default_image

9 months ago

September 15, 2023

एन्फा अध्यक्ष र महासचिव बर्खास्तीको प्रस्ताव अनुशासन समितिमा पुग्यो

751 views

0 Bookmark

काठमाडौं (हाम्रो खेलकुद)– अखिल नेपाल फुटबल संघका साधारण सभाका बहुमत सदस्यले अध्यक्ष पंकजविक्रम नेम्वाङ र महासचिव किरण राईको बर्खास्ती मागसहित विशेष साधारण सभा बोलाउन बुझाएको निवेदनलाई एन्फाले अनुशासन समितिमा पठाएको छ ।


एन्फाका पूर्व अध्यक्ष समेत रहेका हिमालय शेर्पाका अध्यक्ष कर्मा छिरिङ शेर्पा र एन्फाका पूर्व महासचिव रहेका इन्द्रमान तुलाधरको नेतृत्वमा असन्तुष्ट साधारण सभाका सदस्यले सोमबार एन्फाका वरिष्ठ उपाध्यक्ष वीरबहादुर खड्कालाई निवेदन बुझाएका थिए ।

सो निवेदनलाई सम्बोधन गर्दै एन्फाका महासचिव किरण राईले एन्फाका सदस्य सस्थाका अध्यक्षलाई शुक्रबार पत्र लेख्दै भनेका छन्, ‘उपरोक्त सम्बन्धमा एन्फामा आबद्ध सदस्य संस्थाहरुबाट मिति २०८० भदौ २५ गते दर्ता नं २२२ रहेको निवेदन अखिल नेपाल फुटबल संघमा प्राप्त हुन आएको विशेष साधारण सभा सम्बन्धधमा उक्त निवेदन उपर छलफल गर्न तथा प्रक्रियालाई अघि बढाउन सो निवेन एन्फा अनुशासन समितिमा पठाएको व्यहोरा अवगत गराउँदछु । ’

साधारण सभाका बहुमत सदस्यलेले बर्खास्ती गर्न माग गरिएका दुई पदाधिकारी एन्फा अध्यक्ष र महासचिव मध्ये महासचिव राईले नै सदस्य संस्थाका अध्यक्षहरुलाई पत्र लेखेका छन् । एन्फाको विधानको धारा ३६ (३) अनुरुप ४० प्रतिशत भन्दा बढी सदस्यको हस्ताक्षर सहित निवेदन आएमा विशेष साधारण सभा बोलाउनुपर्ने प्रावधान छ ।

यस्तोमा संघले ३० दिनभित्र संघको विशेष साधारण सभा बोलाउनु पर्नेछ । यदी त्यसो नभएमा अन्य सदस्य संस्थाले नै संयुक्त रुपमा ३० दिनको सूचना जारी गरि साधारण सभा बोलाउन पाउने प्रावधान छ ।

क्लब, जिल्ला फुटबल संघ तथा महिला फुटबल संघ गरी कुल ४९ साधारण सभा सदस्यले हस्ताक्षर गरेको निवेदनमा एन्फाका वर्तमान अध्यक्ष र महासचिवले नेपाली फुटबललाई धराशायी बनाउन लागेको र उनीहरुलाई सो पदमा निरन्तरता दिँदा नेपालको फुटबल भविष्यमा नै अतुलनीय क्षति पुर्याउँछ भन्ने ठहर गरेको उल्लेख गरिएको छ ।

निवेदनमा वर्तमान नेतृत्वले गरेका विविध १९ विषय उल्लेख गर्दै विशेष साधारण सभा राखेर अध्यक्ष र महासचिवलाई बर्खास्त गर्ने एजेन्डा राख्न माग राखिएको थियो । एन्फाले आइतबारलाई अनलाइनमार्फत साधारण सभा गर्न सुचित गरेको थियो ।

सहिद स्मारक लिग ए,बि,सी डिभिजनका ३२ क्लबले भने भौतिक उपस्थितिमा साधारण सभा हुनुपर्ने अन्यथा बहिष्कार गर्ने चेतावनी दिएको थियो । त्यसका वावजुद एन्फाले आइतबार विशेष साधारण सभा आयोजनाको प्रयास गर्यो ।

तर, गणपुरक संख्या नपुग भएको भन्दा स्थगित गर्दै पुनः सोमबारका लागि विशेष साधारण सभा गर्ने तयारी गरेको थियो । तर, साधारण सभाका बहुमत सदस्यले निवेदन दिएपछि एन्फा विशेष साधारण सभा स्थगित गर्न बाध्य भएको थियो ।

May 27, 2024

योर गेम इज नट फेयर प्ले

सन्जोग चाम्लिङ राई पहेँलो रंगको पृष्ठभूमिगाढा निलो अक्षर । मैदानमासबैभन्दा पहिले छिर्छएउटा चारकुने झण्डालेखिएको हुन्छ –“माई गेम इज फेयर प्ले” । मैदानको वारी छन्“भिटामिन डी” को रापमारापिएका दर्शकहरु ,पारी देखिन्छछहारीमा सुकला गरी रहेको एन्फाखेल्दै छन् मैदानमाभोको पेट र काँचका सपनाहरु । अचम्मको पोको हो एन्फाफुटबल नबोल्नुउसको गला होफुटबल नखेल्नुउसको कला हो । बहुमतको बिसौलीमाउ मात्तिन्छचौरास्ताको […]

May 27, 2024

जितका साथ बार्सिलोनामा जाभीको बिदाई

एजेन्सी – जितका साथ जाभी हर्नान्डेजले बार्सिलोनाको प्रशिक्षण यात्राको अन्त्य गरेका छन् । स्पेनिस ला लिगामा आफ्नो अन्तिम खेलमा आइतबार बार्सिलोना सेभियालाई २–१ ले हराएको हो । बार्सिलोनाका लागि रोबर्ट लेवान्डोस्की र फर्मिन लोपेजले गोल गरे । सेभियाका लागि एन नेसिरीले गोल गरे । खेलको समाप्तीपछि बार्सिलोनाका खेलाडीले जाभीलाई बिदाइ गरे । बार्सिलोनाले यसअघि नै […]

May 26, 2024

पिएसजी फ्रेन्च कप च्याम्पियन

एजेन्सी – फ्रेन्च कपको उपाधि जित्दै फरवार्ड केलियन एमबाप्पेले आफ्नाे पेरिस सेन्ट जर्मेन (पिएसजी) बसाईकाे सुखद् अन्त्य गरेका छन्। पिएसजीले शनिबार लियोनमाथि २–१ को जित निकाल्दै उपाधि जित्न सफल भएको हो । पिएसजीका लागि आफ्नाे अन्तिम खेलमा भने एमबाप्पेले गाेल गर्न सकेनन् । पिएसजीका लागि अन्तिम खेल खेलिरहेका केलियन एमबाप्पेले उपाधिसहित क्लबबाट सुखद बिदाई लिएका […]

Success

Thank you for your time.