7 years ago
February 22, 2017
धरान (हाम्रो खेलकुद)– अनिल गुरुङको उच्च प्रदर्शनबाट प्रेरित सिएमजी क्लब संकटा धरानमा जारी १९ औं बुढासुब्बा रेडबुल गोल्डकप फुटबल प्रतियोगिताको फाइनलमा पुगेको छ । रुपन्देही ११ लाई २–१ ले हराउँदै संकटा उपाधि नजिक पुगेको हो । संकटाका लागि दुवै गोल अनिलले गरेका हुन् । अनिलले खेल सकिन ९ मिनेट अघि गरेको गोल खेलको निर्णायक बनेको […]
धरान (हाम्रो खेलकुद)– अनिल गुरुङको उच्च प्रदर्शनबाट प्रेरित सिएमजी क्लब संकटा धरानमा जारी १९ औं बुढासुब्बा रेडबुल गोल्डकप फुटबल प्रतियोगिताको फाइनलमा पुगेको छ । रुपन्देही ११ लाई २–१ ले हराउँदै संकटा उपाधि नजिक पुगेको हो । संकटाका लागि दुवै गोल अनिलले गरेका हुन् ।
अनिलले खेल सकिन ९ मिनेट अघि गरेको गोल खेलको निर्णायक बनेको थियो । त्यसअघि अनिलकै गोलमा संकटाले २३ औं मिनेटमा अग्रता लिएको थियो । ४३ औं मिनेटमा दीपक राईले बराबरी गोल गर्दै रुपन्देहीलाई खेलमा फर्काएका थिए । अनिल खेलको म्यान अफ दी म्याच घोषित भएका थिए । संकटाले शनिबार आयोजक धरान फुटबल क्लब र नेपाल पुलिस क्लबको विजेतासँग फाइनल खेल्नेछ ।
पछिल्लो दुई सातामा एक एक नकआउट उपाधि जितेका संकटा र रुपन्देहीले बुधबार एक अर्काविरुद्ध उत्रेका थिए ।
संकटाले त्रिभुवन आर्मीलाई हराउँदै माघ २९ गते रुस्लान आठौं सिमरा गोल्डकपको उपाधि जितेको थियो । त्यसको ३ दिन पछि (फागुन ३) गते रुपन्देहीले रमपम चौथो उदयपुर गोल्डकप प्रतियोगिताको उपाधि उचालेको थियो । रुपन्देहीले मोफसलको अर्को टोली मोरङ फुटबल क्लबलाई हराएको थियो । संकटा उदयपुर गोल्डकपमा सेमिफाइनलमा रोकिएको थियो ।
जारी बुढा सुब्बामा संकटाले पहिलो खेलमा भारतको दुर्गापुर कोलकातालाई ३–२ ले हराएको थियो भने क्वार्टरफाइनलमा एपिएफलाई १–० ले निराश पारेको थियो । अर्काे तिर सोझै क्वार्टरफाइनलमा प्रवेश पाएको रुपन्देहीलाई काँकरभिट्टा फुटबल टे«निङ सेन्टरलाई टाइब्रेकरमा हराएर अन्तिम चारको यात्रा सुरक्षित गरेको थियो ।
बुढासुब्बा रेडबुल गोल्डकपमा बिहीबारको दोस्रो सेमिफाइनल
धरान फुटबल क्लब निलोविरुद्ध नेपाल पुलिस क्लब
April 20, 2024
एजेन्सी – म्यानचेस्टर सिटीका नर्वेली फरवार्ड एर्लिङ ब्राउट हालान्डले चेल्सीविरुद्ध हुने एफए कपको सेमिफाइनल गुमाउने सम्भावना बढेको छ । एफए कपको सेमिफाइनलमा आज राति सिटीले चेल्सीसँग वेम्वली स्टेडियममा प्रतिस्पर्धा गर्दैछ । बुधबार च्याम्पियन्स लिगको क्वाटरफाइनलको दोस्रो लेगमा रियल म्याड्रिडसँग टाइब्रेकरमा ४–३ पराजित हुँदा समस्या देखिएपछि हालान्डलाई अन्तिम समयमा परिवर्तन गरिएको थियो । सिटीका प्रशिक्षक पेप […]
April 20, 2024
एजेन्सी – सेनेगली फरवार्ड साडियो मानेको उच्च प्रदर्शनमा अल नासरले साउदी प्रो लिगमा सानदार पूनरागमन जित निकालेको छ । घरेलु मैदानमा १-० ले पछि परेको स्थिति उल्ट्याएर अल नासरले अल फयामाथि ३-१ को सानदार पूनरागमन जित दर्ता गरेको हो । अल नासरको जितमा साडियो मानेले २ तथा अब्दुलेह अल एम्रीले १ गोल गरे । अल […]
April 19, 2024
एजेन्सी – विश्व फुटबलमा सर्वाधिक चर्चित र बढी हेरिने इंग्लिस प्रिमियर लिगका टोलीहरु यसपल्ट युरोपेली क्लब फुटबलको सबैभन्दा ठुलो युइएफए च्याम्पियन्स लिग र युरोपा लिगको क्वाटरफाइनलबाटै बाहिरिएका छन् । यससँगै २१औं शताब्दीमा तेस्रोपटक इङ्ल्यान्डका कुनैपनि टोली च्याम्पियन्स लिग र युरोपा लिगको सेमिफाइनलमा पुग्न असफल भएको हो । यसअघि इंंग्लिस टोली सन् २००२–०३ र २०१४–१५ को […]