धरान (हाम्रो खेलकुद) – आयोजक धरान पहेलोलाई नाटकिय रुपमा हराउदै नेपाल पुलिस क्लव धरानमा जारी १९औं अन्र्तराष्ट्रिय आमन्त्रण रेडबुल बुढासुब्बा गोल्डकप फुटवल प्रतियोगिताको क्वाटर फाइनल प्रबेश गरेको छ ।
शुक्रवार धरान १७ स्थित एन्फा टेक्निकल सेण्टरको खेल मैदानमा भएको खेलमा पुलिसले आयोजक ‘पहेलो’ लाई सडेन डेथमा १०–९ले हराएको हो । निर्धारित समयको खेलमा १–१ गोलको बराबरी भएपछी खेलको निर्णय टाइ ब्रेकरबाट भएको थियो । यो जित संगै पुलिसले क्वाटर फाईनलका लागि युनाईटेड सिक्किम फुटवल क्लवसंग भेट पक्का गरेको छ ।
पुलिस विरुद्ध खेलको सुरुवातदेखि नै आक्रमक रुपमा प्रस्तुत भएको धरानले खेलको १६ औं मिनेटमा फ्रिकिक मार्फत योगेश राईले गोल गरेका थिए । पुलिसका मानबहादुर परियारले धरानका तिर्थ बस्नेतलाई फल गरेपछी धरानले फ्रिकिक हान्ने अबसर पाएको थियो ।
पहिलो हाफमा १–० गोलले पछी परेको पुलिस दोस्रो हाफमा भने खेलमा फर्किएको थियो । खेलको इन्जुरी समयको ४० सकेण्ड बाकि रहदा पुलिसका विक्रम धिमालले धरान विरुद्ध गाल गर्दै खेललाई १–१ गोलको बराबरीमा पुर्याएका थिए ।
ट्राईबेकरमा समेत दुबै टोलीले ५–५ गोल गरेपछी टाइ ब्रेकर सडेन डेथमा धकेलिएको थियो । सडन डेथमा ५–४ गोलको नजिता निकालेको पुलिसले सेफिफाइनलमा स्थान पक्का गरेको हो ।
ट्रईबेकरमा पुलिसका अजित भण्डारी, तेज तामाङ, बुद्ध लामा, जुमानु राई, अभिशेक रिजाल, निरकुमार राई, भोला सिलवाल, हेम तामाङ, मान बहादुर परियार र विक्रम धिमालले पेनाल्टी सुटबाट गोल गरेका थिए ।
धरानका दोर्जे तामाङ, विनोद राई, रिवस मास्के, जोशन राई, योगेश राई, मनोज राई, रोमन लिम्बु, तिर्थ बस्नेत, हेम लिम्बुले मात्र गोल गरे भने विभेक राईको पेनाल्टी सुट पुलिसका गोल रक्षक रोशन खड्काले नियन्त्रणमा लिएका थिए ।
प्रतियोगिताको ‘म्यान अफदि म्याच’ धरान फुटवल क्लवका हेम लिम्बु घोषित भए । उनले नगद ५ हजार पुरस्कार प्राप्त गरेका छन् ।
धरानका प्रशिक्षक सुवास केसीले प्राप्त उपलब्धी सदुपयोग गर्न नस्क्नु र खेलको अन्तिम समयमा समालिन नसक्दा पराजित हुनु परेको बताए । पुलिसका प्रशिक्षक कुमार कट्वालले खेलाडिले राम्रोसंग खेल प्रस्तुत गर्न नसक्दा धरान विरुद्ध कठिन जित हासिल गरेको बताए ।
भोलीको खेल काकडभिट्टा टेर्निङ सेण्टर झापा र उदयपुर गोल्डकप विजेता रुपन्देही ११ विच हुने भएको छ ।
