एजेन्सी – यो सिजनको स्पेनिस ला लिगा समापनको संघारमा छ । तर, उपाधि जित्ने टोलीको छिनोफानो भइसकेको छैन । इंग्लिस प्रिमियर लिग, जर्मन बुन्डेस लिगा र फ्रेन्च लिग वानले यो सिजनको च्याम्पियन पाइसकेको छ ।

यस्तोमा आज राति ‘एल क्लासिको’ मा क्याटलान क्लब बार्सिलोना र रियल म्याड्रिड आमाने–सामाने हुँदैछन् । यो खेल बार्सिलोनाको मैदानमा आज राति ८ बजे हुनेछ ।

आज हुने एल क्लासिकोले ४ अंकको मात्रै फरक रहेको स्पेनिस ला लिगाको उपाधि दौडमा ठूलो प्रभाव पार्न सक्नेछ । यो सिजनमा रियल र बार्सिलोनाको यो चौथो भेट हो । यसअघिको तीनै भेटमा बार्सिलोना विजयी भएको छ ।

उपाधि निर्णायक

एल क्लासिको प्रतिक्षित खेल हो । क्लासिकोको विश्व फुटबलको ध्यान खिच्नेछ । सधैं फुटबलको सबैभन्दा महत्वपूर्ण खेलहरू मध्ये एक हो । बार्सिलोना र रियलबीचको यो प्रतिस्पर्धाले धेरै कुराहरू निर्भर गर्दछ ।

बार्सिलोनाको जितले अनिवार्य रूपमा हान्सी फ्लिकको टोलीलाई च्याम्पियन बनाउनेछ । यद्यपि, रियलको जितले ला लिगाको उपाधि दौडलाई थप रोमाचक बनाउने छ । डिफेन्डिङ च्याम्पियनले आँफुलाई १ अंकमा छोट्याउनेछ ।

सिजनको ४ खेल मात्र बाँकी रहँदा, दुवै टोलीलाई गल्ती गर्ने छुट छैन । रियलभन्दा बार्सिलोना केही बलियो देखिएको छ । तर, गत मंगलबार राति च्याम्पियन्स लिगमा इन्टर मिलानसँग १ सय २० मिनेट खेलेपछि बार्सिलोनालाई केही थकान हुनेछ ।

बार्सिलोनाले गत महिना रियललाई रोमाञ्चक कोपा डेल रेको फाइनलमा पराजित गरेको थियो । क्याटलान क्लबले यस सिजनको सुरुमा सान्टियागो बर्नाबेउमा सुपरकोपा र ला लिगामा रियललाई नमिठो हार चखाइसकेको छ । यस्तोमा बार्सिलोना अझै आशावादी रहँदा रियल त्यसबाट उम्कने प्रयासमा हुनेछ ।

रियलले हान्सी फ्लिकको उच्च रक्षात्मक रेखालाई पछाडि पार्न सक्दो प्रयास गर्नेछ । कोपा डेल रेमा हारको बावजुद रियलले बर्सिलोनाविरुद्ध कसरी खेल्ने भन्ने तथ्य फेला पारिसकेको छ ।

यसअघि बार्सिलोनाको अफसाइड ट्यापले रियललाई धेरै समस्यामा पारेको थियो । स्पेनको यि दुई ‘बिग टु’ बीचको ब्लकबस्टर भिडन्त निकै रोमाचक र प्रतिस्पर्धात्मक हुने अपेक्षा गरिएको छ ।

मुख्य खेलाडी

१७ वर्षीय लामिन यामल अहिले विश्वकै उत्कृष्ट खेलाडी हुन् । मंगलबार इन्टरले किशोरलाई चुप लगाएपनि यस सिजनमा उनले ला लिगामा १८ गोलको योगदान दिएका छन् । उनी कुनै पनि समयमा खेल जित्ने क्षण उत्पादन गर्न सक्षम छन् ।

राफिन्हाको बारेमा पनि त्यस्तै भन्न सकिन्छ जसको नाममा २५ गोल योगदान छ । यि जोडीले पेनाल्टी क्षेत्र भित्र र वरपर गोलको खतरा सिर्जना गर्नुसँगै गोल गर्न सक्छन् ।

मिडफिल्डमा पेड्री बार्सिलोनाको लागि मुटु नै हुनेछन् जहाँ ड्यानी ओल्मो, फर्मिन लोपेज, फ्रेंकी डे जोङ र गावीसँगै मिडफिल्डमा खेल्न प्रतिस्पर्धा गर्नेछन् । यिनीहरुबाटै बार्साले रियललाई नियन्त्रण गर्न खोज्नेछ ।

बार्सिलोनाको हाई लाइन पछाडि केलियन एमबाप्पे र भिनिसियस जुनियर खतरा हुनेछन् भने जुड बेलिङहम अर्काे हतियार हुनेछ । फेडे भाल्भर्डेको ऊर्जा पनि महत्वपूर्ण हुनेछ ।

रियलको पहिलो रोजाईको धेरैजसो डिफेन्डर नभएको अवस्थामा, थिबाउट कोर्टुवा निकै व्यस्त हुन सक्छ । बार्सिलोनालाई हराउन र आफ्नो उपाधि आशा जीवित राख्न रियलले ऐतिहासिक प्रदर्शन गर्नुपर्ने हुन्छ ।

चोटको चपेटा

क्लासिकोमा बार्सिलोनालाई चोटले पनि सताउने सम्भावना छ । अलेजान्ड्रो बाल्डेले क्लासिको गुमाउने सम्भावना छ । जसको अर्थ जेरार्ड मार्टिनले लेफ्ट ब्याकमा खेल्नेछ ।

जुल्स कुन्डे चोटका कारण अनुपस्थित हुनेछन् । मार्क कासाडो र मार्क बर्नाल बाहिरै छन् । रोबर्ट लेवान्डोस्कीले परिवर्तित खेलाडीको रुपमा खेल्ने सम्भावना छ ।

यता, रियल अझै पनि रक्षात्मक विकल्पहरूको लागि मैदानमा अत्यन्तै कमजोर छ किनकि डानी कार्भाजल, एडर मिलिटाओ, फर्लान्ड मेन्डी, एन्टोनियो रुडिगर र डेभिड अलाबाले पनि मोन्टजुइकमा बार्सिलोनाविरुद्धको खेल गुमाउने पक्का छ ।

क्लासिको अघि बार्सिलोनाको ३४ खेलबाट ७९ अंक तथा रियलको समान खेलबाटै ७५ अंक छ ।