काठमाडौं (हाम्रो खेलकुद) – इटालियन प्रशिक्षक भिन्सेन्जो अल्बर्टो अनेसेले म्यानमारसँग दुई मैत्रीपूर्ण खेलका लागि नेपाली राष्ट्रिय फुटबल टोली घोषणा गरेका छन् । फिफा विश्वकप २०२६ छनोटको पहिलो चरणको तयारीका लागि नेपालले म्यानमारसँग खेल्न लागेको हो ।

नेपालले अक्टोबर दोस्रो साता विश्कप छनोटको दोस्रो चरणमा प्रवेश गर्न लाओससँग होम एन्ड अवे पद्दतिमा प्लेअफ खेल्दैछ । उक्त खेलको तयारीका लागि सेप्टेम्बर ८ र ११ मा मैत्रीपूर्ण खेल खेल्न लागेको हो । दुवै मैत्रीपूर्ण खेल म्यानमारको यांगोनमा हुनेछ ।

अनेसेले डिफेन्डर छिरिङ लामा, आशिष गुरुङ र अन्जन राई, मिडफिल्डर उत्सव राई तथा फरवार्ड दिनेश हेन्जन, जिलेस्पीजंग कार्की र हिसुब थपलिया पहिलो पटक टोलीमा स्थान बनाउन सफल रहे । टोलीमा अभिषेक बराल र कृतिशरत्न छुन्जु पनि डेब्यु गर्न बाँकी रहेको छ ।

म्यानमारविरुद्ध खेल्ने अन्तिम टोली :

गोलरक्षक : किरणकुमार लिम्बू, अभिषेक बराल र दिप कार्की

डिफेन्डर : सनिश श्रेष्ठ, अनन्त तामाङ, रोहित चन्द, आशिष गुरुङ, छिरिङ लामा र अन्जन राई

मिडफिल्डर : एरिक विष्ट, सुदीप गुरुङ, लाकेन लिम्बू, आवास लामिछाने, कृतिशरत्न छुन्जु, उत्सव राई

फरवार्ड : आयुष घलान, नवयुग श्रेष्ठ, अञ्जन विष्ट, मनिष डाँगी, आशिष चौधरी, जिलेस्पीजङ्ग कार्की, दिनेश हेन्जन, हिसुब थपलिया