दिपक बोहोरा

झापा –  झापामा जारी रमपम झापा गोल्ड कप अन्तरगत सोमबारको खेलमा ३ बर्ष पछि घरेलु फुटबलमा फर्केको हिमालयन शेर्पा क्लबले एपिएफ क्बललाइ ट्रइबेकरमा ३–२ गोल अन्तरले हराउदै हिमालयन शेर्पा क्लब रमपम झापा गोल्डकपको सेमिफाइनलमा प्रबेश गरेको छ ।

फोटो: सुरेन दाहाल

अघिल्लो महिना काँकरभित्तामा मेचि नेत्रालय काँकरभित्ता गोल्ड कपमा झापा ११ संग पराजित भएको हिमालय शेर्पा क्लब त्यसको भोलि पल्टनै पाँचथरमा भएको फाल्गुनन्द गोल्ड कपमा पनि पराजित भएको थियो । आजको जितसंगै पुर्वमा हिमालयन शेर्पा क्लबको पराजयको यात्रा टुङगीएको हो ।

पहिलो हाफ गोल रहित बराबरमा सकिएको खेलमा ५५ औ मिनेटमा एफिएफका युब राज खड्काले हेड बाट उत्कृष्ट गोल गर्दा एपिएफले अग्रता लिएको थियो । ७५ औ मिनेटमा पुन युब राज खड्काले गोल गर्दै आफ्नो टिमको अग्रता दोब्बर पारेका थिए । तर खेलको ८७ औ मिनेटमा हिमालयनका सुनिल बलले गोल गर्दै अग्रता घटाएका थिए । त्यसको १ मिनेट पछि हिमालयनका निशान लिम्बुले गोल गर्दै खेल २ को बराबरीमा पुराएका थिए । निर्धारीत समयमा २ गोलको बराबरी भए पछि खेलमा २० मिनेट थपिएको थियो ।

थपिएको समयमा पनि दुबै टिमबाट कुनै गोल नभए पछि खेल ट्राइबेकरमा धकेलीएको थियो । ट्रइबेकरमा एपिएफका सुदिप शिखाकारको प्रहार हिमालयनका किपर किशोर गिरीले सेभ गरेका थिए भने एपिएका कप्तानको प्रहार बारमा लागेर फकिएको थियो । सन्तोष कटुबालको प्रहार पनि गिरीले बचाएका थिए । एपिएफका राजेन्द्र राबल र नबिन लामा ले गोल गरेका थिए । हिमालयनको लागी भने हेमन गुरुङ, निराजन खङका ,निशान लिम्बुले गोल गरे । भने भुपाल गुरुङ र सुनिल बलल गोल गर्न सफल भएनन ।

हिमालयन शेर्पा क्लबले सेमिफाइनलमा आयोजक झापा ११ र सुदुर पश्चिमको बिजेता संग माग २१ गते खेल्ने छ । आजको खेलमा हिमालयन शेर्पा क्लबका किपर किशोर गिरी म्यान अफ दि म्याच घोषित भए । उनले नगद रु ७ हजार प्राप्त गरे ।

झापा गोल्डकपमा भोलिको खेल

-रुपन्देहि ११ बिरुद्ध त्रिभुवन आर्मि क्लब