काठमाडौं (हाम्रो खेलकुद) – जेनिथ एकेडेमी र विनायक शिक्षा निकेतन दोस्रो अन्तरस्कुल मध्यपुर थिमी नगरपालिका कप फुटबल प्रतियोगिताको उपाधिका लागि भिड्ने भएको छन् । थिमी मैदानमा बिहीबार जेनिथले नवरत्न स्कुल र विनायकले सुप्रिम एकेडेमी लाई समान २–१ ले हराउँदै एक अर्कासँगको भेट पक्का गरेका थिए ।
रोधन गुरुङको निर्णायक गोलमा जेनिथ विजयी भएके थियो । सुनिल तिमल्सिनाले १८ औं मिनेटमा गोल गर्दै जेनिथलाई अग्रता दिलाएपनि नवरत्नका राज प्रजापतिले ३१ औं मिनेटमा बराबरी गोल गरेका थिए । रोधनले ६० औं मिनेटमा गरेको गोल निर्णाय बनेको थियो । जेनिथका सुनिल खेलको म्यान अफ दी म्याच बने ।
अर्को खेलमा सुप्रिमका लागि रिकेश थापाले पहिलो मिनेटमा गोल गरेपनि टोलीले अग्रता जोगाउन सकेन । तेस्रो मिनेटमै सुनिल योञ्जनले विनायकका लागि बराबरी गोल फर्काए । २३ औं मिनेटमा रामकुमार बुढाथोकीले गरेको गोल विनायकका लागि निर्णायक बन्यो । रामकुमार खेलको म्यान अफ दी म्याच बने ।
मध्यपुर युथ एसोसिएनको आयोजना र मध्यपुर थिमी नगरपालिकाको मुख्य प्रायोजनमा जारी प्रतियोगिताको फाइनल शनिबार हुनेछ । प्रतियोगिताको विजेताले ३० र दोस्रो हुने टोलीले १५ हजार रुपैयाँ प्राप्त गर्नेछन् । 
