सुजन स्मृति फुटबलको १५ औं संस्करण हुने

काठमाडौं (हाम्रो खेलकुद) – समाज कल्याण खेलकुद केन्द्रको आयोजनामा हुँदै आएको सुजन स्मृति ६-ए साइड फुटबल प्रतियोगिता को १५औं संस्करण कार्तिक पहिलो साता हुने भएको छ ।

क्लबका पुराना खेलाडी सुजन गिरीको स्मृतिमा प्रतियोगिता आयोजना हुँदै आएको छ । यस वर्ष ३२ देखि ४० टोलीको सहभागिता रहने अपेक्षा क्लबले राखेको छ । नकआउट पद्दतिमा हुने प्रतियोगिताको विजेताले १ लाख र उपविजेताले ५० हजार रुपैयाँ प्राप्त गर्नेछन् । व्यक्तिगत विधातर्फ पनि पुरस्कार राखिएको छ ।

क्लबका उदीयमान खेलाडी गिरीले देशभरका विभिन्न चर्चित प्रतियोगिताहरूमा आफ्नो प्रतिभा र खेलकुद देखाउनेहरूमध्ये हाम्रो क्लब प्रतिनिधिहरू मध्ये एक थिए । उनले मनाङ मर्स्याङ्दी क्लबको टिम कप्तानको रुपमा लगातार दुई वर्ष जुनियर ‘ए’ डिभिजन लिग २०६२ र २०६३ मा खेलेका थिए ।