default_image

8 months ago

October 13, 2023

हालान्ड चम्कदा नर्वेको सानदार जित

2008 views

0 Bookmark

एजेन्सी – इंग्लिस क्लब म्यानचेस्टर सिटीका फरवार्ड एर्लिङ ब्राउट हालान्डको सानदार प्रदर्शनमा नर्वेले युरो कप २०२४ को छनोट खेलमा सानदार जित दर्ता गरेको छ ।

नर्वेले घरेलु टोली साइप्रसमाथि ४–० को फराकिलो जित दर्ता गरेको हो । नर्वेको जितमा हालान्डले दुई गोल गर्दा एलेसान्दार सोर्लोथ र फ्रेडरिक अर्सनेसले समान एक गोल गरे ।

एइके एरिना साइप्रसमा बिहीबार राति भएको खेलको ३३औं मिनेटमा सोर्लाेथको गोलबाट नर्वेले अग्रता लिन सफल भयो । ६५औं मिनेटमा हालान्डले गोल गर्दै नर्वेको अग्रता दोब्बर पारे । उनले फ्रेडरिकको पासमा गोल गर्न सफल भए ।

७२औं मिनेटमा एन्टोनियो नुसाको पासमा व्यक्तिगत दोस्रो र टोलीका लागि तेस्रो गोल गर्दे नर्वेलाई सहज जिततर्फ अघि बढाए । नर्वेको राष्ट्रिय टोलीबाट हालान्डको यो २७औं क्यापमा २७औं अन्तर्राष्ट्रिय गोल हो ।

त्यसपछि ८१औं मिनेटमा फेडरिकले गोल गर्दे नर्वेको जित पक्का गरे । यस जितले नर्वेले युरो कप २०२४ मा छनोट हुने सम्भावना जीवितै राखेको छ ।

यस जितसँगै नर्वे समूह ‘ए’ मा ६ खेलबाट १० अंक जोडेर तेस्रो स्थानमा यथावत रहेको छ । पराजित साइप्रसले ६ खेल खेल्दा अंकको खाता खोल्न सकेको छैन ।

स्पेन विजयी

यही समूहको अर्काे खेलमा स्पेनले स्कटल्यान्डलाई २–० ले पराजित गरेको छ । स्पेनको जितमा अल्भारो मोराटा र ओइहान सानसेटले गोल गरे । युरो छनोटमा स्कटल्यान्डको यो पहिलो हार हो ।

सेभिलमा बिहीबार राति भएको खेलको ६०औं मिनेटमा स्कटल्यान्डका स्कट म्याकटोमिनेले गोल गरेपनि भिएआरमा अफसाइड ठहरिदा गोलले मान्यता पाएन । ७३औं मिनेटमा मोराटाले जेसस नाभासको पासमा गोल गर्दै स्पेनलाई १–० को अग्रता दिलाए ।

८६औं मिनेटमा ओइहानले गोल गर्दै स्पेनको जित पक्का गराए । यस जितले स्पेन ६ खेलबाट १२ अंक जोडेर दोस्रो स्थानमा यथावत छ । पहिलो हार बेहोरेको स्कटल्यान्ड १५ अंक जोडेर शीर्षस्थानमा यथावत छ ।

अन्य नतिजा
समूह ‘डी’ – लात्भियाविरुद्ध अर्मेनिया (–०) र क्रोएसियाविरुद्ध टर्कीए (०–)
समूह ‘ई’ – अल्वानियाविरुद्ध चेकिया (३–०) र फारोई आइल्यान्डविरुद्ध पोल्याण्ड (०–)
समूह ‘आई’ – एन्डोराविरुद्ध कोसोभो (०–) र बेलारुसविरुद्ध रोमानिया (०–०)

June 21, 2024

अर्जेन्टिनाको विजयी सुरुवात

एजेन्सी – साविक विजेता अर्जेन्टिनाले २०२४ संस्करणको कोपा अमेरिकामा विजयी सुरुवात गरेको छ । एटलान्टामा भएको उद्दघाटन खेलमा अर्जेन्टिनाले क्यानडा माथि २-० को जित दर्ता गरेको हो । अर्जेन्टिनाका लागि स्ट्राइकरद्वय जुलियन अल्भारेज र लौतारो मार्टिनेजले समान १-१ गोल गरे । पहिलो हाफमा खेलमा नियन्त्रण काम भएतापनि दोस्रो हाफमा अर्जेन्टिनाले सुधारिएको प्रदर्शन गरेको थियो । […]

June 21, 2024

इटालीलाई हराउँदै स्पेन अन्तिम १६ मा

एजेन्सी – इटाली माथि जित हात पार्दै स्पेन यूरो कप २०२४ को अन्तिम १६ मा प्रवेश गरेको छ । बिहीबार राति सम्पन्न खेलमा स्पेनले इटाली माथि १-० को जित निकालेको हो । स्पेनको एकमात्र गोल दोस्रो हाफको सुरुवातमा आत्मघाती गोल रूपमा आएको थियो । खेलको ५५औं मिनेटमा निको विलियम्सको क्रसमा इटालियन डिफेन्डर रिकार्डो कालाफियोरीलाई लागेर […]

June 21, 2024

इङ्ल्यान्डले डेनमार्कसँग अंक बाँड्यो

एजेन्सी – युरो कप २०२४ को आफ्नो दोस्रो खेलमा उपाधि दाबेदार इङ्ल्यान्डले डेनमार्क विरुद्ध अंक बाँडेको छ । फ्रांकफर्ट एरिनामा भएको खेलमा इङ्ल्यान्डले डेनमार्क विरुद्ध १-१ को बराबरी खेल्दै अंक बाँडेको हो । पहिलो खेलमा सर्बिया विरुद्ध १-० को झिनो अन्तरको जित हासिल गरेको इङ्ल्यान्डले डेनमार्क विरुद्ध लिएको अग्रता बचाउन सकेन । १८औं मिनेटमा कप्तान […]

Success

Thank you for your time.