काठमाडौं (हाम्रो खेलकुद) – नेपालले डिफेन्डर अमृत श्रेष्ठ र फरवार्ड सञ्जीव विष्टलाई पहिलो पटक समेट्दै फिफा विश्वकप २०२६ को पहिलो चरणको छनोटका लागि अन्तिम टोली घोषणा गरेको छ । इटालियन प्रशिक्षक भिन्सेन्जो अल्बर्टो अनेसेले दुई नयाँ खेलाडी समेट्दै २३ सदस्यीय अन्तिम टोली घोषणा गरेका हुन् ।

हिमालयन शेर्पा क्लबका डिफेन्डर अमृत श्रेष्ठ र न्यू रोड टिमका फरवार्ड सञ्जीव विष्टले पहिलो पटक राष्ट्रिय टोलीमा स्थान बनाएका छन् । डबल लिग फर्म्याटमा नेपालले लाओसको सामना गर्ने छ। पहिलो खेल भोलि काठमाडौं स्थित दशरथ रंगशालामा हुँदैछ। दोस्रो खेल भने अक्टोबर १७ मा लाओसमा हुने छ।

यस चरणको विजेताले छनोटको दोस्रो चरणमा स्थान बनाउने छन्। दोस्रो चरणको क्वालिफायर समूह चरणको ढाँचामा हुनेछ।

नेपाली टोली :

गोलकिपरः किरण कुमार लिम्बु, दीप कार्की, अभिषेक बराल

डिफेन्डरः सनिश श्रेष्ठ, अनन्त तामाङ, आशिष गुरुङ, रोहित चन्द, अन्जन राई, आशिष चौधरी, अमृत श्रेष्ठ

मिडफिल्डरः एरिक विष्ट, सुदिप गुरुङ, लाकेन लिम्बु, आवास लामिछाने, उत्सव राई, कृतिश रत्न छुन्जु, मनिष डाँगी

फरवार्डः अन्जन विष्ट, आयुष घलान, जिलेस्पे जंग कार्की, दिनेश हेन्जन, हिसुब थपलिया, सञ्जीव विष्ट