आर्मी गोवासँग खेल्दै

काठमाडौं (हाम्रो खेलकुद) – त्रिभुवन आर्मी फुटबल क्लबले भारतमा जारी डुरान्ड कपमा‌ आफ्नो दोस्रो खेल आज खेल्दैछ ।

समूह एफ मा रहेको आर्मीले दोस्रो खेलमा गोवा फुटबल क्लबको सामना गर्दैछ । आर्मी र गोवा बीचको खेल नेपाली समयअनुसार साँझ ७ः१५ बजे जवाहर लाल नेहरु स्टेडियममा हुनेछ ।

आर्मी र गोवा दुवैको प्रतियोगितामा यो दोस्रो खेल हो । आर्मीले पहिलो खेलमा सिलाङ लाजोङसँग १-० ले पराजित भएको थियो ।

गोवाले पहिले खेलमा रंगदाजिद युनाइटेड फुटबल क्लबमाथि १-० को जित निकालेको थियो । आर्मीले समूह चरणको अन्तिम खेल साउन २९ गते रंगदाजिदसँग खेल्नेछ ।

आर्मी प्रतियोगिताको‌ अघिल्लो चरणमा पुग्नका लागि आजको खेल जित्नै पर्ने हुन्छ। उता, गोवा यो खेलमा जित निकाल्दै अर्को चरण प्रवेशको सम्भावना बलियो बनाउन चाहन्छ ।

लिग चरणपछि हरेक समूहको विजेताले नकआउटमा पुग्नेछन् । त्यस्तै ६ समूह मध्येबाट उत्कृष्ट २ उपविजेता टोली क्वाटरफाइनलमा प्रवेश गर्नेछन् । प्रतियोगिताको फाइनल‌ भदौ १५ गते हुनेछ ।