एजेन्सी – क्रिस्टियानो रोनाल्डो इतिहासमा ६ वटा युरो कप खेल्ने हुने पहिलो खेलाडी बन्ने भएका छन् ।

रोनाल्डोले आज राति चेक रिपब्लिक विरुद्ध पोर्चुगलको युरोको पहिलो खेल खेलेमा युरोको‌ ६ वटा संस्करण खेल्ने पहिलो खेलाडी बन्ने कीर्तिमान बनाउनेछन् । 

उनले देशका लागि हालसम्म २ सय ८ खेलमा कीर्तिमान १ सय ३० गोल गरेका छन्। रोनाल्डोले उमेर बढ्दै जाँदा पनि सन्न्यास लिने संकेत देखाएका छैनन् । अल-नासरमा आबद्ध फरवार्ड रोनाल्डोले जर्मनीमा टोलीको नेतृत्व गर्नका साथै गोल र सफलताको कीर्तिमान थप्न प्रयास गर्नेछन्।

रोनाल्डो सम्मिलित टोली सन् २०१६ को युरो कप फाइनलमा आयोजक फ्रान्सलाई हराएर च्याम्पियन बनेको थियो । रोनाल्डोले २००४ मा ग्रिससँग समूह चरणमा २-१ ले पराजित हुँदा पोर्चुगलका लागि पहिलो अन्तर्राष्ट्रिय गोल गरेका थिए । 

रोनाल्डोले युरोपियन च्याम्पियनसिपमा कुल १४ गोल गरेका छन् । जुन प्रतियोगिताको इतिहासमा कुनै पनि खेलाडीको सबैभन्दा धेरै गोलसंख्या हो ।

३९ वर्षिय रोनाल्डो यसअघि २००४, २००८, २०१२, २०१६ र २०२१ संस्करणमा पोर्चुगलको टोलीमा थिए । रोनाल्डो र स्पेनका पूर्व कप्तान इकर कासिलास मात्र पाँच संस्करण खेल्ने खेलाडी हुन्। कासिलास २०००, २००४, २००८, २०१२ र २०१४ मा स्पेनको टोलीमा थिए । यद्यपि, कासिलासले २००० वा २०१६ मा एक खेल पनि खेलेनन् ।

कासिलाससम्मिलित स्पेनले २००८ मा दोस्रो र २०१२ मा तेस्रो पटक युरो कप उपाधि जितेको थियो। २६ खेलाडीले ४ संस्करणको युरो कप खेलेका छन् ।