एजेन्सी – युरो कप २०२४ को नकआउट चरण आजदेखि सुरु हुँदैछ । अन्तिम १६ चरण अन्तर्गत आज दुई खेल हुँदै छन् ।

नेपाली समूह अनुसार ९:४५ बजे बर्लिनमा हुने पहिलो प्रिक्वाटरफाइनलमा स्विट्जरल्यान्ड र इटाली भिड्ने छन् । दुवै टोलीले आ-आफ्ना समूहमा दोस्रो स्थान हासिल गरेका थिए ।

स्विट्जरल्यान्ड समूह ए को उपविजेता बनेको थियो। पहिलो खेलमा हंगेरी विरुद्ध ३-१ को जित हासिल गरेको स्विट्जरल्यान्डले दोस्रो खेलमा स्कटल्याण्ड र तेस्रो खेलमा जर्मनीसँग समान १-१ को बराबरी खेलेको थियो ।

उता इटाली समूह बि मा दोस्रो रहेको थियो । अल्बानिया विरुद्ध २-१ को जितपछि स्पेन विरुद्ध १-० ले पराजित इटालीले अन्तिम खेलमा क्रोएसियासँग १-१ को बराबरी खेलेको थियो । अन्तिम खेलमा इन्ज्युरी समयको आठौ मिनेटमा इटालीले बराबरी गोल गरेको थियो ।

त्यस्तै आजै हुने दोस्रो प्रिक्वाटरफाइनलमा घरेलु टोली जर्मनी र डेनमार्कबीचको खेल राति १२:४५ बजे सुरु हुनेछ । जर्मनी समूह ए को विजेता रहेको थियो । जर्मनीले स्कटल्याण्डलाई ५-१ र हंगेरीलाई २-० ले पराजित गरेको थियो । तेस्रो खेलमा भने जर्मनी स्विट्जरल्यान्ड विरुद्ध १-१ को बराबरीमा रोकिएको थियो ।

डेनमार्क समूह सि को उपविजेता हो । डेनमार्कले समूहमा इङ्ल्यान्ड, स्लोभेनिया र सर्बियासँगको तीन वटै खेलमा बराबरी खेलेको थियो । स्लोभेनियासँग गोलअन्तर र प्रहार गरेको गोल भएपछि पाएको पहेंलो कार्डका आधारमा डेनमार्क दोस्रो भएको थियो ।