कोपा अमेरिका २०२४ को समूह विभाजन सम्पन्न

एजेन्सी – सन् २०२४ मा हुने कोपा अमेरिकाको समूह विभाजन विहीबार सम्पन्न भएको छ । साविक विजेता अर्जेन्टिना समूह ए मा रहँदा ब्राजिल समूह डी मा परेको छ ।

अर्जेन्टिनासँग समूह ए मा पेरु र चिली रहेका छन् । समूह चौथो टोलीमा क्यानडा र ट्रीनिडाड एन्ड टोबेगोमध्य एक टोली हुनेछ । यी दुईले मार्च २३ मा प्लेअफ खेल्नेछन् ।

सोहि दिन अर्को प्लेअफमा कोस्टारिका र होन्डुरसले पनि खेल्दैछन् । यसको विजेता भने समूह डी मा ब्राजिल, कोलोम्बिया र पाराग्वेसँग खेल्नेछन् । सुखद नतिजा निकाल्दै गएको अवस्थामा ब्राजिल र अर्जेन्टिनाको भेट एकैपटक फाइनलमा मात्र सम्भव हुने भएको छ ।

समूह बी मा मेक्सिको, इक्वेडर, भेनेजुएला र जमैका छन् । समूह सीमा आयोजक अमेरिका, उरुग्वे, पानामा र बोलिभिया छन् ।

सबै ४ समूहका शीर्ष २-२ टोलीले क्वाटरफाइनलमा स्थान पक्का गर्नेछ । समूह विजेताले अर्को समूहको उपविजेतासँग खेल्नेछ । जुन २० मा सुटु हुने प्रतियोगिताको फाइनल मायमीमा जुलाई १४ मा हुनेछ ।