एजेन्सी – स्पेनिश क्लब बार्सिलोनाले मगंलबार राति भएको युइएफा च्याम्पियन्स लिग अन्तर्गत राउण्ड अफ १६को पहिलो लेगको खेलमा पेरिस सेन्ट जर्मेनसंग ४-०को फराकिलो हार व्येहोरेको छ।
खेलको १८औं मिनेटमा एन्जेल डि मारियाले गोल गर्दै पिएसजीलाई अग्रता दिलाएका थिए। ४०औं मिनेटमा जनवरीमा क्लब आएक जुलिएन ड्र्यक्सलरले गोल गर्दै अग्रता दोब्बर पारे।
दोश्रो हाफमा पनि घरेलु टोलीले आफ्नो आक्रमक खेल जारी राख्यो र डि मारियाले पुन: गोल गरे। रियल म्याड्रिड र म्यानचेस्टर युनाइटेडको जर्सी पहिरिसकेका डि मारियाले ५५औं मिनेटमा स्कोर ३-० बनाएका थिए। एडिन्सन कभानीले ७२औं मिनेटमा गोल गर्दै जित सुनिश्चित पारेका थिए।
खेलभर जम्मा एक प्रहार मात्र पोष्टमा बनाएको बार्साले निकै खराब प्रदर्शन गरेको थियो। मेस्सी, नेयमार र सुआरेज तिनै खेलाडीको प्रदर्शन कमजोर रहेको खेलमा घरेलु टोलीले भने उत्कृष्ट खेल पस्केको थियो।
उपाधिको लागि दावेदारको रुपमा हेरिएको बार्सालाई यस हारले प्रतियोगिताबाटै बाहिरिने निश्चितप्राय देखिएको छ।
