2 years ago
October 6, 2023
काठमाडौं (हाम्रो खेलकुद)– अखिल नेपाल फुटबल संघ (एन्फा) ले अर्को साता हुने विश्व कप एसिया जोन छनोटका लागि प्रक्रिया पूरा नगरी १५ हजार अमेरिकी डलरमा सिंगापुरको स्पोर्टस फाइभलाई मिडिया र विज्ञापन विक्री गरेको पाइएको छ ।

बोलपत्र (टेन्डर) आव्हान नगरी सिंगापुरको कम्पनीलाई अधिकार दिएको पाइएको हो । केन्द्रीय समितिले यहि निर्णय गरेको छ । सोही निर्णयलाई हामीले यहाँ फेरि प्रस्तुत गरेका हौं, विश्व कप छनोटको तयारीका विषयमा जानकारी दिन शुक्रबार आयोजित पत्रकार सम्मेलनमा एन्फा प्रवक्ता सुरेश शाहले भने, सम्भवत हतारमा यो निर्णय भएको हुन सक्छ ।’
शाहले प्रष्ट पार्न नसकेपछि सँगै रहेको एन्फाका सहायक महासचिव अरुणमान जोशीले मिडिया र विज्ञापन अधिकारका लागि दुई वटा कम्पनीले इच्छा व्यक्त गरेको र त्यसमा स्पोर्टस फाइभको दर बढी भएकोले दिएको बताएका थिए । तर, उनले अर्को कहाँको कुन कम्पनीले आवेदन दिएको बताउँन चाहेनन् ।
नेपाल र लाओसको राष्ट्रिय फुटबल टोली बीच असोज २५ गते दशरथ रंगशालामा विश्व कप छनोटका पहिलो लेग र लाओसमा असोज ३० गते दोस्रो लेग हुनेछ । पहिलो चरण पार गरेको खण्डमा भने दोस्रो चरणको छनोटका लागि पनि एन्फाले ६५ हजार अमेरिकी डलरमा सोही स्पोर्टस फाइभलाई मिडिया र विज्ञापन अधिकार दिने निर्णय भदौ २४ गते अध्यक्ष पंकजविक्रम नेम्बाङको अध्यक्षतामा बसेको आकष्मिक बैठकले गरेको थियो ।
एन्फाले नेपाल र लाओसबीचको खेलमा दर्शकका लागि भिआइपीतर्फ ५ सय र साधारण प्यारापिटतर्फ ३ सय रुपैयाँको टिकट दर तोकेको छ । आपसी सहमतिमा लाओसको स्थानिय खर्च एन्फाले गर्ने भएको झन्डै ७४ लाख रुपैयाँ एन्फाले छनोटको पहिलो लेगका खर्च हुने अनुमान गरेको छ ।
दोस्रो लेगमा नेपाली टोलीको स्थानिय खर्च लाओसले गर्ने प्रतियोगिताका निर्देशक सञ्जिव मिश्रले जनकारी दिए । छनोटको प्रत्यक्ष प्रसारण कान्तिपुर टेलिभजनले गर्ने भएको छ । प्रतियोगिताको संयोजक एन्फाले उपाध्यक्ष दीपक खतिवडालाई तोकेको छ । यसअघि प्रतियोगिताको संयोजक एन्फाका वरिष्ठ उपाध्यक्ष वीरबहादुर खड्का थिए ।
बुधबार बसेको एन्फाको पछिल्लो आकष्मिक बैठकमा खड्का उपस्थित नभएकाले विश्व कप छनोट सन्चालनका लागि आफूलाई एन्फाले जिम्मेवारी दिएको खतिवडाले बताए । ‘अर्को निर्णय नहुँदा सम्म अबको प्रतियोगिता संयोजन मैले गर्नेछु,’ उनले भने, ‘यसमा कत्ति तलब भत्ता आउँछ मलाई थाहा छैन । आयो भने त्यो एन्फाकै कुनै कोषमा दिनेछु । म लिने छैन ।
विश्व कप छनोटका लागि हाल २५ खेलाडी प्रशिक्षणमा रहेको पनि सोही पत्रकार सम्मेलनमा जानकारी दिइएको थियो । फिफा वरियतामा नेपाल १ सय ७५ औं र लाओस १ सय ८६ औं स्थानमा छ ।
December 8, 2025
काठमाडौं (हाम्रो खेलकुद)- अर्को महिना सुरु हुने राष्ट्रिय लिग खेल्नका लागि १६ क्लब दर्ता भएका छन्। अखिल नेपाल फुटबल संघ (एन्फा) ले राष्ट्रिय लिगमा लागि आइतवारसम्म दर्ता गर्न समय तोकेको थियो। राष्ट्रिय लिग पुस २५ गतेदेखि सुरु हुने बताइएको छ। त्यस सहिद ए डिभिजन सबै भन्दा बढी जित्ने टोली मनाङ मर्स्याङ्दी क्लब र हिमालय शेर्पा […]
December 8, 2025
एजेन्सी – रियल म्याड्रिड ला लिगामा आइतवार पराजित भएको छ। घरेलु मैदान सान्टियागो बेर्नाबेउमा भएको खेलमा ९ खेलाडीमा सिमित हुँदै रियल सेल्टा भिगोसँग २-० ले स्तब्ध भएको छ। रियलले शीर्ष स्थानको बार्सिलोनासँगको अंक दूरी घटाउने अवसर गुमाएको छ। खेलको २४औँ मिनेटमा रियलका डिफेन्डर एदर मिलिताओ ह्यामस्ट्रिङ चोटका कारण मैदानबाट बाहिरिए। त्यसले टोलीको रक्षापक्ति थप कमजोर […]
December 7, 2025
काठमाडौं (हाम्रो खेलकुद)- उमेर समूहका उत्कृष्ट खेलाडी उत्पादन गर्ने उद्देश्यले अन्नपूर्ण आरसीटीले आयोजना गरेको ३० साताको फुटबल स्तर अभिवृद्धि प्रशिक्षण कार्यक्रम आइतबार सम्पन्न भएको छ । असार १४ गते सुरु भएको यस ग्रासरुटको कार्यक्रममा ७१ खेलाडीको सहभागिता थियो । त्यसमध्ये २२ किशोरी रहेका थिए । लैनचोर युवा क्लबको सहयोगमा चैनचोर फुटबल मैदानमा आयोजित प्रशिक्षण कार्यक्रम […]