दिपक बोहोरा
झापा – विभागिय टोली त्रिभुवन आर्मी क्लब झापामा जारी दोस्रो रमपक गोल्डकप फुटबल प्रतियोगिताको सेमिफाइन्लमा पुगेको छ । झापाको डोमालाल रंगशालामा मंगलबार रुपन्देही ११ लाई २–० ले हराउँदै आर्मीले अन्तिम चारको यात्रा तय गरेको हो ।
पहिलो हाफमा गोलरहित बराबरीमा सकिएको खेलमा दोस्रो हाफमा राष्ट्रिय टोलीका स्ट्राइकरद्वय नवयुग श्रेष्ठ र भरत खवासले गोल गरेपछि आर्मीको जित निश्चित भएको थियो ।
६० औं मिनेटमा नवयुगले पहिलो गोल गरे । त्यस्तै भरतले ७१ औं मिनेटमा गोल गरेपछि टुबोर्ग हेटौडा गोल्डकप फुटबल प्रतियोगिताको विजेता आर्मी सेमिफाइनल पुगेको हो । हेटौंडामा उपाधि जितेपछि सुदूरपश्चिमाञ्चल र पोखराको आहा रारा गोल्डकपमा सेमिफाइनल भन्दा अघि बढ्न नसकेको आर्मी पूर्वाञ्चल पुगेको हो ।
पहिलो हाफमा निकै राम्रो खेल प्रर्दशन गरेको रुपन्देहिले दोश्रो हाफमा निरन्तरता दिन नसक्दा पराजित हुन पुग्यो । जित संगै सुरुङगा गोल्ड कपमा रुपन्देहि संग हारको बदला लिन आर्मी सफल भयो । त्रिभुबन आर्मीले माघ २२ गते एनआरटी र लक्ष्मी हुन्डाई मनाङ मस्याङ्दीबीचको विजेतासँग सेमिफाइनल खेल्नेछ ।
झापा गोल्ड कप फुटबल प्रतियोगितामा बुधबारको खेल
रमपम झापा ११ विरुद्ध सुदूरपश्चिम फुटबल क्लब
