पोखरा (हाम्रो खेलकुद) – रेडियो बाराहीले सञ्चालन गरेको आहा रारा गोल्डकप विशेष कार्यक्रमका बम्पर पुरस्कारका विजेतालाई आइतबार पुरस्कृत गरिएको छ । घाचोक–२ का विष्णु पोखरेलले उक्त कार्यक्रममा भाग्यमानि श्रोताका रुपमा बम्पर पुरस्कार जितेका थिए । पोखरेलले १० हजार रुपैयाँ प्राप्त गरे ।

रेडियो बाराहीमा आइतबार आयोजित कार्यक्रमा प्रायोजक मुक्तिनाथ विकास बैकका पोखराका प्रमुख बाबुराम ढकाल, रेडियोका कार्यकारी निर्देशक रमेश पौडेल, स्टेनम म्यानेजर गोविन्द सुबेदी, खेलकुद कार्यक्रम संयोजक विनोद लामिछाने, मुक्तिनाथ विकास बैंकका कम्पनी सचिव दण्डपानी ढकाल लगायतले विजेता पोखरेललाई पुरस्कृत गरे ।
मुक्तिनाथका प्रमुख ढकालले रेडियो बाराहीको आग्रह तथा खेलकुद कार्यक्रमको प्रोत्साहनका लागि सहयोग गरेको बताए । रेडियोका कार्यकारी निर्देशक पौडेलले रेडियोले समयको माग अनुसार सान्दर्भिक कार्यक्रमहरु सञ्चालन गर्दै आएको बताए ।
कार्यक्रम प्रस्तोता विनोद लामिछानेले कार्यक्रममा कार्यक्रममा प्राप्त एसएमएसमध्ये ८ हजार ६ सय ६४ विजेता श्रोताबाट एकजना भाग्यमानी श्रोतालाई गोलाप्रथामा छनोट गरिएको बताए ।
कार्यक्रममा कूल १८ हजार एसएमएस भोट प्राप्त भएको पनि लामिछानेले बताइएको छ । माघ ५ देखि १६ गतेसम्म पोखरा रंगशालामा सञ्चालित आहा रारा गोल्डकप फुटबल प्रतियोगिताको उपाधि लक्ष्मी हुन्डाई मनाङ मस्याङ्दी क्लबले जितेको थियो ।