default_image

10 months ago

September 13, 2023

फुटबल खेलाडी संघ र बि एण्ड बि अस्पतालबीच सहकार्य सम्झौता

439 views

0 Bookmark

काठमाडौं (हाम्रो खेलकुद) – नेपाल फुटबल खेलाडी संघ र बि एण्ड बि अस्पतालबीच बुधबार सहकार्य सम्झौता भएको छ । खेलाडीको उपचार तथा औषधिमा विशेष छुटसहित विभिन्न सचेतनामुलक कार्यक्रमका लागि दुई पक्षबीच सम्झौता भएको हो ।

बुधबार बि एण्ड बि अस्पतालमै आयोजित एक कार्यक्रममाझ दुई पक्षबीच सम्झौता पत्रमा हस्ताक्षर गरिएको हो । संघका तर्फबाट अध्यक्ष विक्रम लामा र अस्पतालका तर्फबाट प्रोफेसर डाक्टर अमित जोशीले सम्झौता पत्रमा हस्ताक्षर गरेका थिए । संघले ए, बी र सी डिभिजन, महिला लिग, महिला र पुरुष राष्ट्रिय टोली तथा उमेर समूहको राष्ट्रिय टोलीबाट खेलेका खेलाडीले सदस्यता लिएर सुविधा लिन पाउने जनाएको छ ।

सम्झौता अनुसार फुटबल खेलाडीले बि एण्ड बि अस्पतालले प्रदान गर्ने उपचार सुविधामा २० प्रतिशत छुट प्राप्त गर्नेछन् । यसैपनि अन्य अस्पतालको तुलनामा बि एण्ड बिले आर्थोस्कोपी शल्यक्रियामा अन्य अस्पतालको तुलनामा झन्डै आधा रकममा विशेष प्याकेज ल्याएको थियो । यसबाट थुप्रै खेलाडी लाभान्वित भएका थिए । अब फुटबल खेलाडीले भने उक्त प्याकेजमा पनि थप २० प्रतिशत छुट प्राप्त गर्नेछन् ।

यसबाहेक फुटबल खेलाडीको परिवारको उपचारमा पनि १५ प्रतिशत छुट दिइने सम्झौतामा उल्लेख छ । अस्पतालमा उपलब्ध औषधिमा पनि १२ प्रतिशत छुट दिइनेछ । यसबाहेक विपन्न वर्गका खेलाडीले लागि वार्षिक रुपमा सिमित कोटामा खेलाडीलाई निशुल्क उपचार सेवा प्रदान गरिनेछ ।

यसबाहेक दुई पक्ष मिलेर खेलाडीहरुको निम्ति स्वास्थ्य तथा खेल दुर्घटना सम्बन्धी शैक्षिक कार्यक्रम संचालनमा प्राविधिक सेवा प्रदान गरिनेछ । सो कार्यक्रमको सुरुवात बुधबार नै सम्झौता आदान प्रदान गर्नुअघि आयोजना भएको थियो । जसमा महिला राष्ट्रिय टोली र पुरुष यू-१९ टोलीका खेलाडी उपस्थित रहेका थिए ।

कार्यक्रममा बोल्दै प्रशिक्षक मेघराज केसीले यसअघि पनि प्रशिक्षक र खेलाडी संघ गठन भएकोमा नयाँ नेतृत्वले खेलाडीको हितका लागि गरेको कार्यक्रम निकै राम्रो रहेको बताए ।

अस्पतालका निर्देशक अशोक कुमार बास्कोटाले खेलाडीको उपचारमा बि एण्ड बि सधैं गम्भीर रहेकोमा अब खेलाडी संघसँग सहकार्य गर्न पाउँदा खुसी लागेको बताए ।

संघका अध्यक्ष विक्रम लामाले चोट लागेपछि आर्थिक अवस्थाकै कारण कतिपय खेलाडीले उपचार नै गर्न नजाने अवस्थालाई यस सहकार्यले केहि सहज हुने बताए ।

डाक्टर अमित जोशीसँग खेलाडीको चोट, शल्यक्रिया र पुनर्स्थापना प्रक्रिया तथा नेपालको अवस्थाबारे गरिएको कुराकानी :

July 16, 2024

पहिलो प्रि-सिजन खेलमा म्यानचेस्टर युनाइटेडको हार

एजेन्सी – २०२४/२४ फुटबल सिजन अघिको प्रि-सिजन अन्तर्गत पहिलो खेलमा इंग्लिश टोली म्यानचेस्टर युनाइटेड पराजित भएको छ । नर्वेमा भएको खेलमा म्यानचेस्टर युनाइटेड घरेलु टोली रोसेनबोर्ग विरुद्ध १-० ले पराजित भएको हो । सो गोल खेलको अन्तिम समयमा आएर थियो । नोआह होल्मले इन्ज्युरी समयको तेस्रो मिनेटमा गोल गर्दै रोसेनबोर्गलै जित दिलाए । युनाइटेडका लागि […]

July 15, 2024

रोड्रिगेज कोपा अमेरिकाको उत्कृष्ट खेलाडी

एजेन्सी – उपविजेता कोलम्बियाका कप्तान हामेस रोड्रिगेज कोपा अमेरिका २०२४ को उत्कृष्ट खेलाडी घोषित भएका छन् । अर्जेन्टिना विरुद्ध फाइनलमा १-० ले पराजित भएपनि उनले उत्कृष्ट खेलाडीको उपाधि हात पारेका हुन् । प्रतियोगिता अवधिभर उनले १ गोलका साथै ६ असिस्ट गर्न सफल रहे । फाइनलमा भने उनी अतिरिक्त समयको सुरुवात परिवर्तन भएका थिए । यस्तै […]

July 15, 2024

अर्जेन्टिनालाई कोपा अमेरिका उपाधि

एजेन्सी – अर्जेन्टिनाले कोपा अमेरिका २०२४ को उपाधि जितेको छ । लगातार दोस्रो पटक उपाधि जित्ने क्रममा अर्जेन्टिनाले कोलम्बियालाई अतिरिक्त समयमा १-० ले हराएको हो । अर्जेन्टिनाका लागि लौतारो मार्टीनेजले १ सय १२औं मिनेटमा गोल गरे । ९७औं मिनेटमा मैदान प्रवेश गरेका उनले जियोभानी लो सेल्सोको थ्रु पासमा गोल गर्दै अर्जेन्टिनालाई उपाधि दिलाएका हुन् । […]

Success

Thank you for your time.