8 months ago
November 18, 2023
एजेन्सी – नर्थ म्यासेडोनियामाथि सानदार जित निकाल्दै डिफेन्डिङ च्याम्पियन इटालीले युरो २०२४ मा छनोट हुने सम्भावना बलियो बनाएको छ ।
घरेलु मैदानमा शुक्रबार राति भएको खेलमा नर्थ म्यासेडोनियालाई ५–२ को भारी गोल अन्तरले पराजित गर्दै इटालीले युरोकपमा छनोट हुने सम्भावना बलियो बनाएको हो ।
यस जितले समूह ‘सी’ मा दोस्रो स्थानमा उक्लिएको इटालीको ७ खेलबाट १३ अंक पुगेको छ । समान खेलबाटै युक्रेनको पनि १३ अंक नै छ । अब यि दुई टोलीबीच सोमबार हुने समूह चरणको अन्तिम खेलबाट नै युरो कपमा पुग्ने टोलीको टुंगो लाग्नेछ ।
स्टेडियो ओलम्पिको रोमामा घरेलु टोली इटालीको जितमा फेडरिको चिइसाले दुई तथा, माटियो डरमिएन, जियाकोमो रस्पाडोरी र स्टेफन अल सरावेले समान एक गोल गरे । नर्थ म्यासेडोनियाका जानी एटानासोभले दुवै गोल गरेपनि जितकाे लागि पर्याप्त बनेन।
खेलको १७औं मिनेटमा नै माटियो डरमिएनको गोलबाट इटालीले खेलमा अग्रता लियो । ४०औं मिनेटमा जर्गिनो पेनाल्टीमा चुकेपनि ४१औं मिनेटमा फेडरिको चिइसाले गोल गर्दै इटालीको अग्रता दोब्बर पारे । उनले निकोलो बरेल्लाको पासमा गोल गर्न सफल भएका थिए ।
पहिलो हाफको इन्ज्युरी समयको थप गरिएको दोस्रो मिनेटमा चिइसाले व्यक्तिगत दोस्रो तथा टोलीका लागि तेस्रो गोल गरेपछि इटाली पहिलो हाफमा ३–० ले अघि रह्यो ।
५२औं मिनेटमा जानी एटानासोभले गोल गर्दै खेललाई ३–१ को स्थितिमा ल्याए । ७४औ मिनेटमा जानी एटानासोभले व्यक्तगत दोस्रो गोल गरेपछि खेल ३–२ को रोमाञ्चक स्थितिमा पुग्यो । तर, त्यसपछि इटालीले दुई गोल थप्दै जित पक्का गर्यो ।
८१औं मिनेटमा जियाकोमो रस्पाडोरी र इन्जयुरी समयको थप गरिएको तेस्रो मिनेटमा स्टेफन अल सरावेले गोल गर्दै इटालीलाई सानदार जित दिलाए ।
यो समूहबाट अपराजित रहेको इंग्ल्यान्ड युरो कपमा छनोट भइसकेको छ । एक खेल खेल्न बाँकी रहेको इंग्ल्यान्डले शुक्रबार राति माल्टालाई २–० ले पराजित गरेको छ । इंग्ल्यान्डको ७ खेलबाट १९ अंक पुगेको छ । माल्टा जित र अंकविहीन बनेकोछ । इटालीसँग पराजित नर्थ म्यासेडोनिया ७ अंक जोडेर चौथो स्थानमा छ।
युरो कप २०२४ मा छनोट भएका राष्ट्र
जर्मनी (आयोजक, १४औं पटक), अल्वानिया (दोस्रो पटक), अष्ट्रिया (चौथोपटक), बेल्जियम (सातौं पटक), डेनमार्क (१०औं पटक), इंग्ल्यान्ड (११औं पटक), फ्रान्स (११औंपटक), हंगेरी (पाँचौ पटक), पोर्चुगल (नवौं पटक), स्कटल्यान्ड (चौथौं पटक), स्लोभाकिया (छैटौं पटक), स्पेन (१२औं पटक) र टर्किए (छैटौं पटक)
July 26, 2024
काठमाडौं (हाम्रो खेलकुद) – एएफसी च्यालेन्ज लिग प्लेअफको तयारी गरिरहेको अपि पावर चर्च ब्वाइज युनाइटेडले मैत्रीपूर्ण खेलमा त्रिभुवन आर्मी फुटबल क्लबलाई पराजित गरेको छ । अर्को साताबाट भारतमा सुरु हुने डुरान्ड कपको तयारी गरिरहेको आर्मीको भद्रकाली स्थित मुख्यालयको फुटबल मैदानमा खेलिएको खेलमा पाहुना टोली ३-२ ले विजयी रह्यो । चर्च ब्वाइजका लागि फरवार्ड अन्जनले दुई […]
July 26, 2024
सुशिल पन्त क्षेत्री,चितवन सेन्ट्रल कलेज चितवन जिल्ला ए डिभिजन लिग फुटबलमा शुक्रबार सौराहा युवा समाज र पानस युवा क्लब विजयी भएका छन् । शारदानगरको मैदानमा पहिलो खेलमा सौराहाले गीतानगर ब्वाइजलाई ३-१ ले हरायो । खेलमा सौराहालाई जिताउन सुशील घलानले ३५ औं र ५२ औं मिनेटमा गोल गरे । यस्तै लक्की गायकले २७ औं मिनेटमा गोल […]
July 26, 2024
काठमाडौं (हाम्रो खेलकुद) – ललित स्मृति यु-१८ लिग अन्तर्गत शुक्रवार भएका खेलमा सातदोबाटो युथ क्लब र नेपाल पुलिस क्लब विजयी भएका छन् । एन्फा कम्प्लेक्स सातदोबाटमा भएको दिनको पहिलो खेलमा सातदोबाटोले मनाङ मर्स्याङ्दी क्लब माथि २-० को जित दर्ता गरेको हो । सातदोबाटोका लागि सोनाम छिरिङ गुरुङ र प्रज्वल कार्कीले समान १-१ गोल गरे । […]