मड्रिड – (एजेन्सी) – सेभिल्लासँग ला लिगामा हार्दै आफ्नो ४० खेलको अपराजित यात्रा अन्त भए लगतै रियल मड्रिडले लगातार दोस्रो हारको सामना गरेको छ । कोपा डेल रे को क्वाटर फाइनलको पहिलो लेगमा आफ्नु घरेलु दर्शकको अगाडि २-१ ले पछी परेको छ ।
लिभरपुलमा फ्लप रहेका आइगो आसपासले यो सिजनको १६ औ गोलमा पाहुना टोली सेल्टा भिगोले खेलको ६४ मिनेटमा अग्रता लिएको थियो । आसपास यो सिजनको १६ औ गोल हो । मड्रिडले मार्सेलोको भलिमा ५ मिनेटपछी बराबरी गरे पनि त्यसको केहि क्षण पछी काउन्टर एट्याकमा जोनाथन क्यास्ट्रो ओटोले सेल्टा भिगोलाई अग्रता दिलाएका थिए ।
