाई अग्रता दिलाए । उनले पेनाल्टी क्षेत्र बाहिरबाट रिबाउन्डमा आएको बललाई टप कर्नरमा गोल गरे ।

दोस्रो हाफमा पनि खेलमा टोटनहमकै पकड रह्यो । ५४औं मिनेटमा जेम्स म्याडिसनले गोल गर्दै अग्रता दोब्बर पारे । ६३औं र ६६औं मिनेटमा व्यक्तिगत दोस्रो र तेस्रो गोल गर्दै सनले आफ्नो ह्याट्रिक पूरा गर्दै जित सुनिश्चित गरे ।

जितसँगै स्पर्स चार खेलमा १० अंक सहित दोस्रो स्थानमा उक्लिएको छ । हार बेहोरेको बर्नलीलाई बिना अंक सहित तालिकाको पुछारमा छ ।

July 22, 2024

मछिन्द्र र सातदोबाटोको बराबरी, संकटा र चर्च ब्वाइजले पनि अंक बाँडे

काठमाडौं (हाम्रो खेलकुद) – ललित स्मृति यु-१८ लिग अन्तर्गत सोमबार भएका दुवै खेल बराबरीमा सकिएका छन् । दुवै खेल १-१ को बराबरीमा सकिएको हुन् । एन्फा कम्प्लेक्स सातदोबाटोमा भएको दिनको पहिलो खेलमा मछिन्द्र एफसी र सातदोबाटो युथ क्लबले बराबरी खेले । ६३औं मिनेटमा रोनिक राना मगरको गोलमा लिएको अग्रता पश्चात ७९औं मिनेटमा आदेश लामाले गोल […]

July 21, 2024

चितवन जिल्ला लिगमा एनएफसी र एभरेष्ट विजयी

सुशिल पन्त क्षेत्री,चितवन सेन्ट्रल कलेज चितवन जिल्ला ए डिभिजन लिग फुटबलमा शुक्रबार नारायणी फुटबल क्लब ( एनएफसी) र एभरेष्ट क्लब चितवन विजयी भएका छन्। शारदा नगरको मैदानमा भएको पहिलो खेलमा नारायणीले हर्दी युवा समाजलाई २-१ ले हरायो । नारायणीका‌ सुगम तामाङ र सुरज गुरुङले गोल गरे । हर्दीका सन्तोष थिङले एक गोल गरे । खेलमा […]

July 21, 2024

रेन्जर्सविरुद्ध म्यानचेस्टर युनाइटेड विजयी

एजेन्सी – युरोपियन फुटबल सिजन सुरु हुनुअघिको प्रिसिजनको आफ्नो दोस्रो खेलमा म्यानचेस्टर युनाइटेड विजयी भएको छ । ग्लास्गोमा भएको खेलमा युनाइटेडले स्कटिस टोली रेन्जर्स माथि २-० को जित दर्ता गरेको हो । युनाइटेडका लागि अमाद डियालो र जो हुगिलले गोल गरेका हुन् । ३९औं मिनेटमा बक्सको दायाँभागबाट उत्कृष्ट फिनिस सहित डियालोले सुरुवाती गोल गरेका थिए […]

Success

Thank you for your time.