default_image

6 months ago

November 16, 2023

‘हामीले राम्रो तयारी गरेका छौं’ – प्रशिक्षक अनेसे

1036 views

0 Bookmark

काठमाडौं (हाम्रो खेलकुद) – नेपाली राष्ट्रिय फुटबल टोलीका मुख्य प्रशिक्षक भिन्सेन्जो अल्बर्टो अनेसेले फिफा विश्वकप एसिया छनोटको दोस्रो राउण्डमा आज युएईविरुद्धको खेलका लागि तयारी राम्रो रहेको बताएका छन् ।

खेलको पूर्वसन्ध्यामा आयोजित पत्रकार सम्मेलनमा बोल्दै इटालीका मुख्य प्रशिक्षक भिन्सेन्जोले तयारीका बारेमा जानकारी दिए । ‘यूएई हाम्रो समूहको एउटा बलियो टोली हो । तर हामीले पनि राम्रो तयारी गरेका छौ । हाम्रो टोलीमा युवा खेलाडीहरुको बाहुल्यता छ’, उनले भने, ‘रोहित र किरण बाहेक सबै युवा खेलाडी छन् । त्यसैले यो टोलीमा जोश छ।’

प्रशिक्षकले नेपाल युएईको बलियो पक्षबारे राम्ररी जानकार रहेको र सचेत रहेको पनि बताए । ‘प्रशिक्षकको रुपमा धेरै बलिया टोलीहरुसँग खेलेको मसँग अनुभव छ । त्यसैले बलिया टोलीहरुको स्तरबारे जानकार छौं,’ उनले थपे, ‘यूएई पनि राम्रो टोली हो तर हामी तयार छौं ।’

बलियो प्रतिद्वन्द्वी विरुद्धका खेललाई चुनौतिका रुपमा लिने समेत अनेसेले जिकिर गरे । ‘म यसलाई हरेक पटक आउने नयाँ चुनौतीको रुपमा लिन्छु । म उत्साहित पनि छु की बेन्टोजस्ता प्रशिक्षक विरुद्ध मैदानमा आमने सामने हुँदैछु । भोली हामी आफ्नो खेलमा गम्भीर हुनेछौ र उत्कृष्ट प्रदर्शन गर्नेछौ ।’

यस्तै नेपाल दोस्रो चरणमा पुग्ने बारे कसैले विस्वास नगरेको र नेपालले सो उपलब्धि हासिल गरेको समेत उनले बताए ।

दोस्रो चरणको छनोट चरणको पहिलो खेलमा नेपालले युएईसँग खेल्न लागेको हो । खेल नेपाली समय अनुसार रातको ९:३० बजे सुरु हुनेछ । नेपालले त्यसपछि नोभेम्बर २१ मा यमनसँग दोस्रो खेल खेल्न स्वदेश फर्कनेछ ।

May 26, 2024

पिएसजी फ्रेन्च कप च्याम्पियन

एजेन्सी – फ्रेन्च कपको उपाधि जित्दै फरवार्ड केलियन एमबाप्पेले आफ्नाे पेरिस सेन्ट जर्मेन (पिएसजी) बसाईकाे सुखद् अन्त्य गरेका छन्। पिएसजीले शनिबार लियोनमाथि २–१ को जित निकाल्दै उपाधि जित्न सफल भएको हो । पिएसजीका लागि आफ्नाे अन्तिम खेलमा भने एमबाप्पेले गाेल गर्न सकेनन् । पिएसजीका लागि अन्तिम खेल खेलिरहेका केलियन एमबाप्पेले उपाधिसहित क्लबबाट सुखद बिदाई लिएका […]

May 26, 2024

म्यानचेस्टर युनाइटेडलाई‌ एफए कप

एजेन्सी – म्यानचेस्टर युनाइटेडले एफए‌ कपको उपाधि जितेको छ। म्यानचेस्टर सिटीलाई‌ शनिबार २-१ ले हराउँदै युनाइटेडले उपाधि जितेको हो। गत वर्ष युनाइटेडलाई‌ २-१ ले नै हराउँदै सिटीले उपाधि जितेको थियो। युनाइटेडलाई‌ शनिबार जित दिलाउन अलेहान्द्रो ग्रानाचो र कोबी माइनोले गोल गरे। सिटीका जेरेमी डोकुले एक गोल फर्काए । खेलको ३० औं मिनेटमा ग्रानाचोले युनाइटेडलाई अग्रता […]

May 25, 2024

अञ्जनलाई स्पोर्ट्स कम्पनी ३६१ को साथ

काठमाडौं (हाम्रो खेलकुद) – नेपाली राष्ट्रिय फुटबल टोलीका सदस्य अञ्जन विष्टलाई चाइनिज स्पोर्ट्स पोशाक ब्रान्ड कम्पनी ३६१ डिग्रीले प्रायोजन गरेको छ । नेपालको लागि स्पोर्ट्स ब्रान्ड ३६१ का आधिकारिक विक्रेताका प्रमुख कार्यकारी अधिकृत (सिइओ) सरोज कार्की र अञ्जनबीच शनिबार सम्झौतामा हस्ताक्षर गरेका थिए । सम्झौता तीन बर्ष रहने बताइएको छ । कम्पनीले अञ्जनलाई तीन वर्षसम्म […]

Success

Thank you for your time.