default_image

5 months ago

January 28, 2024

आर्मीसँग साविक विजेता संकटा पराजित

1848 views

0 Bookmark

पोखरा (हाम्रो खेलकुद)- त्रिभुवन आर्मी फुटबल क्लब पोखरामा जारी आहा! रारा पोखरा गोल्डकप फुटबल प्रतियोगिताको सेमिफाइनलमा प्रवेश गरेको छ।

साविक विजेता संकटा क्लबलाई आइतबार ३-० ले हराउँदै आर्मी अन्तिम चारमा पुगेको हो। पोखरा रंगशालामा भएको खेलमा‌ आर्मीलाई जित दिलाउन दिनेश हेन्जन २ र जिलेस्पीजंग कार्कीले १ गोल गरे।

पहिलो हाफको अन्तिम मिनेटमा जिलेस्पीले गोल गर्दे टोलीलाई अग्रता दिलाए। आर्मीका कप्तान भरत खवासको क्रसमा अनमार्क रहेका जिलेस्पीले हेडमार्फत गोल गरेका हुन् ।

४९ औं मिनेटमा आर्मीले पेनाल्टीमा गोल गर्दै अन्तर दोब्बर पार्यो । दिनेशले पेनाल्टीमा गोल गरे। दिनेशको‌ प्रहारमा संकटाका कुलिदप कार्कीले ह्याण्ड भएपछि आर्मीले पेनाल्टी पाएको हो ।

दिनेशले टोलीका लागि तेस्रो गोल ७६ औं मिनेटमा गोल थपे। जिलेस्पीको पासमा उनले गोल गरेका‌ हुन् ।

संकटाले सिधै बाइ पाएर क्वाटरफाइनलमा खेलेको हो भने आर्मीले पहिलो खेलमा राइजिङ स्टारलाई‌ पराजित गर्दै अन्तिम आठमा पुगेको थियो। ४ पटक फाइनल खेलेको आर्मीले अहिलेसम्म आहा रारा गोल्डकप जितेको छैन । दुई पटकको विजेता संकटा यसपटक पहिलो खेलमै पराजित भएको छ ।

आर्मीले अब सेमिफाइनलमा नेपाल पुलिस क्लब र चर्च ब्वाइज युनाइटेड क्लबको विजेतासँग माघ १८ गते खेल्नेछ। थ्री स्टार भुटानको पारो एफसीलाई हराउँदै शनिबार सेमिफाइनलमा पुगेको थियो।

सहारा क्लब पोखराको आयोजनामा जारी प्रतियोगिताको तेस्रो क्वाटरफाइनलमा सोमबार दुई ए डिभिजन टोली मनाङ मस्र्याङ्दी क्लब र जावलाखेल युथ क्लबबीच हुनेछ ।

जावलाखेल अर्को ए डिभिजन टोली मछिन्द्र क्लबलाई १-० ले हराउँदै क्वाटरफाइनलमा पुगेको थियो। मनाङले सिधै क्वाटरफाइनलमा मौका पाएको थियो।

आहा रारा गोल्डकपको २३ औं संस्करणको विजेताले उपाधिसहित १२ लाख १ हजार र दोस्रो हुने टोलीले ६ लाख १ हजार रुपैयाँ प्राप्त गर्नेछ ।

आर्मी ३-० ले जितेको हुनुपर्नेमा अन्यथा भएकोमा सच्चाइएको छ।

June 20, 2024

जर्मनी युरो कपको अन्तिम १६ मा पुग्ने पहिलो टोली

एजेन्सी – आयोजक जर्मनी युरो कप २०२४ को अन्तिम १६ मा पुग्ने पहिलो टोली बनेको छ । बुधवार भएको समूह चरणको आफ्नो दोस्रो खेलमा हंगेरी माथि २-० को जित दर्ता गर्दै जर्मनी दोस्रो चरणमा प्रवेश गरेको हो । जर्मनीका लागि जमाल मुसियाला र इलकाय गुन्डोगानले समान १-१ गोल गरे । २२औं मिनेटमा गुन्डोगानकै पासमा गोल […]

June 19, 2024

अल्बानिया र क्रोएसियाको रोमाञ्चक बराबरी

एजेन्सी – हारको संघारमा रहेको अवस्थामा अन्तिम समयमा गोल गर्दै अल्बानियाले क्रोएसिया विरुद्ध यूरो कप २०२४ मा रोमाञ्चक बराबरी खेलेको छ । समूह बी अन्तर्गत आ-आफ्ना दोस्रो खेलमा अल्बानिया र क्रोएसियाले २-२ को बराबरी खेलेका हुन् । खेलको सुरुवाती समयमा नै अग्रता लिएको अल्बानियाले दोस्रो हाफमा दुई मिनेटको अन्तरालमा दुई गोल खाँदै पछि पर्न पुगेको […]

June 19, 2024

डलासमा एनएसटी किड्स समर क्याम्प सुरु 

डलास (हाम्रो खेलकुद) – रुम्बा एकेडेमी र डिएफडब्लु हिमालयको सहकार्यमा एनएसटी किड्स समर क्याम्पले ४ देखि १५ वर्षका बालबालिकाहरूका लागि एक महिना लामो फुटबल प्रशिक्षण कार्यक्रम औपचारिक रूपमा सुरु गरेको छ। हरेक आइतबार र मंगलबारदेखि बेलुका ४:३० बजे देखि दिनको १ घण्टा यो पहलले समुदायमा नेपाली बालबालिका र युवाहरूको फुटबल कौशललाई प्रेरित गर्ने र विकास गर्ने […]

Success

Thank you for your time.